Юсупов Азамат Алижоновичнинг фалсафа доктори (PhD) диссертация ҳимояси ҳақида эълон 
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Технологик жараёнлар параметрлари (сатҳ)ни ўлчовчи интеллектуал микропроцессорли тизимлар», 05.03.01 – «Асбоблар. Ўлчаш ва назорат қилиш усуллари» (техника фанлари). 
Диссертация мавзуси рўйхатга олинган рақам: B2019.2.PhD/T1145.
Илмий рахбар: Юсупбеков Нодирбек Рустамбекович, техника фанлари доктори, профессор, ЎзР ФА академиги. 
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.Т.03.02.
Расмий оппонентлар: Ўлжаев Эркин, техника фанлари доктори, профессор.
Жумаев Одил Абдужалилович, техника фанлари доктори, доцент.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: суюқ ва сочилувчан материаллар учун интеллектуал ультратовушли микропроцессорли сатҳ ўлчагичларни қуриш тамойиллари, усуллари ва воситаларини ишлаб чиқишдан иборат.
III. Тадқиқотнинг илмий янгилиги:
нотекс юзалардан акс этган акустик тўлқинларни ва акустик майдонлар тарқалишининг шаклланиш қонуниятларини ҳисобий таҳлил усули асослаб берилган;
назорат қилинадиган суюқ муҳит юзасида товуш тўлқинларининг сочилишини ҳисобга олувчи суюқ маҳсулотлар сатҳини ўлчаш ва назорат қилиш интеллектуал қурилмаси ишлаб чиқилган; 
горизонтал ва қия цилиндрик резервуарларда тубининг турли шаклларини ҳисобга олувчи лазер-масофа ўлчагич ёрдамида сатҳни ўлчашга асосланган суюқ маҳсулот (ёқилғи мойи) ҳажми ва массасини ўлчаш усуллари ишлаб чиқилган; 
бункерда юклаш тешиги яқинига ўрнатилган лазер-масофа ўлчагични қўллашга ва сочилувчан материал (дон маҳсулоти)нинг тўкилиш юзаси нотескилигини ҳисобга олишга асосланган сочилувчан материал (дон маҳсулоти) ҳажмини юқори аниқликда аниқлаш усули ишлаб чиқилган.  
IV. Тадқиқот натижаларининг жорий қилиниши.
Технологик жараёнларда сатҳни ўлчовчи интеллектуал микропроцессорли тизимини қуришда олинган илмий натижалар асосида: 
назорат қилинадиган суюқ муҳит юзасида ултратовуш тўлқинларининг сочилишини ҳисобга олган ҳолда сатҳни ўлчаш ва назорат қилиш интеллектуал қурилмаси ёрдамида мазут ёқилғисининг сатҳини ўлчаш «АСАКА ЁҒ» АЖда жорий қилинган («Ёғ-мой саноати корхоналари уюшмаси»нинг 2021 йил 22 октябрдаги КС/3-966-сон маълумотномаси). Натижада, мазут ёқилғисининг сатҳини ўлчаш орқали унинг ҳажми ва массасини аниқлашнинг реал вақт режимида доимий назорат қилиш имконини берган;
суюқ моддалар сатҳини ўлчовчи интеллектуал микропроцессорли сатҳ ўлчагич қурилмаси орқали мазут ёқилғисининг ҳажмини ўлчаш «АСАКА ЁҒ» АЖда жорий қилинган («Ёғ-мой саноати корхоналари уюшмаси»нинг 2021 йил   22 октябрдаги КС/3-966-сон маълумотномаси). Натижада, горизонтал цилиндрик резервуарни қия ҳолатда жойлашганлигига қарамасдан мазут ёқилғисини сатҳини аниқ ўлчаш орқали унинг ҳажмини аниқлаш имконини берган; 
бункерда сочилувчан моддаларни сатҳини ўлчашда интеллектуал микропроцессорли ўлчагич «АСАКА ЁҒ» АЖда жорий қилинган («Ёғ-мой саноати корхоналари уюшмаси»нинг 2021 йил 22 октябрдаги КС/3-966-сон маълумотномаси). Натижада, сатҳ ўлчагич орқали олинган маълумотларга асосан қурилма маҳсулот сирти нотекислигини баҳолаб, унга мос режимни танлаш орқали бункердаги дон маҳсулотининг ҳажмини юқори аниқликда аниқлаш имконини берган.