Sayt test rejimida ishlamoqda

Рузиев Умид Санакуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Cемизлик ва углеводлар алмашинуви бузилган беморларни даволашда ошқозонни шунтлаш амалиётининг самарадорлигини баҳолаш», 14.00.27 – Хирургия (тиббиёт фанлари).
Диссертация мавзуси рўйхатга олинган рақам: В2019.2.PhD/Tib986.
Илмий раҳбар: Тешаев Октябрь Рухиллаевич, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: академик В.Воҳидов номидаги Республика ихтисослаштирилган хирургия илмий-амалий тиббиёт маркази DSc.04/30.12.2019.Tib.49.01.
Расмий оппонентлар: Оспанов Орал Базарбаевич, тиббиёт фанлари доктори, профессор; Акбаров Миршавкат Миролимович, тиббиёт фанлари доктори, профессор.
Етакчи ташкилот: Андижон давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади минигастрошунтлаш амалиётининг кўрсатмаларини ва техник жиҳатларини такомиллаштириш хамда унинг самарадорлигини Ру бўйича гастрошунтлашга нисбатан қиёсий баҳолаш орқали семизлик ва қандли диабетнинг 2 типи билан оғриган беморларни жарроҳлик йўли билан даволаш натижаларини яхшилашдан иборат.
III. Тадқиқотнинг илмий янгилиги:
морбид семизликка чалинган беморларда бетта хужайраларининг давомли гиперфункцияси ва турғун инсулинрезистентлик асносида инсулин ажратиб чиқарилишининг пасайиши бетта хужайраларининг камайиши хамда апоптозига олиб келиши аниқланган;
тана вазни индекси унча катта бўлмаган холатда давом этувчи инсулинрезистентлик шароитида ва бетта хужайралари апоптозининг лаборатор белгилари бўлган ҳолларда инкретин механизмларини кўпроқ стимуляцияси учун хазм жараёни дистализация даражасини пасайтириш мақсадга мувофиқлиги исботланган;
хавф омилларини аниқлаш, хирургик даволаш натижаларини ва самарадорлигини башоратлаш орқали тана вазни индекси, “НОМА” индекси ва семизлик билан ассоцирланган ҚДнинг 2-типи билан касалланиш давомийлиги ўртасида патогномик боғлиқлик борлигига аниқлик киритилган;
минигастрошунтлаш амалиётини амалга ошириш ташрихдан гликемия даражасини назорат қилиш ва турғун ремиссия (тўлиқ ремиссияси) кўрсаткичларининг меъёрлашуви борасида бемор ёши, морбид семизлик мавжудлиги ва ҚДнинг 2 типи билан касалланиш давомийлигидан катъий назар 2 йилдан кейин юқори самарадорлик билан тавсифланиши аниқланган;
Ру бўйича гастрошунтлашга нисбатан минигастрошунтлашда хазм жараёнидан чиқарилган узунроқ қовузлоқ ва кенг гастроэнтероанастомоз овқат хазм қилишнинг самарали дистализацияси орқали кўпроқ ортиқча тана вазни йуқотилишига ва ҚДнинг 2 типининг мустахкам (тўлиқ) ремиссиясига олиб келиши исботланган.
IV. Тадқиқот натижаларининг жорий қилиниши.
Семизлик ва углеводлар алмашинувининг бузилиши билан хасталанган беморларда гастрошунтлашнинг тактик ва техник жиҳатларини оптималлаштириш бўйича олиб борилган илмий тадқиқот натижаларига кўра:
семизлик ва углевод алмашинуви бузилган беморларни хирургик даволаш бўйича тадқиқотнинг илмий натижалари асосиба ишлаб чиқилган «Семизлик ва углевод алмашинуви бузилган беморларни хирургик даволаш усулини танлаш ва операциядан кейинги реабилитация» номли услубий тавсиянома тасдиқланган (Соғлиқни сақлаш вазирлигининг 2021 йил 22 декабрдаги 08-09/20347-сон маълумотномаси). Услубий тавсияномани жорий этиш ташрихдан кейинги эрта ва кечки даврларда морбид семизликни хирургик коррекция қилиш натижаларини яхшилашга имкон берган;
семизлик ва углевод алмашинувининг бузилиши билан касалланган беморларда ошқозонни шунтлаш амалиётининг самарадорлигини баҳолаш бўйича олинган илмий натижалар соғлиқни сақлашнинг амалий фаолиятига, жумладан, академик В. Вохидов номидаги Республика ихтисослаштирилган хирургия илмий-амалий тиббиёт маркази ва «TRUST MEDICAL CENTER» МЧЖ хусусий тиббиёт клиникаси амалиётига жорий этилган (Соғлиқни сақлаш вазирлигининг 2021 йил 22 декабрдаги 08-09/20347-сон маълумотномаси). Семизлик ва қандли диабетнинг 2 типи билан касалланган беморларда хирургик даволашнинг тактик ва техник жиҳатларини такомиллаштириш натижасида ташрихдан кейинги асоратлар частотасини 31,5% дан 2,4% гача камайтиришга, шифохонада бўлиш муддатини 9 кундан 4 кунгача қисқартиришга хамда ҳаёт сифати кўрсаткичини яхшилашга имкон берган.

Yangiliklarga obuna bo‘lish