Тураева Нафиса Омановнанинг
фалсафа доктори (PhD) диссертацияси химояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда бронхиал астманинг клиник-иммунологик ва биёкимёвий хусусиятлари», 14.00.09-Педиатрия (тиббиёт фанлари).
Диссертация мавзуси рўйхатга олинган рақам: В2020.3.PhD/Tib1418.
Илмий раҳбар: Шамсиев Фуркат Мухитдинович, тиббиёт фанлари доктори, профессор.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Самарқанд давлат тиббиёт институти PhD.04/30.12.2019.Tib.102.01.
Расмий оппонентлар: Рустамов Мардонқул Рустамович, тиббиёт фанлари доктори, профессор; Халматова Барно Турдиходжаевна, тиббиёт фанлари доктори, профессор.
Етакчи ташкилот: Тиббиёт ходимларининг касбий малакасини   ривожлантириш маркази.
Диссертациянинг йуналиши: амалий аҳамиятга молик.
II. Тадқиқотнинг мақсади болаларда турли хил оғирликдаги бронхиал астманинг клиник - лаборатор хусусиятларини эътиборга олган ҳолда, даволаш турларини баҳолаш ва такомиллаштиришдан иборат.
III. Тадқиқотнинг илмий янгилиги қуйидагилардан иборат:
болаларда бронхиал астманинг ҳар хил оғирлик даражаларида микроэлементларнинг таркиби таҳлил қилиниб, рух, селен, темир ва миснинг кўпроқ "ҳаракатчанлиги" натижасида бронхиал астмада  яллиғланиш жараёнида  патогенетик  аҳамияти асосланган;
болаларда ҳар хил оғирликдаги бронхиал астманинг клиник кўриниши ва кечишида Д витамин миқдорининг таъсири, ҳамда  яллиғланиш жараёндаги роли исботланган;
турли даражадаги бронхиал астма билан касалланган болаларда микроэлементлар ва Д витаминининг иммун ҳолатига, яллиғланишга хос ва яллиғланишга қарши цитокинлар параметрларига таъсирининг патогенетик аҳамияти асосланган;
бронхиал астма билан оғриган болаларда витамин-минерал комплекси ва Д витамини ёрдамида комплекс даволаш самарадорлиги баҳоланиб,   касалликнинг ремиссия даври узайиши аниқланган.
IV. Тадқиқот натижаларининг жорий қилиниши Болаларда бронхиал астманинг клиник, иммунологик ва биокимёвий хусусиятларини баҳолаш бўйича олинган илмий натижалар асосида:
болаларда бронхиал астманинг диагностика ва даволаш бўйича илмий тадқиқотнинг натижалари асосида "Болаларда бронхиал астманинг диагностика ва даволаш усуллари" номли услубий тавсиянома тасдиқланган (Соғлиқни сақлаш вазирлигини 2021 йил 16 майдаги н-р/389-сон маълумотномаси). Мазкур услубий тавсия бронхиал астманинг клиник кечишини башорат қилиш, эрта ташхислашни ва даволашни муқобиллаштириш имконини берган; 
болаларда бронхиал астмани ташҳислаш ва даволашни такомиллаштириш бўйича олинган илмий натижалари соғлиқни сақлаш амалиётига, жумладан, Самарқанд вилоят болалар кўп тармоқли тиббиёт марказида ва Самарқанд давлат тиббиёт институти 1-клиника болалар бўлими  амалиётига тадбиқ этилган (Соғлиқни сақлаш вазирлигини 2021 йил 8 июлдаги 08-09/7749 сон маълумотномаси.)  Олинган натижаларнинг амалиётга тадбиқ этилиши, эрта ташхислаш, касаллик кечишини башорат қилиш хамда касалликнинг авж олиш частотасини икки баравар камайтиришига, болаларнинг ҳаёт сифатини яхшилашига  ва даволаш чора-тадбирларининг самарадорлигини ошириш имконини берган.