Мирзаев Нодир Баҳодировичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Пойабзал деталлари учун полимер-тўқима (нотўқима) қатламли материалларни яратиш», 05.06.03 - «Тери, мўйна, пойабзал ва тери-галантерея буюмлари технологияси» (техника фанлари).
Диссертация мавзуси рўйхатга олинган рақам  B2019.2.DSc/T287:
Илмий маслаҳатчи: Рафиков Адхам Салимович, кимё фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Набиева Ирода Абдусаматовна, техника фанлари доктори, профессор; Тешабаева Элмира Убайдуллаевна, техника фанлари доктори, профессор; Жураев Асрор Бахтиёр ўғли, техника  фанлари доктори, доцент.
Етакчи ташкилот: Бухоро мухандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади термоизоляцион пойабзал деталлари учун полимер-тўқима (нотўқима) қатламли материалларни яратиш, структур, физик-механик ва эксплуатацион хоссаларини аниқлаш, улар асосида пойабзал конструкцияси ва технологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
туя ва қўй жуни, турли трикотаж матолари, полиакрил елим асосида иссиқсақловчи пойабзал астарлиги учун янги термоизоляцион, трикотаж-нотўқима қатламли материаллар ишлаб чиқариш технологияси яратилган;
табиий ва синтетик толалар хомашёси асосидаги трикотаж матонинг геометрик тузилиши билан полимер-трикотаж қатламли материалларнинг узилиш кучи, нисбий чўзилувчанлик ва едирилувчанлик кўрсаткичларининг боғлиқликлари ишлаб чиқилган;
дағал туя ва қўй жуни асосидаги нотўқима мато учун игна санчиш жараёнининг техник параметрлари: санчишлар частотаси, зичлиги ва мато ишлаб чиқариш унумдорлигини рационал кўрсаткичлари ишлаб чиқилган;
табиий жун, полиакрил елим ва трикотаж толаларининг юқори температурада сиқувчи валларнинг босими остида таъсирлашуви натижасида қатламлараро кимёвий боғларнинг ҳосил бўлишлиги, адгезион боғларнинг мустахкамлиги ортишлиги аниқланган;
табиий жун-трикотаж қатламли материалларни сидирға елим билан бирлаштириш матонинг физик-механик: материалларнинг узилиш кучи, нисбий чўзилувчанлик ва едирилувчанлик кўрсаткичларини ҳамда тўрли елим билан бирлаштириш санитар-гигиеник: ҳаво, буғ ўтказувчанлик ва иссиқлик сақлаш кўрсаткичларини юқори бўлишига олиб келишлиги аниқланган.
IV. Тадқиқот натижаларининг жорий қилиниши. Диссертация тадқиқоти жараёнида олинган натижалар асосида:
туя жунидан нотўқима мато ва қатламли полимер материални ишлаб чиқариш технологияси “Sayfullayeva М.” тадбиркорлик корхонасида жорий этилган («Ўзчармсаноат» уюшмасининг 2021 йил 29 июндаги №ФБ-7/1764-сон маълумотномаси). Натижада трикотаж-нотўқима қатламли полимер материалини ишлаб чиқариш имконини берган;
полиуретан ва термопласт икки қатламли таглиги тановор билан қуйма усулда бириктириладиган, астар сифатида туя жунидан тайёрланган нотўқима материал қўлланилган баланд дастакли эркаклар пойабзали технологияси “ULKAN LAZIZ” МЧЖ ва “AZR, TEXTILE GROUP” МЧЖ корхоналарида жорий этилган («Ўзчармсаноат» уюшмасининг 2021 йил 29 июндаги №ФБ-7/1764-сон маълумотномаси). Натижада термоизоляцион пойабзални таннархини 9% камайишига эришилган;
полиуретан таглиги тановор билан елимлама усулда бириктириладиган, астар сифатида туя жунидан тайёрланган нотўқима материал қўлланилган баланд дастакли эркаклар пойабзали технологияси “CHARM POYABZAL INVEST” МЧЖ корхонасида жорий этилган («Ўзчармсаноат» уюшмасининг 2021 йил 29 июндаги №ФБ-7/1764-сон маълумотномаси). Натижада махсус соҳалар ҳизматчилари учун қишки пойабзал ишлаб чиқариш имконини берган;
NBR резина таглиги тановор билан қуйма усулда бириктириладиган, астар сифатида туя ва қўй жунидан тайёрланган нотўқима материал қўлланилган баланд дастакли эркаклар пойабзали технологияси “POYAFZALCHI” МЧЖ корхонасида жорий этилган («Ўзчармсаноат» уюшмасининг 2021 йил 29 июндаги №ФБ-7/1764-сон маълумотномаси). Натижада пойабзалнинг оргонометрик, гигиеник ва эстетик хусусиятлари 7-9 фоизга яхшиланишига эришилган;
пойабзаллар учун Ўзбекистон Республикаси Давлат Стандартлари: “Ҳарбий хизматчилар учун берцаси баланд ботинка” (O’zDSt 3227:2017), “Ҳарбийлар учун хром тузлари билан ошланган чармдан тайёрланган ботинка ва қўнжсиз ботинкалар” (O’zDSt 3227:2017), “Ҳарбийлар учун пойабзал қолиплари” (O’zDSt 3229:2017), “Оёқ панжасини ўлчаш услуби ва ҳарбийлар учун пойабзалнинг ўлчов-тўлалик ассортиментини ҳисоблаш” (O’zDSt 3230:2017) ишлаб чиқилди. Натижада ҳарбий хизматчилар қишки пойабзали учун норматив хужжатлар комплекси ишлаб чиқиш имконини берган.