Файзиев Жаҳонгир Баҳромовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Таркибида металл сақловчи янги  фталоцианин пигментларини олиш технологиясини ишлаб чиқиш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2021.2.PhD/Т2253.
Илмий раҳбар: Бекназаров Ҳасан Сойибназарович, техника фанлари доктори, профессор.
Диссертация бажарилган муассаса номи: Тошкент кимё-технология илмий-тадқиқот институти.
ИК фаолият кўрсатаётган муассаса номи, ИК рақами: Тошкент кимё-технология илмий-тадқиқот институти, DSc.16/30.12.2019.Т.87.01.
Расмий оппонентлар: Максумова Ойтура Ситдиқовна, кимё фанлари доктори, профессор; Юсупов Музафар Орифжонович, техника фанлари бўйича фалсафа доктори (PhD). 
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: таркибида мис ва мис-кальций тутган фталоцианин пигментларини синтез қилиш ва уни олиш технологиясини ишлаб чиқишдан иборат.
III. Тадқиқотнинг илмий янгилиги: 
янги таркибли мис ва мис-кальций сақловчи фталоцианинлар синтез қилинган;
синтез қилинган мис ва мис-кальций сақловчи фталоцианинларга 90% ли сульфат кислота ёрдамида ишлов бериш йўли билан ГОСТ-6220-76 талабларига мос пигментлар олинган;
синтез қилинган мис ва мис-кальций сақловчи фталоцианин пигментлари қўлланилган маҳсулотларнинг антикоррозион, статик ва динамик мустаҳкамлик хоссалари аниқланган;
мис ва мис-кальций сақловчи фталоцианин пигментлари қўшилган полимер ва лок-бўёқ қопламаларининг кимёвий, физик-механик хоссалари фталоцианин пигментларига боғлиқлиги исботланган;
фтал ангидрид, карбамид, металл тузлари ва катализаторлар асосида янги фталоцианин пигментларини олишнинг иқтисодий жиҳатдан самарали ва экологик тоза технологияси ишлаб чиқилган.
IV. Тадқиқот натижаларининг жорий қилиниши. 
Таркибида мис ва мис-кальций сақловчи янги фталоцианин пигментларини олиш технологиясини ишлаб чиқиш бўйича олинган илмий натижалар асосида: 
синтез қилинган мис ва мис-кальций сақловчи фталоцианинлар “BMAX PAINTS” МЧЖ ЎЗБЕКИСТОН-ТУРКИЯ қўшма корхонасида пигментлар олишда амалиётга жорий қилинган (“BMAX PAINTS” МЧЖ ЎЗБЕКИСТОН-ТУРКИЯ қўшма корхонасининг 2021 йил 7 июлдаги 36-сон маълумотномаси) Натижада, мис-кальций сақловчи фталоцианин пигментлари асосида ПФ-115 маркали эмалнинг ёрқин рангли намуналарини олиш имконини берган;
мис ва мис-кальций сақловчи фталоцианин пигментларини олиш технологияси “BMAX PAINTS” МЧЖ ЎЗБЕКИСТОН-ТУРКИЯ қўшма корхонасида лок-бўёқ қопламалар олишда амалиётга жорий қилинган (“BMAX PAINTS” МЧЖ ЎЗБЕКИСТОН-ТУРКИЯ қўшма корхонасининг 2021 йил 7 июлдаги 36-сон маълумотномаси). Натижада, импорт ўрнини босувчи юқори сифатли мис ва мис-кальций сақловчи фталоцианин пигментларини маҳаллий маҳсулот сифатида қўллаш имконини берган.