Мадрахимов Аллоберди Махмадалиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ғўза поясидан олинган конденцион ёғоч толала тўлдиргич ва улардан композицион ёғоч-пластикли плитали материаллар олишнинг чиқиндисиз технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2021.4.PhD/T2443.
Илмий раҳбар: Абед Нодира Сойибжановна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Солиев Рустамжон Хакимжонович, техника фанлари доктори; Улмасов Тулқин Усманович, техника фанлари доктори.
Етакчи ташкилот: Тошкент кимё-технология институти.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: ғўза поясидан олинган конденцион ёғоч толала тўлдиргич ва улардан композицион ёғоч-пластикли плитали материаллар олишнинг чиқиндисиз технологиясини ишлаб чиқишдан иборат.
III. Тадқиқотнинг илмий янгилиги:
композицион плита материаллар учун ёғоч толали тўлдирувчилар олиш мақсадида ғўза поясини майдалашнинг технологик жараёни ишлаб чиқилган;
майдалаш жараёнини икки босқичда амалга ошириш орқали ёғоч-пластик плита материаллар ишлаб чиқариш учун ёғоч толали тўлдирувчилар олинган;
жараённинг самарадорлиги ва ғўзапоя пайраҳаларининг конденцион массадаги юқори миқдори, ғўза пояларини узатиш ва кесиш тезлигига боғлиқлиги аниқланган;
майдалаш самарадорлигини таъминлаб берувчи пичоқли валли ротор типидаги пайраҳали станокнинг ишчи органи ҳамда конструкциясига ўзгартиришлар киритилиб, иккиламчи майдалаш тамойили назарий жиҳатдан асосланган;
оптимал параметрларга эга бўлган тўлдирувчилар олиш учун ғўзапоя пайраҳасининг керакли бўлган узунлиги аниқланган.
IV. Тадқиқот натижаларининг жорий қилиниши:
Ғўза поясидан олинган конденцион ёғоч толала тўлдиргич ва улардан композицион ёғоч-пластикли плитали материаллар олишнинг чиқиндисиз технологиясини ишлаб чиқиш бўйича олинган илмий натижалар асосида:
композицион ёғоч-пластик плитали материалларни олиш технологияси «Файз» МЧЖ қўшма корхонасининг модернизация қилинган технологик тизимида жорий этилган (Ўзбекистон қурилиш материаллари саноати корхоналари уюшмасининг 2021 йил 9 декабрдаги 05/15-2994-сон маълумотномаси). Натижада, юқори физик-механик ва эксплуатацион ҳусусиятларга эга бўлган 85000 м2 ёғоч-пластик плитали материалларни олиш имконини берган;
ишлаб чиқилган композицион ёғоч-пластик плитали материалларнинг оптимал таркиби «PROSPELL ALL» МЧЖ корхонасида амалиётга жорий этилган (Ўзбекистон қурилиш материаллари саноати корхоналари уюшмасининг 2021 йил 9 декабрдаги 05/15-2994-сон маълумотномаси). Натижада, зичлиги 620-728 кг/м3, эгилишга мустаҳкамлиги 13,6-18,2 МПа ва перпендикуляр узилишга мустаҳкамлиги 0,5-0,8 МПа бўлган 15 минг метр квадрат ёғоч-пластик плитали материалларни олиш имконини берган;
композицион ёғоч-пластик плитали материаллар «АZIMUT-MIG» МЧЖ қурилиш ташкилотида амалиётга жорий этилган (Ўзбекистон қурилиш материаллари саноати корхоналари уюшмасининг 2021 йил 9 декабрдаги 05/15-2994-сон маълумотномаси). Натижада, ёғочни 2-3 баравар тежашга ҳамда корҳонанинг иқтисодий самарадорлигини ошириш имконини берган.