Шафиев Рустам Умаровичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Нефть конлари технологияларини такомиллаштиришга доир методологик асослар», 04.00.13 – Нефть ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: B2020.2.DSc/T339.
Илмий маслаҳатчи: Назаров Улугбек Султанович, техника фанлари доктори, профессор.
Диссертация бажарилган муассаса номи: «O‘ZLITINEFTGAZ» АЖ.
ИК фаолият кўрсатаётган муассаса номи, ИК рақами: “O`ZLITINEFTGAZ” АЖ, DSc.23/25.08.2021.T.136.01.
Расмий оппонентлар: Хўжаёров Бахтиёр Хўжаёрович, физика-математика фанлар доктори, профессор; Эрматов Навруз Хушмурадович, техника фанлари доктори, профессор; Сулейманов Багир Алекпер-оглы, техника фанлари доктори, профессор. 
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади қазиб олиниши қийин бўлган заҳираларга эга конларда мураккаб нефть-сув эмульсияларининг самарали парчаланишини таъминлаш учун нефтни тайёрлаш тизимларини ишлаб чиқишдан иборат. 
III. Тадқиқотнинг илмий янгилиги:
жиҳозланаётган объект учун нефть конларининг тури бўйича идеаллаштирилган аналоглар сифатидаги технологик схемалар ишлаб чиқилган;
мураккаб кўп таркибли дисперс системаларни тадқиқ этиш учун базис жараёнлар ягона танлови услуби асослаб берилган;
нефть ва унинг дисперс тизимлари реологик хусусиятларининг ўзгариш қонуниятлари очиб берилган ҳамда нефть ва нефть-сув эмульсияларининг таркибий-механик хусусиятларини яхшилайдиган услублар ишлаб чиқилган;
эмульсияланган сув томчилари атрофидаги зирҳ қобиқларини мустаҳкамлашда қазиб олиниши қийин бўлган захиралардан нефть ишлаб чиқаришни жадаллаштириш ва ошириш усулларининг таъсири аниқланган ҳамда нефтни термокимёвий сувсизлантириш ва тузсизлантиришни амалга оширишни мураккаблаштирувчи қонуниятлар очиб берилган;
нефть қазиб олиниши осон кечадиган ва қазиб олиниши қийин бўлган заҳиралардан нефт қазиб олиш жараёнида ҳосил бўладиган мураккаб кўп таркибли дисперс системалар ўсишининг ўзаро боғлиқлиги исботланган;
нефть конларини қазиб олиниши қийин бўлган захиралари рўйхатига киритиш учун мезонлар ишлаб чиқилган; 
ер усти ва ости тизимларини паралелл лойиҳалаштирган ҳолда лойиҳалаш ишларига тадбиқ этиш учун нефть конлари технологияларини такомиллаштиришнинг услубий асослари яратилган.
IV. Тадқиқот натижаларининг жорий қилиниши. 
Нефть қазиб олиш технологияларини такомиллаштиришнинг методологик асосларини ишлаб чиқишда олинган илмий натижалар асосида: 
нефть ва газ конденсати конларини ишлатиш усули учун Ўзбекистон Республикаси Интеллектуал мулк агентлигининг ихтиро патенти олинган (№IAP04106, 2010 й.). Натижада, нефт қатламларига сув-газ таъсирини кўрсатиш ва нефтни қазиб олиш жараёнини жадаллаштириш имконини берган;
нефть сифати талаблари бўйича «Нефтни қайта ишлаш заводларига етказиб бериладиган нефть» давлат стандарти «Ўзстандарт» агентлиги томонидан тасдиқданган (O’zDSt 3032:2015). Натижада нефтни қайта ишлаш заводларига жўнатишдан олдин конларда юқори сифатли нефт тайёрлашни таъминлаш имконини берган;
нефть конлари технологияларини такомиллаштириш бўйича ишлаб чиқилган меъёрий-услубий хужжатлар (RH 39.0-041:2006, RH 39.2-05:2012, NGH 39.0-033:2013, RH 39.2-044:2007, RH 39.0-110:2012) нефть конларини лойиҳалаш ҳамда ўзлаштириш амалиётига жорий қилинган («Ўзбекнефтегаз» АЖнинг 2021 йилнинг 22 сентябридаги 05/29-4-217-сон маълумотномаси). Натижада конларни оптимал даражада ўзлаштириш ва қазиб олинаётган нефть таннархини пасайтиришни таъминлаш имконини берган;
Ўзбекистон конларидаги нефтни тайёрлаш ускуналарида сувсизлантириш ва тузсизлантириш режими регламентлари жорий қилинган («Ўзбекнефтегаз» АЖнинг 2021 йилнинг 22 сентябридаги 05/29-4-217-сон маълумотномаси). Натижада нефтни «Нефтни қайта ишлаш заводларига етказиб бериладиган нефть» стандарти талабларига мувофиқлигини таъминлаш имконини берган; 
нефть, газ конденсати ва нефть маҳсулотларини қабул қилиш, сақлаш, чиқариш ва ҳисоблаш бўйича ишлаб чиқилган йўриқнома амалиётга жорий этилган (Ўзбекистон нефть маҳсулотлари ва газдан фойдаланишни назорат қилиш инспекциясининг 2007 йил 16 апрелдаги 01/07-266-сон маълумотномаси; “Ўзбекнефтегаз” МХКнинг 2007 йил 18 апрелдаги 87-сон қўшма қарорлари). Натижада нефть, газ конденсати ва нефть маҳсулотлари  табиий йўқотишларини аниқлаш ва ҳисобдан чиқариш имконини берган.