Тешабоев Абдувахоб Марифовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қишлоқ хўжалик машиналари аппаратларининг кесувчи сегментларини пухталаш технологиясини ишлаб чиқиш», 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2020.4.PhD/T1955.
Илмий раҳбар: Норхуджаев Файзулла Рамазанович, техника фанлари доктори, профессор.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Якубов Махмуджон Махамаджонович, техника фанлари доктори, профессор; Ўлмасов Тўлқин Усмонович, техника фанлари бўйича фалсафа доктори (PhD).
Етакчи ташкилот: Андижон машинасозлик институти.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: қишлоқ хўжалик машиналари аппаратларини кесувчи сегментларининг пухталаш технологиясини ишлаб чиқишдан иборат.
III. Тадқиқотнинг илмий янгилиги:
цементациялаш ва тоблашнинг технологик режимларининг углеродли кам легирланган пўлатларининг структура-фаза ҳолатига таъсири аниқланган;
пўлатни цементациялаш ва кейинги термик ишлов бериш жараёнининг иссиқлик режимлари ишлаб чиқилган;
пўлатни цементациялаш ва тоблаш ҳароратининг унинг аустенит донаси ўлчамига таъсири аниқланган;
цементациялаш ва тоблаш ҳароратининг пўлатнинг кристалл тузилиши нуқсонийлиги даражасига таъсири аниқланган; 
юқори ҳароратли цементациялаш жараёни учун қаттиқ карбюризаторнинг таркиби аниқланган. 
IV. Тадқиқот натижаларининг жорий қилиниши:
Қишлоқ хўжалик машиналари аппаратларининг кесувчи сегментларини пухталаш технологиясини ишлаб чиқиш бўйича олинган илмий натижалар асосида:
қишлоқ хўжалиги машиналарининг йиғиш аппартлари сегментларининг қирраларини пухталаш технологияси «Қишлоқ хўжалиги машинасозлиги конструктор-технологик маркази» МЧЖда амалиётга жорий қилинган («UzAvto» АЖнинг 2020 йил 30 декабрдаги 07/06-25-1941-сон маълумотномаси). Натижада, йиғиш аппартлари сегментларининг бардошлилигини 2 -3 бараварга ошириш имконини берган;
цементациялаш жараёни ва кейинги термик ишлов беришнинг иссиқлик режимлари «Қишлоқ хўжалиги машинасозлиги конструктор-технологик маркази» МЧЖ да амалиётга жорий қилинган («UzAvto» АЖнинг 2020 йил 30 декабрдаги 07/06-25-1941-сон маълумотномаси). Натижада, ишлаб чиқилган режим цементациялаш жараёнини тоблаш жараёни билан бирлаштириш имконини берган ҳолда пухталашнинг технологик циклини 2 соатга камайтириш имконини берган;  
цементациялаш жараёни учун 80 % газ қурумидан ва 20 % барий карбонатидан ташкил топган карбюризатор «Қишлоқ хўжалиги машинасозлиги конструктор-технологик маркази» МЧЖда амалиётга жорий қилинган («UzAvto» АЖнинг 2020 йил 30 декабрдаги 07/06-25-1941-сон маълумотномаси). Натижада, юзадаги қаттиқликнинг 55 HRC дан 62 HRCгача ошириш имконини берган.