Газиев Зоир Тахировичнинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қари ва кекса беморларда чаноқ-сон ҳамда тизза бўғимларини эндопротезлашнинг анестезия усулларига дифференциал ёндашув», 14.00.37 – Анестезиология ва реаниматология (тиббиёт фанлари).
Диссертация мавзуси рўйхатга олинган рақам: В2018.1.DSc/Tib299.
Илмий консультант: тиббиёт фанлари доктори, профессор Аваков Вячеслав Ервандович. 
Диссертация бажарилган муассаса номи: Тошкент тиббиёт академияси кўп тармоқли клиникаси.
Илмий кенгаш фаолият кўрсатаётган муассаса номи, Илмий кенгаш рақами: Республика шошилинч тиббий ёрдам илмий маркази, DSc.04/30.12.2019.Tib.63.01.
Расмий оппонентлар: Шарипова Висолатхон Хамзаевна. тиббиёт фанлари доктори; Боситханова Элмира Иркиновна, тиббиёт фанлари доктори; Акмалов Аброр Саидахмадович, тиббиёт фанлари доктори (Саудия Арабистони).
Етакчи ташкилот: «П.И. Пирогов номидаги миллий тиббий–хирургик маркази» Федерал давлат бюджет муассасаси (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади чаноқ-сон ва тизза бўғимларининг дегенератив-дистрофик касалликлари ва қаттиқ оғриқ синдроми бўлган  кекса ва қари беморларда  эндопротезлаш жараёнида оғриқсизлантириш ва операциядан кейинги оғриқни камайтириш усулини танлашни асослашдан иборат.
III. Тадқиқотнинг илмий янгилиги:
оёқ бўғимларини эндопротезлаш операцияси қилинган қари ва кекса ёшдаги беморларда юрак-қон томир тизимининг интеграл кўрсаткичлари, сенсорли ва моторли блокларнинг вақтинчалик параметрлари ножўя таъсирлар ва асоратларни турли хил нейроаксиал блокадалар ўтказилган умуртқа анестезияси, умуртқа-эпидурал анестезияси, бир томонлама умуртқа анестезияси орқали асосланган;
кучли оғриқли синдром холатидаги оёқ бўғимлари эндопротезлаш амалиётига тайёрланаётган кекса ва қари беморларда бошланғич гиповолемия ва қоннинг ивиш тизими фаоллашиши билан бирга унинг қуюқлашиши исботалнган;
ўртача артериал босим, марказий веноз босим ва марказий гемодинамика  уриш индекси,  юрак индекси,  умумий переферик томир қаршилиги, вегетатив кўрсаткич ва қон кортизол даражасида оёқ бўғимларини эндопротезлаш операцияси бажарилган гериатрик беморларда артериал гипотензия, брадикардия, нейроаксиал блокада пайтида гериартрик беморларда артериал гипотензияни ривожланишида қон айланишининг гиподинамик тартиби ва периферик қон томирларининг умумий қаршилиги ўрни исботланган;
қари беморларда нейроксиал блокада ўтказилганда артериал гипотензия генезисида юракнинг бир марталик ва дақиқали фаолияти пасайиши исботланган;
тизимли ва марказий гемодинамика, кортизол стресс гормони ва анальгезиметрия, беморда бошқариладиган аналгезия ҳамда маҳаллий  анестетикни эпидурал бўшлиққа киритишнинг анъанавий усулига нисбатан муҳим афзалликлари исботланган.
IV. Тадқиқот натижаларининг жорий қилиниши.
Қари ва кекса ёшдаги беморлариида оёқ бўғимларни эндопротезлаш жараёнида оғриқсизлантириш усулига дифференциал ёндошиш бўйича олинган илмий натижалар асосида:
қари ва кекса ёшдаги беморлариида оёқ бўғимларни эндопротезлаш жараёнида оғриқсизлантириш усулига дифференциал ёндошиш асосида  «Катта ва кекса ёшдаги беморларда комбинацияланган унилатерал умуртқа анестезиялаш ва унилатерал эпидурал оғриқсизлантириш усули» бўйича Ўзбекистон Республикасининг ихтиро патенти олинган (№IAP 06544). Натижада ушбу усул қари ва кекса ёшдаги беморларда оёқ бўғимларни эндопротезлаш жараёнида оғриқсизлантириш самарали тартиби натижасида  орқали беморларнинг ҳаёт сифатини  яхшилаш имкон берган;
анестезия самарадорлиги ва хавфсизлиги ошириш натижасида «Оёқ бўғимлари тотал эндопротезлаш амалиёти бўлган қари ва кекса ёшдаги беморларда бир томонлама эпидурал анальгезия билан бирлаштирилган умуртқа анестезия» номли услубий тавсиянома тасдиқланган  (Соғлиқни сақлаш вазирлигининг 2020 йил 5 мартдаги 8н-з/29-сон маълумотномаси). Натижада қари ва кекса беморларда оёқ бўғимларини тотал эндопротезлаш жараёнида беморларни шифохонада ётиш кунлари ва асоратлар сонини қисқартириш имкон берган; 
асоратлар сонини,  интенсив бўлимда даволаниш вақтини қисқартириш  ва операциядан кейинги даврда беморларни тезда фаоллаштириш натижасиида «Бемор томонидан бошқариладиган анальгезия - қари ва кекса ёшдаги беморларда операциядан кейинги даврда оғриқни бартараф этиш самарали ва хавфсиз усули» номли услубий тавсиянома тасдиқланган (Соғлиқни сақлаш вазирлигининг 2020 йил 5 мартдаги 8н-з/29-сон маълумотномаси). Олинган натижалар эпидурал бўшлиққа махалий анестетик (0,25% 25мг лонгокаин эритмаси) киритилиши билан бемор томонидан бошқариладиган оғриқсизлантиришни қўллаш орқали унинг мультимодал анельгезиядан устунлигини аниқ кўрсатиш, беморларни эрта вертикал ҳолатга келтириш  ва фаоллаштириш имконини берган;
Қари ва кекса беморларда чаноқ-сон ҳамда тизза бўғимларини эндопротезлашнинг анестезия усулларига дифференциал ёндашув ишлаб чиқиш бўйича олинган илмий натижалар соғлиқни сақлаш амалиётига, жумладан, Тошкент тиббиёт академиясининг кўп тармоқлик шифоханаси, Республика ихтисослаштирилган травматология ва ортопедия илмий амалий тиббиёт маркази, Бухоро вилоят тиббиёт марказларнинг клиник амалиётига тадбиқ қилинган (Соғлиқни сақлаш вазирлигининг 2021 йил 27 сентябрдаги 08-09/12984-сон маълумотномаси). Олинган натижалар қари ва кекса беморларда оёқ бўғимлари тотал эндопротезлаш жараёнида оғриқсизлантириш самарадорлигини ошириш, беморларни шифохонада ётиш кунлари ва асоратлар сонини қисқартириш, кекса ёшдаги беморларда дастлабки тизимини ўзгариши фармакологик таъсирига жавобан вегитатив асаб тизимини адаптацион ўзгариши, шунингдек, нейроаксиал анестезиянинг турли хил вариантлари симпатик таъсирларнинг натижасида гемодинамик асоратлар келиб чиқишини олдини олиш имкон берган.