Bobamuratov Ulug‘bek Erkinovich 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “ Singulyar koeffisientli elliptik-parabolik va giperbolik-parabolik aralash tipdagi tenglamalar uchun nolakal masalalar”, 01.01.02 –  Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: №B2018.PhD/FM216
Ilmiy rahbar: Mirsaburov Miraxmat, fizika-matematika fanlari doktori, professor.
Dissertatsiya bajarilgan muassasa nomi: Termiz davlat universiteti.
IK faoliyat ko‘rsatayotgan muassasa nomi, IK raqami: Qarshi davlat universiteti, PhD.03/30.06.2020.FM.70.04.
Rasmiy opponentlar: Islomov Bozor Islomovich, fizika-matematika fanlari doktori, professor; Ruziev Menglibay Xoltojibaevich, fizika-matematika fanlari doktori (DSc).
Yetakchi tashkilot: Samarqand davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: aralash turdagi singulyar koeffisientli tenglamalar uchun nolokal Bisadze-Samarskiy shartli va buzilish chizig‘ida Frankl shartli masalalarning korrekt qo‘yilganini isbotlashdan iborat.
III. Tadqiqotning ilmiy yangiligi:
singulyar koeffisientli aralash tipdagi elliptik-parabolik tenglama uchun Bisadze-Samarskiy  shartli masala, aralash sohaning parabolik qismida  izlanayotgan echim isbotlangan; 
singulyar koeffisientli aralash giperbolik-parabolik tipdagi tenglama echimining yagonaligi ekstremum prinsipi, echimning mavjudligi Fredgol`m integral tenglamalar nazariyasi asosida isbotlangan;
singulyar koeffisientli Gellerstedt tenglamasi uchun Bisadze-Samarskiy sharti parallel xarakteristikada yoki aralash sohaning buzilish chizig‘ida Frankl sharti berilgan masalalarning echimlarini mavjudligi va yagonaligi teoremalari isbotlangan;
Viner-Xopf integral tenglamasini indeksini nolga tengligini isbotlashda kompleks o‘zgaruvchili funksiyalar nazariyasining qoldiqlar nazariyasidan foydalanib isbotlangan.
IV. Tadqiqot natijalarining joriy qilinishi. 
Singulyar koeffisientli elliptik-parabolik va giperbolik-parabolik aralash tipdagi tenglamalar uchun nolokal masalalar echimiga doir olingan ilmiy natijalar asosida:  
singulyar koeffisientli aralash tipdagi elliptik-parabolik, giperbolik-parabolik va elliptik-giperbolik tenglamalar echimlarini topish usullaridan Rossiya Fanlar Akademiyasi Kabardino-Balkar ilmiy markazi Amaliy matematika va avtomatlashtirish institutining №NIOKTR AAAA-A19-119013190078-8 raqamli “Dinamik sistemalarni boshqarish va modellashtirish masalalarida asosiy va aralash tipdagi tenglamalar uchun chegaraviy masalalarning qo‘llanilishi” nomli loyihasi ilmiy-tadqiqot ishlarida foydalanilgan. (Rossiya Fanlar Akademiyasi Kabardino-Balkar ilmiy markazi Amaliy matematika va avtomatlashtirish institutining 2021 yil 2 iyuldagi №15301/12-010-son ma’lumotnomasi). Natijada buziluvchan aralash tipdagi tenglamalar uchun chegaraviy va ichki chegaraviy masalalarni o‘rganishda qo‘llash imkonini bergan;
o‘ng tomoni nofredgol`m operatorli va jamlanmaydigan qismi siljishli yadroli Trikomi singulyar integral tenglamasini regulyarlashtirish usulidan OT-F4-88 raqamli “Aralash tipdagi tenglamalar uchun to‘g‘ri va teskari masalalarni o‘rganish” (2017-2020 yy.) loyihasida foydalanilgan (O‘zbekiston Respublikasi FA V.I. Romanovskiy nomidagi Matematika Institutining 2021 yil 11 avgustdagi ma’lumotnomasi). Natijada chekli va cheksiz sohalarda elliptiko-giperbolik tipdagi tenglamalar uchun yangi lokal va nolokal chegaraviy masalalarni echish imkonini bergan.