Пурханов Юсупбай Елмуратовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Мустақиллик йилларида Қорақалпоғистонда педагогик фикрлар тараққиётининг асосий йўналишлари”, 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: B2021.3.PhD/Ped1082.
Илмий раҳбар: Алеуов Усербай, педагогика фанлари доктори, профессор.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса номи, ИК рақами: Нукус давлат педагогика институти, DSc.03/30.12.2019.Ped.34.01
Расмий оппонентлар: Чориев Иргаш Тураевич, педагогика фанлари доктори, профессор; Ходжаев Бегзод Худойбердиевич, педагогика фанлари доктори, профессор.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади мустақиллик йилларида Қорақалпоғистонда педагогик фикрлар ривожининг устувор йўналишларини очиб беришдан иборат.
III. Тадқиқотнинг илмий янгилиги:
Қорақалпоғистонда педагогик фикрлар ривожининг ижтимоий-маданий шарт-шароитлари (омиллари, босқичлари, мазмуни) миллий идентикликка устуворлик бериш орқали этнопедагогик воситаларни ретроинновация кўринишида лойиҳалаш, миллий ўзликнинг англанишига хизмат қилувчи эдукологик феноменларнинг замонавий нуқтаи-назарлар билан интеграллашув даражаси барқарорлигини ҳисобга олиш орқали асосланган; 
экспериментал ва инновацион фаолиятга асосланган педагогик фикрлар ривожининг этнопедагогик, компаративистик (чоғиштирма), антропологик, акмеологик, андрагогик жиҳатлари историографиянинг ворисийлик, объективлик, амалий йўналтирилган тенденцияларига устуворлик бериш асосида аниқлаштирилган;
Қорақалпоғистонда педагогик фикрлар ривожининг прогностик моделини процессуал-амалий компоненти тадқиқий педагогикани вертикал ва горизонтал йўналишда бойитиб боришга асосланган изланишли фаолият билан узвийлигини назария ва амалиётнинг праксиологик продуктивлиги идентивлигини таъминлаш орқали такомиллаштирилган; 
Қорақалпоғистонда педагогик фикрлар ривожининг истиқболли йўналишлари (когнитив, шахсий-инсонпарварлик, ижтимоий-педагогик, маданий-антропологик) социоцентрик ва антропоцентрик қадриятларнинг таълим-тарбиянинг феноменологик, технократик, эзотерик парадигмалари билан бевосита ва билвосита алоқадорлигини ҳисобга олиш асосида аниқлаштирилган.
IV. Тадқиқот натижаларининг жорий қилиниши. Қорақалпоғистонда мустақиллик йилларида педагогик фикрларнинг ривожланиши бўйича олинган илмий натижалар асосида:
Қорақалпоғистонда педагогик фикрлар ривожининг ижтимоий-маданий шарт-шароитларини миллий идентикликка устуворлик бериш орқали этнопедагогик воситаларни ретроинновация кўринишида лойиҳалаш, миллий ўзликнинг англанишига хизмат қилувчи эдукологик феноменларнинг замонавий нуқтаи-назарлар билан интеграллашув даражаси барқарорлигини ҳисобга олиш орқали асослашга доир таклиф ва тавсиялардан педагогика таълим соҳаси Давлат таълим стандартини ишлаб чиқишда фойдаланилган (Олий ва ўрта махсус таълими вазирлигининг 2020 йил 23 октябрдаги 89-03.4175-сон маълумотномаси). Натижада, бакалавриат таълим йўналишларида Қорақалпоғистонда педагогик фикрларнинг ривожланишини ўқитиш самарадорлигини оширишга хизмат қилган;
экспериментал ва инновацион фаолиятга асосланган педагогик фикрлар ривожининг этнопедагогик, компаративистик, антропологик, акмеологик, андрагогик жиҳатларини историографиянинг ворисийлик, объективлик, амалий йўналтирилган тенденцияларига устуворлик бериш асосида аниқлаштириш, Қорақалпоғистонда педагогик фикрлар ривожининг прогностик моделини процессуал-амалий компонентини такомиллаштиришга доир амалий таклиф ва тавсиялардан Вазирлар Маҳкамасининг 2019 йил 31 декабрдаги 1059-сон қарорининг 1-иловаси билан тасдиқланган “Узлуксиз маънавий тарбия Концепцияси”ни ишлаб чиқишда фойдаланилган (Олий ва ўрта махсус таълими вазирлигининг 2020 йил 23 октябрдаги 89-03.4175-сон маълумотномаси). Натижада, олий таълим муассасаларида “Тарбия фанини ўқитиш технологияси” фанини ўқитишнинг методик таъминотини ишлаб чиқишга хизмат қилган; 
Қорақалпоғистонда педагогик фикрлар ривожининг истиқболли йўналишларини социоцентрик ва антропоцентрик қадриятларнинг таълим-тарбиянинг етакчи парадигмалари билан бевосита ва билвосита алоқадорлигини ҳисобга олиш асосида аниқлаштиришга доир амалий таклиф ва тавсиялардан №2А1-ХТ-0-92997 “Ёшларни умуминсоний, миллий ва тарихий қадриятлар уйғунлиги асосида маънавий-ахлоқий тарбиялашнинг муаммолари” (2012-2014 йй.) мавзусидаги амалий лойиҳани ишлаб чиқишда фойдаланилган (Олий ва ўрта махсус таълими вазирлигининг 2020 йил 23-октябрдаги 89-03.4175-сон маълумотномаси). Натижада, ёшларни маънавий-ахлоқий тарбиялашда миллий-педагогик ғоялардан фойдаланиш самарадорлигини оширишга эришилган.