Абдурахманов Абдусалом Абдулагзамовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юқори хавф гуруҳига тегишли юрак ишемик хасталиги билан касалланган беморларни шошилинч равишда  жаррохлик йўли билан даволаш услубларини такомиллаштриш», 14.00.40 - Шошилинч тиббиёт (тиббиёт фанлари).
Диссертация мавзуси рўйхатга олинган рақам: В2019.1.DSc/Tib351.
Илмий консультант: Хаджибаев Абдухаким Муминович, тиббиёт фанлари доктори, профессор.
Диссертация бажарилган муассаса номи: Республика шошилинч тиббий ёрдам илмий маркази.
ИК фаолият кўрсатаётган муассаса (муассасалар) номи, ИК рақами: Республика шошилинч тиббий ёрдам илмий маркази, DSc.04/30.12.2019.Tib.63.01.
Расмий оппонентлар: Тураев Феруз Фатхуллаевич, тиббиёт фанлари доктори, Шарипова Висолат Хамзаевна, тиббиёт фанлари доктори, Марек Эрлих, тиббиет фанлари доктори, профессор (Австрия).
Етакчи ташкилот: А.В.Вишневский номидаги миллий хирургия маркази (Россия Федерацияси)
Диссертация йўналиши: амалий аҳамиятга молик.
II. Тадқиқотнинг мақсади: миокардни жарроҳлик реваскуляризацияси усули ва тактикасини оптималлаштириш йўли билан юқори хавф беморларида аортакоронар шунтлаш натижаларини яхшилашдан иборат.
III. Тадқиқотнинг илмий янгилиги:
тақдим этилган ишда асоратлар ривожланишининг юқори ҳавфи бўлган беморлар орасида ЮИК билан оғриган беморларни шошилинч жарроҳлик усули билан даволаш тартиби асосланган; 
беморни юқори ҳавф гуруҳига киритишга имкон берувчи ўткир коронар синдром, юрак хайдаш фракциясининг пастлиги, EuroSCORE бўйича юқори кўрсаткич ва каротид хамда коронар томирларни атеросклеротик торайиши аниқланган; 
миокарднинг алохидалашган реваскуляризациясида ҳам, коронар ва каротид артериялардаги симультан аралашувларида ҳам зарурат бўлганда асоратларнинг ривожланишини юқори ҳавфи бўлган барча беморларда ишлаётган юракда АКШнинг афзаллиги исботланган;
ишлаётган юракдаги АКШ муолажасида миокарднинг ҳаракатланмаслигини таъминлаш учун миокарднинг оригинал стабилизатори ишлаб чиқилган;
каротид ва коронар артерияларнинг биргаликдаги стенозида симультан аралашувларнинг иқтисодий  самарадорлиги математик таҳлил йўли билан аниқланган; 
қиёсий нуқтаи назардан паст хайдаш фракцияси бўлган юқори ҳавф беморларида ЮИКни жарроҳлик усули билан даволаш натижалари асосланган.
IV. Тадқиқот натижаларининг жорий қилиниши. 
Юқори хавф гуруҳига тегишли  юрак ишемик хасталиги  билан касалланган беморларни шошилинч равишда жаррохлик йўли билан даволаш услубларини такомиллаштиришни баҳолаш бўйича олинган натижалар асосида:
миокардни стабилизациялаш йўли билан юракни ишемик касалликларини жарроҳлик усули билан даволаш бўйича тадқиқотнинг илмий натижалари асосида ишлаб чиқилган «Миокардни стабилизациялаш йўли билан юракни ишемик касалликларини жарроҳлик усули билан даволашнинг оптималлаштириш усуллари» номли услубий тавсиянома тасдиқланган (Соғлиқни сақлаш вазирлигининг 2021 йил 5 апрелдаги 8н-д/276-сон маълумотномаси). Мазкур услубий тавсиянома оригинал миокард стабилизаторларини қўллаш билан ишлаётган юракда коронар шунтлашни таклиф этилган усулини қўллашни тажрибада асослаш имконини берган.
юкори хавф булган юрак ишемик хасталиги билан касалланган бемордарни хирургик тактикасини такомиллаштириш бўйича тадқиқотнинг илмий натижалари асосида ишлаб чиқилган «Юкори хавф булган юракни ишемик касалликларида ишловчи юракда коронар шунтлашнинг оптималлаштириш усуллари» услубий тавсияномаси (Соғлиқни сақлаш вазирлигининг 2021 йил 5апрелдаги 8н-д/275-сон маълумотномаси). Мазкур услубий тавсиянома юқори хавф гуруҳига тегишли  юрак ишемик хасталиги  билан касалланган беморларни шошилинч равишда жаррохлик йўли билан даволаш услубларини такомиллаштириш имконини берган.
юқори хавф гуруҳига тегишли юрак ишемик хасталиги  билан касалланган беморларни шошилинч равишда жаррохлик йўли билан даволаш услубларини такомиллаштиришга қаратилган тадқиқот натижалари соғлиқни сақлаш амалиётига, жумладан, Республика шошилинч тиббий ёрдам илмий маркази кардиожаррохлик бўлими, Республика ихтисослаштирилган кардиология илмий-амалий тиббиёт марказининг Хоразм ва Наманган филлиалари  кардиожаррохлик бўлимларининг амалий фаолиятига тадбиқ этилган (Соғлиқни сақлаш вазирлигининг 2021 йил 5 апрелдаги 8н-р/123- сон маълумотномаси). Олинган натижаларнинг амалиётга жорий қилиниши асоратларни ривожланишини юқори хавфи бўлган беморларда уни қўллаш имконияти тўғрисида хулоса чиқариш ва ушбу тоифа беморларида мос бўлган миокард реваскуляризациясини бажариш имконини берган.