Локтева Любовь Михаиловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда парвовирус инфекциянинг клиник кўринишларини ва дифференциал ташхисотини баҳолаш», 14.00.10 – Юқумли касалликлар (тиббиёт фанлари).
Диссертация мавзуси рўйхатга олинган рақам: B2020.2.Phd/Tib635.
Илмий раҳбар: Мусабаев Эркин Исакович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт марказининг Вирусология илмий-тадқиқот институти.
ИК фаолият кўрсатаётган муассаса (муассасалар) номи, ИК рақами:  Тошкент тиббиёт академияси, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, DSc.04/30.12.2019.Tib.30.01.
Расмий оппонентлар: Худайкулова Гулнара Каримовна, тиббиёт фанлари доктори, доцент; Ибадова Гулнара Алиевна, тиббиёт фанлари доктори, профессор.
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: Тошкент шаҳри мисолида болаларда парвовирус В19 инфекциясининг клиник-лаборатор кўринишларини баҳолашдан иборат.
III. Тадқиқотнинг илмий янгилиги:
аллергология ва кардиоревматология бўлимларига ётқизилган беморларда тошмалар ва артрит шаклланишида парвовирус В19 нинг этиологик роли мавжудлиги исботланган;
парвовирус В19 инфекциясининг 4-7 ва 8-14 ёшдаги болалар гуруҳида устунлик қилиши аниқланган;
илк бор парвовирус В19 инфекциясининг клиник кечиши ва лаборатор кўрсаткичларининг ўзгариши аниқланган;
парвовирус инфекцияси В19 ни эрта ташхислаш учун ПЗР ни жорий этиш зарурлиги исботланган.
IV. Тадқиқот натижаларининг жорий қилиниши.
Парвовирус В19 инфекциясининг клиник ва лаборатор хусусиятларини баҳолаш бўйича олинган илмий натижаларига асосланиб:
парвовирус В19 инфекцияси ташхисотини такомиллаштириш бўйича тадқиқотнинг илмий натижалари асосида ишлаб чиқилган «Парвовирус инфекцияси билан касалланган беморларни кузатиш алгоритми» номли услубий тавсиянома тасдиқланган (Соғлиқни сақлаш вазирлигининг 2019 йил 30 декабрдаги 8н-р/614-сон маълумотномаси). Мазкур услубий тавсиянома парвовирус В19 инфекцияси билан касалланган беморларни ташхислаш ва ўз вақтида даволаш учун чораларни қўллашга хизмат қилган;
парвовирус В19 инфекциясининг клиник ва лаборатор хусусиятларини ўрганишда олинган натижалар соғлиқни сақлаш амалиётига, жумладан, 1-сонли шаҳар болалар клиник касалхонасида ва Тошкент шаҳридаги ТошПТИ клиникаси шифохоналари амалиётига татбиқ этилган (Соғлиқни сақлаш вазирлигининг 2020 йил 10 февралдаги 8-н-9/18-сон маълумотномаси). Жорий қилинган натижалар парвовирус В19 инфекциясини ўз вақтида ташхислаш, антибактериал, яллиғланишга қарши терапия юкини бекор қилиш, беморларни даволаш вақтини қисқартириш ва беморларнинг ҳаёт сифатини яхшилашга имконият яратган.