Сапаров Санжарбек Юсупбоевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қаттиқ фазада карбоксиметилкрахмалнинг натрийли тузи синтези ва унинг физик-кимёвий хоссалари», 02.00.06 – Юқори молекуляр бирикмалар, 02.00.04 – Физик кимё (кимё фанлари).
Диссертация мавзуси рўйхатга олинган рақам: В2021.1.PhD/K365.
Илмий раҳбарлар: Маҳкамов Музаффар Абдуғаппорович, кимё фанлари доктори, доцент; Сидиков Абдужалол Сидикович, кимё фанлари доктори, профессор.
Диссертация бажарилган муассасалар номи: Тошкент кимё-технология институти.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети ҳузуридаги DSc.03/30.12.2019.К.01.03 рақамли илмий кенгаш асосидаги бир марталик илмий кенгаш.
Расмий оппонентлар: Исмаилов Равшан Исраилович, кимё фанлари доктори, профессор; Каттаев Нуритдин Тўраевич, кимё фанлари доктори, доцент.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий жўхори навларидан ажратиб олинган крахмални қаттиқ фазада модификациялаш орқали карбоксиметилкрахмалнинг натрийли тузини олиш ҳамда олинган маҳсулотнинг физик-кимёвий хоссаларини аниқлашдан иборат.
III. Тадқиқотнинг илмий янгилиги:
илк бор маҳаллий жўхори навларидан ажратиб олинган крахмални сувли эритмаларда ва қаттиқ фазада модификация қилиш орқали карбоксиметилкрахмалнинг натрийли тузи олинган;
крахмални модификация жараёнига турли омиллар таъсири ўрганилиб, қаттиқ фазада алмашиниш даражаси юқори бўлган маҳсулот олиш шароитлари аниқланган;
қаттиқ фазада крахмални карбоксиметиллашда реакцион аралашмани оз миқдорда спиртлар билан намлаш реакцияга каталитик таъсир кўрсатиши аниқланган;
карбоксиметилкрахмалнинг натрийли тузининг морфологик, термик хоссалари, сувда эрувчанлиги унинг алмашиниш даражаси ҳамда модификациялаш усулига боғлиқ эканлиги аниқланган.
IV. Тадқиқот натижаларининг жорий қилиниши:
Маҳаллий жўхори крахмалини қаттиқ фазада кимёвий модификациялаш йўли билан карбоксиметилкрахмалнинг натрийли тузи олиш ҳамда унинг физик-кимёвий хоссалари бўйича олинган натижалар асосида:
карбоксиметилкрахмалнинг натрийли тузи ўсимликларни кимёвий химоя қилиш воситаларини суспензия концентратини тайёрлаш учун «Elektrokimyozavod» ҚК АЖ амалиётига жорий этилган («Elektrokimyozavod» ҚК АЖнинг 2021 йил 3 майдаги 92-сон маълумотномаси). Натижада, суспензия концентратини тайёрлашда импорт қилинувчи кимёвий хом ашё миқдорини қисман камайишига ва суспензия таннархини 3-5% арзонлаштириш имконини берган;
карбоксиметилкрахмалнинг натрийли тузи бурғулаш эритмаларини тайёрлаш учун «Gissarnftgaz» ҚК амалиётига жорий этилган («Gissarneftgaz» ҚКнинг 2020 йил 22 октябрдаги 1703/ОКиНТ-10-сон маълумотномаси). Натижада, бўрғулаш эритмаларига олинган карбоксиметилкрахмалнинг натрийли тузи қўшилиши импорт қилинувчи кимёвий реагентлар миқдорини қисман камайтириш имконини берган.