Мавланов Камолиддин Тўйчиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Жиноят процессида гумон қилинувчининг ҳуқуқ ва эркинликларини ишончли ҳимоя қилиш кафолатлари”, 12.00.09 – Жиноят процесси. Криминалистика, тезкор-қидирув ҳуқуқи ва суд экспертизаси (юридик фанлар).
Диссертация мавзуси рўйхатга олинган рақам: В2020.4.PhD/Yu449.
Илмий раҳбар: Хайриев Нодиржон Исроилович, юридик фанлар доктори, доцент.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/13.05.2020.Yu.22.03.
Расмий оппонентлар: Пулатов Бахтияр Халилович, юридик фанлар доктори, профессор; Хасанов Темур Халмаматович, юридик фанлар бўйича фалсафа доктори (PhD).
Етакчи ташкилот: Қорақалпоқ давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади жиноят ишлари юритувида гумон қилинувчининг ҳуқуқ ва қонуний манфаатларини ҳимоя қилишга қаратилган нормаларини таҳлил қилиш, бу соҳадаги илмий концептуал ёндошувларни ривожлантиришга доир таклиф ва тавсиялар ишлаб чиқишдан иборат.
III.Тадқиқотнинг илмий янгилиги:
шахсни жиноят ишига гумон қилинувчи сифатида жалб қилиш учун асослар мавжуд бўлган тақдирда, уни гувоҳ тариқасида сўроқ қилиш мумкин эмаслиги асослаб берилган;
шахсга унинг процессуал ҳуқуқлари тушунтирилгунига қадар ундан бирон-бир ёзма ёки оғзаки кўрсатувлар олиш мумкин эмаслиги асослантирилган;
жиноят содир этганликда гумон қилиниб ушлаб турилган шахс бошқа давлатнинг фуқароси бўлса, бу ҳақда дарҳол Ўзбекистон Республикаси Ташқи ишлар вазирлигига хабар берилиши шартлиги асослаб берилган;
гумон қилинувчидан жиноят-процессуал қонунчилиги бузилган ҳолда олинган кўрсатувлар номақбул далил деб топилиши зарурлиги асослаб берилган.
IV.Тадқиқот натижаларининг жорий қилиниши.
Жиноят процессида гумон қилинувчининг ҳуқуқлари ҳимоясини илмий тадқиқ этиш юзасидан олинган натижалар асосида:
шахсни жиноят ишига гумон қилинувчи сифатида жалб қилиш учун асослар мавжуд бўлган тақдирда, уни гувоҳ тариқасида сўроқ қилиш мумкин эмаслигини назарда тутувчи таклиф 2021 йил 18 февралдаги ЎРҚ-675-сонли “Ўзбекистон Республикасининг Жиноят ҳамда Жиноят-процессуал кодексларига ўзгартиш ва қўшимчалар киритиш тўғрисида”ги Қонуннинг 2-моддаси 12-банди 2-хатбошисида ўз ифодасини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитасининг 2021 йил 6 августдаги 06-10/1866-сон маълумотномаси). Мазкур таклиф гумон қилинувчининг иш ҳолатлари тўғрисида кўрсатувлар бериш ёхуд кўрсатувлар беришдан бош тортиш ҳуқуқини таъминлашга хизмат қилган;
шахсга унинг процессуал ҳуқуқлари тушунтирилгунига қадар ундан бирон-бир ёзма ёки оғзаки кўрсатувлар олиш мумкин эмаслигини назарда тутувчи таклиф 2021 йил 18 февралдаги ЎРҚ-675-сонли “Ўзбекистон Республикасининг Жиноят ҳамда Жиноят-процессуал кодексларига ўзгартиш ва қўшимчалар киритиш тўғрисида”ги Қонуннинг 2-моддаси 12-банди 3-хатбошисида ўз ифодасини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитасининг 2021 йил 6 августдаги 06-10/1866-сон маълумотномаси). Мазкур таклиф гумон қилинувчининг ўз ҳуқуқларидан хабардор бўлиш ва уларни амалга оширишга хизмат қилган;
ушлаб турилган шахс бошқа давлатнинг фуқароси бўлса, бу ҳақда дарҳол Ўзбекистон Республикаси Ташқи ишлар вазирлигига хабар берилиши зарурлигини назарда тутувчи таклиф 2020 йил 14 майдаги ЎРҚ–617-сонли “Ўзбекистон Республикасининг Жиноят-процессуал кодексига жиноят процессида иштирок этувчи фуқароларнинг ҳуқуқ ва эркинликларини муҳофаза қилишни кучайтиришга қаратилган ўзгартишлар ва қўшимча киритиш тўғрисида”гиҚонуннинг 3-банди 2-хатбошисида фойдаланилган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитасининг 2021 йил 6 апрелдаги 06-10/782-сон маълумотномаси). Мазкур таклиф жиноят содир этишда гумон қилинаётган шахснинг ўз ҳуқуқларини ишончли ҳимоя қилишига хизмат қилган;
    гумон қилинувчидан жиноят-процессуал қонунчилиги бузилган ҳолда олинган кўрсатувлар номақбул далил деб топилиши зарурлигини назарда тутувчи таклиф 2018 йил 4 апрелдаги ЎРҚ–470-сонли “Суд-тергов фаолиятида фуқароларнинг ҳуқуқ ва эркинликлари кафолатларини кучайтириш бўйича чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонуннинг 2-қисми 6-банди 3-хатбошисида фойдаланилган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши курашиш қўмитасининг 2021 йил 6 апрелдаги 06-10/782-сон маълумотномаси). Мазкур таклиф фуқароларнинг ҳуқуқ ва эркинликларини муҳофаза қилиш принципининг тўлақонли ишлашига хизмат қилган.