Тургаев Жамбул Адилбаевининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эксплуатацион хоссалари яхшиланган комплекс модификацияланган бетон», 05.09.05 – “Қурилиш материаллари ва буюмлари” (техника фанлари).
Диссертация мавзуси рўйхатга олинган рақам: В2021.4.PhD/Т2010
Илмий раҳбар: Цой Владимир Михайлович, техника фанлари номзоди, доцент.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент архитектура-қурилиш институти. DSc.26/30.12.2019.Т.11.01.
Расмий оппонентлар: Баҳодиров Азизбек Абдулазизович – техника фанлари доктори, профессор; Турапов Махмуд Турапович – техника фанлари номзоти, доцент.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: cуперпластификатор, микрокремнезем ва модификацияланган гидрофобизаторни комплекс равишда қўллаш йўли билан Қорақалпоғистон Республикаси М400 портландцементи асосидаги эксплуатацион хоссалари яхшиланган кўп компонентли бетон олишдан иборат.
III. Тадқиқотнинг илмий янгилиги қуйидагилардан иборат:
минерал ва органик қўшимчалар комплекси таъсир этиш механизмини ҳисобга олган ҳолда улардан кўп компонентли бетонларда фойдаланиш асосланган; 
органик ва минерал қўшимчалар комплексининг таъсири ҳисобига қотаётган цемент тошида юқори зичлик, паст капилляр ғоваклик ҳосил бўлиши аниқланган;
цемент тошининг физик-механик ва эксплуатация хоссалари органик ва минерал қўшимчалар комплекси миқдорига боғлиқлиги аниқланган;
минерал ва органик қўшимчалар комплексига эга бўлган кўп компонентли бетон мустаҳкамлигининг фойдаланилган қўшимчалар (суперпластификатор, микрокремнезём, модификацияланган гидрофобизатор) миқдорига боғлиқлигини ифодаловчи математик модел ишлаб чиқилган.
IV. Тадқиқот натижаларининг жорий қилиниши: Эксплуатацион хоссалари яхшиланган комплекс модификацияланган бетонни ишлаб чиқиш бўйича олинган илмий натижалар асосида:
суперпластификатор, микрокремнезем ва модификацияланган гидрофобизаторни қўллаган ҳолдаги пойдевор блокларининг оптимал таркиби «Тахиаташ темир бетон» МЧЖ ва «Евро бетон» ТБМ МЧЖ корхоналарида темирбетон маҳсулотлар ишлаб чиқаришга жорий этилган (Қорақалпоғистон Республикаси Қурилиш Вазирлигининг 2021 йил 05-сентябрдаги №01-07/01-1995 маълумотнома). Тадқиқотлар натижаларини ишлаб чиқаришга татбиқ этилиши бетоннинг мустаҳкамлик бўйича кўрсаткичларини 10-15 % га, совуққа бардошлилиги ва сувга чидамлилигини икки баробар ошириш имконини берди;
амалга оширилган жараёнлар натижасида ишлаб чиқилган комплекс қўшимчали бетоннинг оптимал таркиби ва технологиясидан йиғма бетон ва темирбетон ишлаб чиқаришига татбиқ этилишидан олинадиган иқтисодий самарадорлик ҳисоблаб чиқилди. Кутилаётган йиллик иқтисодий самара МЧЖ «ЕВРО БЕТОН» заводи учун 420,5 млн. сўмни, ООО «Тахиаташ темир бетон» заводи учун 265,8 млн. сўмни ташкил этади.