Маманазаров Азизбек Отажон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Параболо-гиперболик ва аралаш параболик тенгламалар учун чегаравий масалалар”, 01.01.02-Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: В2021.3.PhD/FM627.
Илмий раҳбар: Уринов Ахмаджон Кушакович, физика-математика фанлари доктори, профессор.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Фарғона давлат университети, PhD.03/30.12.2019.FM.05.04.
Расмий оппонентлар: Қодирқулов Бахтиёр Жалилович, физика-математика фанлари доктори, доцент; Апаков Юсупжон Пулатович, физика-математика фанлари доктори, доцент.
Етакчи ташкилот: Урганч давлат университети.
Диссертация йўналиши: назарий аҳамиятга молик.
II. Тадқиқотнинг мақсади иккинчи тартибли параболо-гиперболик ва аралаш параболик типдаги дифференциал тенгламалар учун масалалар қўйиш ва ўрганишдан иборат.
III. Тадқиқотнинг илмий янгилиги қуйидагилардан иборат:
тип ўзгариш чизиғи характеристика бўлмаган модел параболо-гиперболик тенгламалар учун интеграл шарт ва силжишли шарт берилган  нолокал масалаларнинг бир қийматли ечилиши асосланган;
сингуляр коэффициент ва спектрал параметрга эга бўлган тип ўзгариш чизиғи характеристика бўлмаган параболо-гиперболик тенглама учун силжишли шарт берилган нолокал масалаларнинг бир қийматли ечилишини таъминловчи етарли шартлар аниқланган;
вақт йўналишлари қарама-қарши бўлган сингуляр коэффициентли бутун тартибли аралаш параболик тенглама учун умумий улаш шарти берилган Жевре масаласи ечимининг мавжудлиги ва ягоналиги исботланган;
вақт йўналишлари перпендикуляр бўлган бутун тартибли аралаш параболик тенглама учун Трикоми масаласининг қўйилиши аниқланган ва қўйилган масаланинг бир қийматли ечилиши исботланган;
каср тартибли аралаш параболик тенгламалар учун чегаравий масалалар ечимларининг мавжудлиги ва ягоналиги исботланган.
IV. Тадқиқот натижаларининг жорий қилиниши. Параболо-гиперболик ва аралаш параболик тенгламалар учун чегаравий масалаларни тадқиқ қилиш бўйича олинган натижалар асосида:
иккинчи тартибли параболо-гиперболик тенгламалар учун нолокал масалалар тадқиқоти натижалари “Математик физиканинг ноклассик тенгламалари учун чегаравий масалаларнинг корректлигини текшириш” (Қозоғистон Республикаси Таълим ва фан вазирлиги Фан қўмитасининг ёш олимлар танлови, 2021-2023 йй. 2021 йил 5 мартдаги №97КМУ2-рақамли шартномаси, AP 09058677) мавзусидаги халқаро лойиҳада учинчи тартибли дифференциал тенгламалар учун чегаравий масалаларни ўрганишда фойдаланилган (Абай номидаги Қозоқ Миллий педагогика университетининг 2021 йил 5 октябрдаги №15-15-10-02-11/1793 рақамли маълумотномаси). Натижада, иккинчи ва учинчи тартибли параболо-гиперболик тенгламалар учун бир нечта чегаравий масалаларнинг функционал фазоларда кучли ечимининг мавжудлигини исботлаш имконини берган;
сингуляр коэффициентли параболо-гиперболик тенгламалар учун нолокал масалалар ва уларни тадқиқ қилиш усуллари “Кимёвий кинетика назариясининг бузиладиган сингуляр тенгламалари ва Бессел тенгламаси ечимининг тебраниш асимптоталарини қуриш” мавзусидаги ҳалқаро лойиҳада фойдаланилган (Ўш давлат университети қошидаги Фундаментал ва амалий тадқиқотлар институтининг 2021 йил 10 ноябрдаги №1423 рақамли маълумотномаси). Натижада, кимёвий кинетика назарияси масалаларини баён қилиш ва ўрганиш ҳамда уларни амалий масалаларда татбиқ қилиш имконини берган.