O‘zbekiston Respublikasi Vazirlar Mahkamasi huzuridagi Oliy attestatsiya komissiyasida (OAK) murojaatlar bilan ishlashga “Jismoniy va yuridik shaxslar murojaatlari to‘g‘risida”gi Qonun va tegishli normativ-huquqiy hujjatlar talablari asosida alohida e’tibor beriladi.

I. OAKda murojaatlar bilan ishlashni tashkil qilish.
OAKda murojaatlar bilan ishlashni tashkil qilish, murojaatlarni o‘z muddatida va sifatli ko‘rib chiqishni ta’minlash bo‘yicha me’yoriy, ilmiy-tashkiliy va joylarda o‘tkaziladigan tadbirlar natijasida tegishli ishlar amalga oshirilgan. Bu borada, jumladan  quyidagilar yo‘lga qo‘yilgan:
murojaatlar bilan ishlash holati har kuni rahbariyat huzurida, har hafta OAK tartib-qoida komissiyasi va har oy Rayosat majlislarida tanqidiy muhokama qilib borilishi tashkil etilgan;
mas’ul xodimlar bilan ijro intizomi masalasi bo‘yicha seminar, ilmiy kotiblar bilan ishchi seminarlar tashkil qilingan. OAK tartib-qoida komissiyasida eng ko‘p murojaatlar kelib tushayotgan masalalarning muhokamasi yo‘lga qo‘yilgan;
og‘zaki murojaat qiluvchi har bir fuqaro bilan OAK ishchi guruhi suhbat o‘tkazib, unga batafsil tushuntirish berish yo‘lga qo‘yilgan;
murojaatlar bilan ishlash samaradorligini oshirish va eng ko‘p murojaatlar kelib tushayotgan masalalar bo‘yicha joylarda ilmiy jamoat-chilik bilan uchrashuvlar va sayyor qabullar tashkil etilgan. Mazkur uchrashuvlar va sayyor qabullarda masalalarning joyida hal etilishiga va savollarga batafsil tushuntirish berilishiga alohida e’tibor qaratilgan.

II. 2021 yil yanvar`-dekabr` oylaridagi murojaatlar.
a) murojaatlarning yo‘nalishlar bo‘yicha tahliliga ko‘ra, murojaatlar mohiyatan attestatsiya jarayoni masalalariga tushuntirish berish so‘ralgan, jumladan dissertatsiya himoyasini tashkil etish; ilmiy unvon va ilmiy darajalar berish tartibi; ilmiy unvon va ilmiy darajalar olishga oid attestatsiya hujjatlarini ko‘rib chiqish.
Hisobot davrida kelib tushgan 432 ta murojaatlarning 347 tasiga o‘z vaqtida to‘liq javob berildi, 85 tasi tegishliligi bo‘yicha yuborildi (167 tasi O‘zR Prezidentining Virtual qabulxonasi hamda 2 tasi O‘zR Prezidentining Xalq qabulxonasi va 44 tasi OAK elektron pochtasiga, 63 tasi yozma va 156 tasi og‘zaki).

*Murojaatlar anonim  bo‘lganligi sababli qonun hujjatlariga muvofiq ko‘rib chiqilmagan.

b) hisobot davrida Qoraqalpog‘iston Respublikasi va 10 ta viloyatda (Sirdaryo, Jizzax, Buxoro, Samarqand, Surxondaryo, Qashqadaryo, Andijon, Namangan,  Farg‘ona, Toshkent viloyatlari) 3342 nafar ilmiy jamoatchilik bilan 71 ta uchrashuv tashkil etilib, unda 2358 nafar yosh tadiqotchi ishtirok etdi, 915 ta savolga tushuntirish berildi, 157 nafar izlanuvchining masalasi joyida hal etildi 406 nafar izlanuvchiga joyida uslubiy yordam ko‘rsatildi.
III. Eng ko‘p murojaatlar kelib tushayotgan masalalarni hal etish yuzasidan qator tadbirlar, jumladan quyidagilar amalga oshirilgan:
ilmiy darajalar beruvchi ilmiy kengash ilmiy kotiblari bilan ishchi seminarlar doimiy tashkil etilgan;
tadqiqotchilarga uslubiy yordam ko‘rsatish tashkil etilgan;
tegishli masalalar bo‘yicha elektron axborot tarqatish yo‘lga qo‘yilgan;  
joylarda ilmiy jamoatchilik bilan uchrashuvlar doimiy ravishda amalga oshirilishi tashkil etilgan.
IV. Murojaatlar bilan ishlash tizimi samaradorligini oshirish bo‘yicha, jumladan joylarda ilmiy jamoatchilik bilan uchrashuvlarni va tadqiqotchilarga joyida uslubiy yordam ko‘rsatish amaliyotini izchil davom ettirish;
eng ko‘p murojaatlar kelib tushayotgan muammoli masalalarni tahlil qilib, takroriy murojaatlar sababini o‘rganish, tegishli takliflarni ishlab chiqish va shular asosida maqsadli tadbirlarni amalga oshirishni tashkil qilish maqsadga muvofiq.
Oliy attestatsiya komissiyasi tomonidan murojaatlar bilan tizimli ishlashni tashkil etish, murojaatlarni o‘z muddatida va sifatli ko‘rib chiqish bo‘yicha amalga oshirilayotgan tadbirlar izchil davom ettiriladi.

OAK tomonidan 2021 yil yanvar`-dekabr` oylarida
murojaatlar bilan ishlash natijalarini yoritish
sohasida olib borilgan ishlar bo‘yicha ma’lumot

O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonuni va Vazirlar Mahkamasining 2018 yil 15 fevraldagi 125-son “O‘zbekiston Respublikasi davlat va xo‘jalik boshqaruvi organlarining axborot xizmatlari faoliyatini yanada takomillashtirish chora-tadbirlari to‘g‘risida”gi qarori ijrosini ta’minlash maqsadida ishlab chiqilgan “Xalq davlat idoralariga emas, balki davlat idoralari xalqimizga xizmat qilishi kerak!” degan g‘oya asosida davlat va jamiyat hayotidagi muhim masalalar bo‘yicha o‘tkaziladigan matbuot anjumanlarining 2021 yil rejalari asosida OAK faoliyatiga oid masalalar yuzasidan OAK axborot xizmati tomonidan OAV ishtirokida matbuot anjumanlari va brifinglar tashkil etildi. Ushbu matbuot anjumanlari va brifinglarda murojaatlarning ko‘rib chiqilishi natijalari bo‘yicha OAVda, shuningdek, OAK ijtimoiy tarmoqlari (telegram, feysbuk), OAK rasmiy veb-saytida muntazam, to‘liq va tezkor ravishda tahliliy ma’lumotlar berib borish tashkil etilgan.

Yuklab olish