Жураев Акбар Шавкатовичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Гидравлик тизимларнинг ишлашини такомиллаштириш асосида карьер гидравлик экскаваторларнинг эксплуатацион самарадорлигини ошириш», 04.00.16 – Кончилик машиналари (техника фанлари).
Диссертация мавзуси рўйхатга олинган рақам: В2021.1.PhD/T2072.
Илмий раҳбар: Абдуазизов Набижон Азаматович, техника фанлари доктори, доцент.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса (муассасалар) номи, ИК рақами: Навоий давлат кончилик институти, DSc.17/04.06.2021.T.06.02.
Расмий оппонентлар: Эгамбердиев Илхом Пулатович, техника фанлари доктори, доцент; Аннақулов Тўлқин Жовбекович, техника фанлари бўйича фалсафа доктори (PhD), доцент.
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади: гидравлик тизими ишини такомиллаштириш асосида карьер экскаваторларининг эксплуатацион самарадорлигини оширишдан иборат. 
III. Тадқиқотнинг илмий янгилиги:
гидравлик ишчи суюқликнинг ифлосланиш даражаси унинг эксплуатация давомийлигига боғлиқлиги ўрнатилди ва ушбу боғлиқлик асосида ишчи суюқликнинг ифлосланганлик даражасини гидравлик тизими қисмларининг иш ресурсига таъсирини математик модели ишлаб чиқилган;
гидравлик тизим сальникли зичлагич қаттиқлиги ошишининг юқори ва кескин паст ҳароратларга боғлиқлиги ўрнатилди ҳамда сальникли зичлагичларнинг таркибига 1,21% миқдорида анкерит (Cf(Vg,Fe)[CO3]2), 0,39% миқдорида сульфат цинк (ZnS) ва 0,22 % миқдорида сульфат калий (К2SO4) элементларини қўшиш, сальникли зичлагичнинг юқори ва кескин паст ҳарорат таъсири остида мўртлашишини бартараф этиш имконини бериши аниқланган;
карьер экскаваторлари гидравлик тизимидаги зичлагичларнинг емирилиш интенсивлигининг математик модели ишлаб чиқилган ва ушбу модель асосида гидравлик тизимдаги зичлагичлар емирилиш интенсивлигини башоратлаш имконини берувчи дастурий таъминоти ишлаб чиқилган;
фильтрда ушлаб қолинган ифлословчи заррачалар ўлчамларининг катталиги ва миқдори фильтр танасининг қалинлиги, ғоваклилик миқдори ва ғоваклари ўлчамларининг катталигига боғлиқлиги аниқланган. 
IV. Тадқиқот натижаларининг жорий қилиниши: 
Гидравлик тизимлар ишлашини такомиллаштириш ва карьер гидравлик экскаваторларининг эксплуатацион самарадорлигини ошириш бўйича олинган илмий натижалар асосида: 
гидравлик экскаваторларнинг гидравлик тизими зичлагичлари «Навоий кон металлургия комбинати» ДК «Аристантау» карьерида амалиётга жорий этилган («Навоий кон-металлургия комбинати» ДКнинг 2021 йил 07 июлдаги 02-06-07/7024-сон маълумотномаси). Натижада, RH-40E русумли карьер гидравлик экскаваторларида қизиб кетиш ва босимнинг ошиши туфайли гидравлик ишчи суюқликларнинг оқиб кетишини 45% га камайтириш имконини берган;
юқори босимли шланг фитингининг янги конструкцияси «Навоий кон металлургия комбинати» ДК «Аристантау» карьерида амалиётга жорий этилган («Навоий кон-металлургия комбинати» ДКнинг 2021 йил 07 июлдаги 02-06-07/7024-сон маълумотномаси). Натижада, RH-40E русумли карьер гидравлик экскаваторларида гидравлик ишчи суюқликларнинг оқиб кетиши билан боғлиқ авариялар сонини 75% га камайтириш имконини берган;
гидравлик ғовакли фильтр «Навоий кон металлургия комбинати» ДК «Аристантау» карьерида амалиётга жорий этилган («Навоий кон-металлургия комбинати» ДКнинг 2021 йил 07 июлдаги 02-06-07/7024-сон маълумотномаси). Натижада, гидравлик ишчи суюқликлар таркибидаги 0,3 мкм ўлчамгача бўлган ифлословчи заррачалардан тозалаш ва карьер экскаваторининг эксплуатацион самарадорлигини 40% га ошириш имконини берган.