Фармонов Эркин Толибовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Саксовул ва черкез ўсимликлари уруғларини экишни механизациялашнинг илмий-техникавий ечими”, “05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш” 
Диссертация мавзуси рўйхатга олинган рақам: 
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти. DSc.03/30.12.2019.Т.10.01
Расмий оппонентлар: Тўхтақўзиев Абдусалим, техника фанлари доктори, профессор; Турдалиев Вохиджон Махсудович техника фанлари доктори, профессор; Бакиров Зафар Нутфуллаевич техника фанлари  доктори, доцент.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази
Диссертация йўналиши: назарий ва амалий аҳамиятга молик. 
II. Тадқиқотнинг мақсади саксовул ва черкезнинг сочилмайдиган уруғларини экадиган сеялка конструкцияси ва экиш технологик иш жараёнини уруғлик аралашмаларнинг физик-механик хоссаларини ҳисобга олган ҳолда ишлаб чиқишдан иборат. 
III. Тадқиқотнинг илмий янгилиги:
саксовул ва черкез уруғларини экиш жараёнида уларни эзмайдиган ва синдирмайдиган биологик унувчанлигини пасайтирмайдиган конструкциядаги сеялка ишлаб чиқилган;
уруғ ажратадиган барабаннинг конструкцияси меъёрлаш новларининг уруғларни бункердан белгиланган миқдорини ажратиб олиши ва уларни тушиши барқарорлигини таъминлаш ҳисобига ишлаб чиқилган;
сеялка ишчи қисмларининг параметрлари саксовул ва черкез уруғларини белгиланган меъёрда бункердан ажратиб олиш ва уларни меъёрий оралиқда экишни ҳисобга олган ҳолда асосланган;   
сеялка бункери ён деворининг қиялик бурчаги, уруғ ажратадиган барабаннинг айланишлар сони  ва агрегат ҳаракат тезлигининг мақбул қийматлари регрессия тенгламаларини ечиш орқали аниқланган;
экиш агрегатининг турли ҳаракат тезликларига боғлиқ ҳолда бункердаги уруғлик аралашмадан белгиланган миқдорини ажратиб олиб, меъёрий оралиқда саксовул ва черкезнинг уруғларини сифатли экадиган энергия-ресурстежамкор сеялка ишлаб чиқилган. 
IV. Тадқиқот натижаларининг жорий қилиниши. Саксовул ва черкезнинг сочилмайдиган уруғларини экадиган сеялка ишлаб чиқишнинг илмий-техник ечимлари бўйича олинган натижалар асосида: 
саксовул ва черкезнинг уруғларини қаторлаб экиш учун сеялкага Ўзбекистон Республикаси Адлия вазирлиги ҳузуридаги Интеллектуал мулк агетлигининг ихтирога патентлари олинган («Кенг қамровли сеялка» Uz № IAP 04515 ва «Чўл ўсимликлари учун модулли сеялка» Uz  № IAP 06604. Натижада саксовул ва черкезнинг уруғларини белгиланган меъёрда ажратиб олиб меъёрий оралиқ экадиган сеялка конструкциясини ишлаб чиқиш имкони яратилган; 
саксовул ва черкезнинг уруғларини қаторлаб экадиган сеялка Бухоро шаҳрининг атрофида ташкил этилаётган “Яшил қалқон” дастури доирасида, Пешку тумани давлат ўрмон хўжалигига қарашли Қизилқумнинг чўл қумоқ тупроқли майдонларида жорий этилган (Ўзбекистон Республикаси Қишлоқ хўжалиги вазирлигининг 2021 йил 14 июлдаги 02/032-2948-сон маълумотномаси). Натижада саксовул ва черкезнинг уруғларини экишда йиллик иш ҳажмини бажариш харажатлари 26 фоизгача ва ёқилғи сарфи 34 фоизга камайган;
саксовул ва черкезнинг сочилмайдиган уруғларини экадиган сеялканинг контрукцияси “Қишлоқ хўжалиги машинасозлиги конструкторлик-технологик маркази” МЧЖ ва «BMKB-Agromash» АЖ га ишлаб чиқариш учун топширилган (Ўзбекистон Республикаси Қишлоқ хўжалиги вазирлигининг 2021 йил 14 июлдаги 02/032-2948-сон маълумотномаси). Натижада саксовул ва черкезнинг уруғларини экадиган сеялкани саноат усулида ишлаб чиқариш имкони яратилган.