Эргашева Нигора Насриддиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Туғма ичак тутилиши билан туғилган чақалоқлар мослашувининг хусусиятлари ва унинг бузилишларини коррекциялаш», 14.00.09-Педиатрия (тиббиёт фанлари).
Диссертация мавзуси рўйхатга олинган рақам: B2019.2.PhD/Tib898.
Илмий раҳбарлар: Ахмедова Дилором Илхамовна, тиббиёт фанлари доктори профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти  DSc.04/30.12.2019.Tib.29.01.
Расмий оппонентлар: Шарипов Алишер Мирхамидович, тиббиёт фанлари доктори, профессор; Хасанова Саида Сабировна, тиббиёт фанлари доктори.
Етакчи ташкилот: Тиббиёт ходимларининг касбий малакасини ривожлантириш маркази.
Диссертациянинг йўналиши: амалий аҳамиятга молик.
II. Тадқиқотнинг мақсади: туғма ичак тутилиши билан туғилган чақалоқларда мослашув хусусиятларини аниқлаш ва аниқланган бузилишларини коррекциялаш усулларини ишлаб чиқишдан иборат.
III. Тадқиқотнинг илмий янгилиги:
илк бор туғма ичак тутилиши билан янги туғилган чақалоқларнинг мослашувининг бузилишига антенатал ва интранатал омиллар, жумладан онанинг қўшма соматик ва юқумли патологияси, ҳомиладорлик ва туғиш давридаги гипертензив бузилишлар, муддатидан олдинги туғруқнинг таъсири исботланган;
янги туғилган чақалоқларда туғма ичак тутилишининг клиник шаклларига қараб неонатал давр ва мослашишнинг кечиш хусусиятлари очиб берилган, улар тана вазнининг яққол йўқолиши (юқори туғма ичак тутилишида янада аҳамиятли), ичак дисбиози, гипоксик-ишемик энцефалопатия билан намоён бўлганлиги исботланган; 
янги туғилган чақалоқларда туғма ичак тутилишини оғирлаштирувчи омиллар ёндош патологияларнинг турли хусусиятларининг фоизи юқори эканлиги, шунингдек ривожланишнинг туғма нуқсонлари ва некротик энтероколит исботланган; 
илк бор туғма ичак тутилишининг турли шаклларида ичак микрофлорасининг миқдорий ва ўзига хос хусусиятларининг бузилиши аниқланди: энг яққол бузилишлар қуйи туғма ичак тутилиши ва ичак мальротациясида исботланган;
янги туғилган чақалоқларда туғма ичак тутилиши эндоген интоксикация фонида, яъни эндоген интоксикациянинг алмашинув ва резорбцион компонентларининг юқори даражада кечиши исботланган; 
туғма ичак тутилишили янги туғилган чақалоқларда транзитор ҳолат (физиологик вазн йўқотиш, ичак дисбиози) ва эндоген интоксикация орасидаги корреляцион боғлиқлик исботланган;
туғма ичак тутилишининг турли шаклларида чақалоқларда ичак дисбиозини пробиотиклар қўллаш билан ишлаб чиқилган дифференцирланган коррекция қилиш схемаларининг самарадорлиги исботланган.
IV. Тадқиқот натижаларининг жорий қилиниши. 
Янги туғилган чақалоқларда туғма ичак тутилишини диагностика ва даволашни такомиллаштириш бўйича ўтказилган тадқиқот илмий натижалари асосида:
туғма ичак тутилиши билан янги туғилган чақалоқларда мослашмаслик бўйича илмий тадқиқотнинг натижалари асосида ишлаб чиқилган “Туғма ичак тутилиши билан янги туғилган чақалоқларда мослашмаслик ҳолатларни баҳолаш”, (Соғлиқни сақлаш вазирлигининг 2021 йил 20 августдаги 8н-р/742-сон маълумотномаси) номли услубий тавсиянома тасдиқланган. Ушбу услубий тавсиянома чақалоқларда мослашув бузилишларини эрта аниқлашни яхшилаш имконини берди, бу ўз вақтида коррекция қилиш ва операциядан кейинги асоратларни частотасини камайтириш имконини берган.
янги туғилган чақалоқларда туғма ичак тутилиши диагностикаси ва унинг оғирлаштирувчи омиллар бўйича илмий тадқиқотнинг натижалари асосида ишлаб чиқилган “Янги туғилган чақалоқларда туғма ичак тутилиши диагностикаси ва унинг оғирлаштирувчи омилларини аниқлаш” номли услубий тавсиянома тасдиқланган (Соғлиқни сақлаш вазирлигининг 2021 йил 20 августдаги 8н-р/743-сон маълумотномаси) тасдиқланди. Ушбу услубий тавсиянома чақалоқларда туғма ичак тутилишини эрта диагностикасини яхшилаш ва уни оғирлаштирувчи омилларни аниқлаш имконини берди. 
Туғма ичак тутилишининг диагностикаси ва уларнинг оғирлаштирувчи омиллари, шунингдек туғма ичак тутилиши билан янги туғилган чақалоқларда касаллик ҳолатини баҳолашга қаратилган тадқиқот натижалари соғлиқни сақлаш амалиётига, жумладан, Қорақалпоғистон Республикаси, Сирдарё, Қашқадарё ва Навоий вилоят болалар кўп тармоқли тиббиёт марказлари хамда Тошкент ш. 1-сонли шаҳар болалар клиник шифохонасининг амалий фаолиятига киритилди (Ўзбекистон Республикаси Соғлиқни сақлаш Вазирлигининг 2021 йил 29-октябрдаги 0807/16066-сон маълумотномаси). Туғма ичак тутилиши билан туғилган чақалоқларда мослашуви бузилишларини диагностика қилиш ва баҳолашнинг тавсия этилган комплексидан фойдаланиш ичак тутилишининг эрта ва кечки асоратлари ривожланиши ва ўлимни камайтириш имконини берган.