Бобамуратов Улуғбек Эркинович 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “ Сингуляр коэффициентли эллиптик-параболик ва гиперболик-параболик аралаш типдаги тенгламалар учун нолакал масалалар”, 01.01.02 –  Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: №В2018.PhD/FМ216
Илмий раҳбар: Мирсабуров Мирахмат, физика-математика фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Қарши давлат университети, PhD.03/30.06.2020.FM.70.04.
Расмий оппонентлар: Исломов Бозор Исломович, физика-математика фанлари доктори, профессор; Рузиев Менглибай Холтожибаевич, физика-математика фанлари доктори (DSc).
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: аралаш турдаги сингуляр коэффициентли тенгламалар учун нолокал Бицадзе-Самарский шартли ва бузилиш чизиғида Франкл шартли масалаларнинг коррект қўйилганини исботлашдан иборат.
III. Тадқиқотнинг илмий янгилиги:
сингуляр коэффициентли аралаш типдаги эллиптик-параболик тенглама учун Бицадзе-Самарский  шартли масала, аралаш соҳанинг параболик қисмида  изланаётган ечим исботланган; 
сингуляр коэффициентли аралаш гиперболик-параболик типдаги тенглама ечимининг ягоналиги экстремум принципи, ечимнинг мавжудлиги Фредгольм интеграл тенгламалар назарияси асосида исботланган;
сингуляр коэффициентли Геллерстедт тенгламаси учун Бицадзе-Самарский шарти параллел характеристикада ёки аралаш соҳанинг бузилиш чизиғида Франкл шарти берилган масалаларнинг ечимларини мавжудлиги ва ягоналиги теоремалари исботланган;
Винер-Хопф интеграл тенгламасини индексини нолга тенглигини исботлашда комплекс ўзгарувчили функциялар назариясининг қолдиқлар назариясидан фойдаланиб исботланган.
IV. Тадқиқот натижаларининг жорий қилиниши. 
Сингуляр коэффициентли эллиптик-параболик ва гиперболик-параболик аралаш типдаги тенгламалар учун нолокал масалалар ечимига доир олинган илмий натижалар асосида:  
сингуляр коэффициентли аралаш типдаги эллиптик-параболик, гиперболик-параболик ва эллиптик-гиперболик тенгламалар ечимларини топиш усулларидан Россия Фанлар Академияси Кабардино-Балкар илмий маркази Амалий математика ва автоматлаштириш институтининг №НИОКТР АААА-А19-119013190078-8 рақамли “Динамик системаларни бошқариш ва моделлаштириш масалаларида асосий ва аралаш типдаги тенгламалар учун чегаравий масалаларнинг қўлланилиши” номли лойиҳаси илмий-тадқиқот ишларида фойдаланилган. (Россия Фанлар Академияси Кабардино-Балкар илмий маркази Амалий математика ва автоматлаштириш институтининг 2021 йил 2 июлдаги №15301/12-010-сон маълумотномаси). Натижада бузилувчан аралаш типдаги тенгламалар учун чегаравий ва ички чегаравий масалаларни ўрганишда қўллаш имконини берган;
ўнг томони нофредгольм операторли ва жамланмайдиган қисми силжишли ядроли Трикоми сингуляр интеграл тенгламасини регулярлаштириш усулидан ОТ-Ф4-88 рақамли “Аралаш типдаги тенгламалар учун тўғри ва тескари масалаларни ўрганиш” (2017-2020 йй.) лойиҳасида фойдаланилган (Ўзбекистон Республикаси ФА В.И. Романовский номидаги Математика Институтининг 2021 йил 11 августдаги маълумотномаси). Натижада чекли ва чексиз соҳаларда эллиптико-гиперболик типдаги тенгламалар учун янги локал ва нолокал чегаравий масалаларни ечиш имконини берган.