Улукмурадов Аброр Нафасовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Графен, фуллеренлар ва кичик энергияли водород атомларининг ўзаро таъсири жараёнларини моделлаштириш”, 01.04.04 – Физик электроника (физика-математика фанлари).
Диссертация мавзуси рўйхатга олинган рақам: B2021.2.PhD/FM608.
Илмий раҳбар: Ядгаров Ишмумин Джаббарович, физика-математика фанлари доктори, катта илмий ходим.
Диссертация бажарилган муассаса номи: Ўзбекистон Республикаси Фанлар Академияси Ион-плазма ва лазер технологиялари институти.
ИК фаолият кўрсатаётган муассаса номи, ИК рақами: ЎзР ФА Ион-плазма ва лазер технологиялари институти ҳузуридаги DSc.02/30.12.2019.FM.65.01 рақамли Илмий кенгаш.
Расмий оппонентлар: Джурахалов Абдиравуф Асланович, физика-математика фанлари доктори, профессор; Ташатов Алланазар Каршиевич, физика-математика фанлари доктори, профессор
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади фуллерен-графен структураларидан водород атомларининг сочилиши жараёни ва графен қатлами билан С60 фуллереннинг ўзаро таъсир жараёнлари динамикасини ўрганишдан иборат
III.Тадқиқотнинг илмий янгилиги:
С60 фуллеренлар ининг графенда адсорбцияланиши жараёнида унинг геометрик жойлашуви таъсири аниқланди;
графен билан С60 фуллеренининг боғланиш энергияси (0,06-2.60 эВ) оралиғи аниқланди, ҳамда назарий ва экспериментал ишлар билан солиштирилди;
С60 фуллеренидан водород атомларининг сочилишида, фуллерен ичига водород атомининг киритилиш учун оптимал энергия қийматлари 8 эВ ҳамда шундай киритилишда минимал энергия қиймати 3 эВ эканлиги аниқланди;
илк бор водород атомларининг С60 фуллерендаги хемосорбцияси фуллерен сиртида ҳам, унинг ички қисмида ҳам содир бўлади, қатор ҳолларда эса фуллерен ичида эркин водород атоми юзага келиши мумкин эканлиги аниқланди;
илк бор фуллерен-графен структурасидаги водород атомлари хемосорбциясига сочилаётган водород атомлари бурчак параметрларининг
таъсири аниқланди.
IV. Тадқиқот натижаларининг жорий қилиниши.
С60 фуллереннинг графен қатлами билан ўзаро таъсири ва водород атомининг фуллерен-графен структураларда сочилиши жараёнларини ўрганишда олинган натижалар асосида:
С60 фуллерендан сочилган водород атомларининг фуллерен ичига киритилишидаги оптимал энергия қийматларини ва фуллерен-графен структурасидан водород атомларининг сочилишида водород атомлари билан фуллереннинг ўзаро таъсири механизмларини аниқлаш № ОТ-Ф2-53 рақамли “А3В5 ва А2В6 пленкаларнинг юзаси ва юза ости соҳаларида ҳосил қилинган икки қатламли наноўлчамли тизимларнинг квант ўлчамли эффектлари ва электрон хоссалари” мавзусидаги фундаментал лойиҳада фойдаланилган. (Тошкент давлат техника университетининг 2021 йил 13-октябрдаги № 0119-14-2751- сон маълумотномаси). Илмий натижалардан фойдаланиш наноўлчамли тизимлар хусусиятини ўрганиш ҳамда физикавий фундаментал қонуниятларни ўзлаштириш имконини берган;
графен сиртига С60 фуллереннинг адсорбцияси жараёнига С60 молекуласининг геометрик жойлашувининг таъсирини ва С60 фуллереннинг графен билан ўзаро таъсирида боғланиш энергияси диапазонини аниқлаш № Ф2-Ф2-51 рақамли “Фуллеренлар ва уларнинг ҳосилалари асосида оптоэлектроника ва қуёш энергетикаси учун янги функцианал наноматериаллар синтез қилишнинг фундаментал асослари” мавзусидаги фундаментал лойиҳада фойдаланилган. (Ўзбекистон Республикаси Фанлар Академиясининг 2021-йил 10-августдаги № 2/1255-2208 сонли маълумотномаси); Илмий натижалардан фойдаланиш бир ва икки компонентли органик эритувчиларда С60 фуллерени молекулаларининг ўз-ўзидан ташкилланишида фуллерен структураларида атомларнинг жойлашишини аниқлаш имконини берган.
