Бобомуродова Муножат Султонмуродовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Иммобилланган арсеназо III реагенти ёрдамида қўрғошин (II), кадмий (II), cимоб (II) ионларини сорбцион-фотометрик аниқлаш», 02.00.02 – Аналитик кимё, 03.00.10 – Экология (кимё фанлари).
Диссертация мавзуси рўйхатга олинган рақам: В2021.2.PhD/К295.
Илмий раҳбарлар: Сманова Зулайхо Асаналиевна, кимё фанлари доктори, профессор; Рахимова Латофат Собиржановна, техника фанлари доктори, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети ҳузуридаги DSc.03/30.12.2019.К.01.03 рақамли илмий кенгаш асосидаги бир марталик илмий кенгаш.
Расмий оппонентлар: Пўлатов Хайрулла Лутпуллаевич, кимё фанлари доктори, профессор; Яхшиева Зухра Зиятовна, кимё фанлари доктори, доцент.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полимер ташувчиларга иммобилланган арсеназо III ёрдамида қўрғошин (II), кадмий (II) ва симоб (II) ионларини сорбцион-фотометрик аниқлашдан иборат.
III. Тадқиқотнинг илмий янгилиги:
илк бор маҳаллий хомашё асосида синтез қилинган ППФ-1 ва ППА-1 сорбентига арсеназо III реагенти иммобиллаш механизми ва металл ионлари билан комплекс ҳосил бўлиши реагент таркибидаги функционал фаол гурухлар жойлашишига, металл ионларининг координацион сонига, ион боғларнинг характерига боғлиқлиги исботланган;
комплекснинг беқарорлик константалари ҳисобланган ва ППФ-1 толали сорбенти учун  комплекснинг барқарорлиги Pb> Hg > Cd тартибида, ППА-1 толали сорбенти учун эса Hg> Pb > Cd тартибида ортиб бориши аниқланган;
илк бор янги синтез қилинган ППФ-1 ва ППА-1 толали ташувчиларга иммобилланган Арсеназо III реагенти ёрдамида қўрғошин, кадмий, симоб ионларини аниқлашга ҳалақит берувчи анион ва катионлар таъсири аниқланган;
симоб, кадмий, қўрғошинни экологик объектлар таркибидан ППФ-1, ППА-1 сорбентларига иммобилланган органик реагентлар ёрдамида сорбцион-фотометрик аниқлашнинг янги усули яратилган.
IV. Тадқиқот натижаларининг жорий қилиниши:
Иммобилланган органик реагентлар ёрдамида қўрғошин (II), кадмий (II), cимоб (II) ионларини аниқлаш бўйича олинган илмий натижалар асосида:
ишлаб чиқилган сорбцион-фотометрик усул Олмалиқ КМК амалиётига жорий қилинган (Олмалиқ КМК АЖнинг 2021 йил 21 майдаги АА-20/23-сон маълумотномаси). Натижада, оқова сувлар таркибидан қўрғошин ионини сифат ва миқдорий аниқлаш имконини берган;
ишлаб чиқилган усул Ўзбекистон Республикаси Ветеринария ва чорвачиликни ривожлантириш давлат қўмитаси «Ветеринария дори воситалари ва озуқабоб қўшимчалар сифати ва муомаласи назорати бўйича давлат илмий маркази» амалиётига жорий этилган (Ўзбекистон Республикаси Ветеринария ва чорвачиликни ривожлантириш давлат қўмитасининг 2021 йил 26 мартдаги 05/28-121-сон маълумотномаси). Натижада, ветеринария дори воситалари таркибидаги оғир ва заҳарли металл ионларини аниқлаш имконини берган.