Ташмухамедова Гулноза Равшановнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): «Сифат менежменти тизими асосида банк рискларини бошқариш», 08.00.13-Менежмент, 08.00.07- Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2018.3PhD/Iqt780.
Илмий раҳбар: Махмудов Носир Махмудович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.3/30.12.2020.I.16.02.
Расмий оппонентлар: Жумаев Нодир Хосиятович, иқтисодиёт фанлари доктори, профессор, Махкамова Мамлакат Абдукодировна, иқтисодиёт фанлари доктори, профессор.
Етакчи ташкилот номи: Тошкент молия институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади сифат менежменти тизимини жорий этиш асосида банк рискларини бошқаришни такомиллаштириш бўйича таклиф ва тавсиялар ишлаб чиқишдан иборат.  
III. Тадқиқотнинг илмий янгилиги:
тижорат банкларида рискларни бошқаришда натижадорлик синергиясига эришиш мақсадида “корпоратив бошқарув”, “сифат менежменти тизими” ва “риск-менежмент” тизимларини интеграциялаштириш таклиф этилган;
тижорат банкларида операцион рискларни идентификация ва таҳлил қилишнинг сифат (RSCA) ва миқдорий (KRI) индикаторларини киритиш орқали ходимларнинг хатоларини аниқлаш, шахсга доир маълумотларни ҳимоя қилиш ва фирибгарликнинг олдини олиш таклиф этилган;
интеграциялашган тизимда рискларни бошқаришнинг замонавий моделига “банк риск-маданияти” амалиётини киритиш орқали тижорат банклари фаолиятининг ҳар бир жараёнидаги рискларни аниқлаш, баҳолаш ва мониторинг қилиш таклиф этилган;
рискларни бошқаришнинг сифат менежменти тизимида интеграциялаштириш ва автоматлаштириш жараёнларининг банк депозитлари ва кредитлари ўсишига таъсирининг 2025 йилга бўлган прогноз кўрсаткичлари ишлаб чиқилган.
IV.Тадқиқот натижаларининг жорий қилиниши.
Сифат менежменти тизими асосида банк рискларини бошқариш бўйича олинган илми натижалар асосида:
тижорат банкларида рискларни бошқаришда натижадорлик синергиясига эришиш мақсадида “корпоратив бошқарув”, “сифат менежменти тизими” ва “риск-менежмент” тизимларини интеграциялаштириш таклифи АТБ «Алоқа банк»нинг 2020-2023 йилларга мўлжалланган «Банкнинг риск-менежмент сиёсати»га киритилган ва банк фаолиятида жорий этилган (АТБ «Алоқа банк»нинг 2021 йил 16 сентябрдаги 19-02/3200-сон маълумотнома). Ушбу таклиф якунларига кўра банклар СМТ, риск-менежменти ва корпоратив бошқарув тамойилларини юқори сифатли стратегик режалаштириш учун интеграциялаш чораларини ишлаб чиққан;
тижорат банкларида операцион рискларни идентификация ва таҳлил қилишнинг сифат (RSCA) ва миқдорий (KRI) индикаторларини киритиш орқали ходимларнинг хатоларини аниқлаш, шахсга доир маълумотларни ҳимоя қилиш ва фирибгарликнинг олдини олиш таклифи АТБ «Алоқа банк»нинг 2021 йил «Кредит сиёсатини ва унинг асосий йўналишлари»да қабул қилинган ва киритилган (АТБ «Алоқа банк»нинг 2021 йил 16 сентябрдаги 19-02/3200-сон маълумотномаси). Ушбу таклифнинг амалда қўлланилиши жараёнларнинг шаффофлиги ва оптималлигини таъминлайди ҳамда жараёнларни автоматлаштириш заруриятини ишончли банк тизимининг истиқболли таркибий қисми сифатида белгилаб беради. Натижада банкда жараёнларни автоматлаштириш, KPIларни ишлаб чиқиш ва такомиллашган СМТ архитектурасини яратиш лойиҳаси ишга туширилган;
интеграциялашган тизимда рискларни бошқаришнинг замонавий моделига “банкнинг риск-маданияти” амалиётини киритиш таклифи АТБ «Алоқа банк»нинг 2020-2023 йилларга мўлжалланган «Банкнинг риск-менежмент сиёсати»га киритилган ва банк фаолиятида жорий этилган (АТБ «Алоқа банк»нинг 2021 йил 16 сентябрдаги 19-02/3200-сон маълумотномаси). Бунинг натижасида банк томонидан ушбу менежмент моделидан фойдаланиш ва модель амал қилишини қўллаб туриш учун риск-маданиятни яратиш масалалари кўриб чиқилган;
рискларни бошқаришнинг сифат менежменти тизимида интеграциялаштириш ва автоматлаштириш жараёнларининг банк депозитлари ва кредитлари ўсишига таъсирининг 2025 йилга бўлган прогноз кўрсаткичлари ишлаб чиқилган (АТБ «Алоқа банк»нинг 2021 йил 16 сентябрдаги 19-02/3200-сон  маълумотномаси). Ушбу таклифнинг амалга оширилиши натижасида АТБ «Алоқа банк»нинг самарадорлиги 8-10 фоизга ошган.