Тошбоев Зоҳид Бахрон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Темир йўл саралаш тепалиги автоматика ва телемеханика назорат қурилмаларини такомиллаштириш”, 05.08.03 – Темир йўл транспортини ишлатиш; (техника фанлари).
Диссертация мавзуси рўйхатга олинган рақам: В2021.3.PhD/Т2417
Илмий раҳбар: Курбанов Жанибек Файзуллаевич, техника фанлари доктори, доцент.
Диссертация бажарилган муассасалар номи: Тошкент давлат транспорт университети.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги PhD.15/30.12.2019.Т.73.01 рақамли Илмий кенгаш.
Расмий оппонентлар: Ибрагимов Назрилла Набиевич, техника фанлари доктори, профессор; Ўроқов Олимжон Хикматуллаевич, техника фанлари бўйича фалсафа доктори (PhD).
Етакчи ташкилот: Муҳаммад ал – Хоразмий номидаги Тошкент ахборот технологиялари университети.
II. Тадқиқотнинг мақсади темир йўл саралаш тепалиги автоматика ва телемеханика назорат қурилмаларини такомиллаштиришдан иборат.
III. Тадқиқотнинг илмий янгилиги:
темир йўл саралаш тепалигидаги узилмаларнинг тезлиги ва оғирлигига мос равишда оралиқ вақт интервалларини аниқлаш учун техник фойдаланиш қоидаларига мувофиқ равишда бошқарув ва назорат усули такомиллаштирилган;
темир йўл саралаш тепалигида узилмалар оралиқ вақт интервалларини назорат қилиш учун бир текис тезланувчан тенглама асосида автоматлаштирилган бошқарув тизимида узилмаларнинг тезлигини аниқлаш математик модели такомиллаштирилган;
темир йўл саралаш тепалигидаги узилмаларнинг оғирлиги, тезлиги ва ғилдирак жуфтлигини ҳисоблаш учун механик кучлар назарияси асосида вагон секинлаштиргич механизмини микропроцессорли бошқарув ва назорат қурилмаси ишлаб чиқилган;
темир йўл саралаш тепалигида автоматика ва телемеханика назорат қурилмаларини тепалик электр марказлаштириш тизими билан боғлаш учун энергия тежамкор ва ҳалиқитбардош технологиялар асосида микро-процессорли симсиз бошқарув усули яратилган.
IV. Тадқиқот натижаларининг жорий қилиниши: Темир йўл саралаш тепалиги автоматика ва телемеханика назорат қурилмаларини такомиллаштириш бўйича олиб борилган тадқиқот натижалари асосида:
темир йўл саралаш тепаликларида автоматлаштирилган микропроцессорли бошқарув усули асосида саралаш тепалиги автоматика ва телемеханика бошқарув ва назорат қурилмаси «Ўзбекистон темир йўллари» АЖ тасарруфидаги «Чуқурсой» станциясининг саралаш тепалигида 166 стрелка 13 ва 14 йўлларида амалиётга жорий қилинган («Ўзбекистон темир йўллари» АЖ бошқарув раисининг 2021 йил 3-майдаги №01/1586-21-сон маълумотномаси). Олиб борилган тадқиқот натижалари саралаш станциясида таркибдан узилмаларни ажратиш интервалини қисқартиришга ҳамда вагонлар тепаликда кутиб қолиш вақтлари битта узилма учун 5-секунтга қисқартирилган.
темир йўл саралаш тепаликларида автоматлаштирилган микропроцессорли бошқарув усули асосида «Ўзбекистон темир йўллари» АЖ тасарруфидаги «Ховос» станциясининг саралаш тепалигида 24-стрелка 21 ва 22 йўлларига вагон секинлаштиргич механизмининг назорат ва бошқарув қурилмаси амалиётга жорий қилинган («Ўзбекистон темир йўллари» АЖ бошқарув раисининг 2021 йил 3-майдаги №01/1586-21-сон маълумотномаси). Илмий тадқиқотлар натижасида станцияда поездлар ҳаракати хавфсизлигини ошириш имконияти, манёвр ишларида вагонларнинг ҳаракатланиш тезлигини камайтириш йўллари, ҳаракатланувчи вагонларнинг автоматлаштирилган тормозланишининг таъминланиши, кам самарали ва хавфли қўл меҳнатини бартараф этиш ҳамда узилмаларни тартиб бўйича саралаш ишлари сезиларли даражада кўпайтиришга эришилган.