Эшдавлатов Акмал Эшпулатовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пиёз уруғларини қаторлаб экадиган сеялка эккичи ва кўмгичининг параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2019.3.PhD/T1357.
Илмий раҳбар: Ибрагимов Абдирасули Абдикаримович, техника фанлари доктори, катта илмий ходим.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Имомқулов Қутбиддин Боқижонович, техника фанлари доктори, катта илмий ходим; Толибаев Алписбай Ержанбаевич, техника фанлари номзоди, катта илмий ходим.
Етакчи ташкилот: И.Каримов номидаги Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади пиёз уруғларини кўп қаторлаб бир хил чуқурликка экадиган сеялка эккичи ва кўмгичини ишлаб чиқиш ва параметрларини асослаш орқали уруғлик, меҳнат ва бошқа харажатлар сарфини камайтиришдан иборат.
III. Тадқиқотнинг илмий янгилиги қуйидагилардан иборат:
пиёз уруғларини кўп қаторлаб экадиган сеялка эккичининг конструкцияси уруғларни белгиланган талаблар даражасида экилишини ҳисобга олган ҳолда ишлаб чиқилган ва технологик иш жараёни асосланган; 
сеялка эккичининг параметрлари пиёз уруғлари экиладиган пушта ўлчамлари ва уруғларнинг экилиш чуқурлигини ҳисобга олган ҳолда аниқланган;
сеялка кўмгичи параметрларининг ўзгариш чегаралари уруғларнинг кўмилиш чуқурлиги ҳамда кўмгичнинг тупроқ билан ўзаро таъсирлашиш жараёнини ифодаловчи аналитик боғланишлар асосида аниқланган;
эккич жағлари орасидаги кўндаланг масофа ва жағларнинг узунлиги, конус тўғинли прикатканинг диаметри ва иш сиртининг айланиш ўқига нисбатан қиялик бурчаги, сирпанғичли эккичлар ва бир жуфт прикаткага бериладиган тик босим кучлари ва агрегат ҳаракат тезлиги уларнинг агротехник ва энергетик кўрсаткичларини ифодаловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Пиёз уруғларини қаторлаб экадиган сеялка эккичи ва кўмгичининг параметрларини асослаш бўйича олинган натижалар асосида:
бир йўла суғориш эгатларини очадиган ва пиёз уруғларини кўп қаторлаб экадиган сеялкага дастлабки талаблар ва унинг конструкциясини лойиҳалаш учун техник топшириқ ишлаб чиқилган (Қишлоқ хўжалиги вазирлигининг 2021 йил 21 майдаги 02/023-2176-сон маълумотномаси). Натижада пиёз уруғларини кўп қаторлаб экадиган ресурстежамкор сеялка эккичи ва кўмгичининг конструкциясини ишлаб чиқиш имкони яратилган;
ишлаб чиқилган эккич ва кўмгичлар билан жиҳозланган сеялка Сабзавот, полиз экинлари ва картошкачилик ҳамда Қишлоқ хўжалигини механизациялаш илмий-тадқиқот институтларининг тажриба хўжаликлари ва Тошкент вилоятининг Янгийўл тумани фермер хўжаликларида жорий этилган (Қишлоқ хўжалиги вазирлигининг 2021 йил 21 майдаги 02/023-2176-сон маълумотномаси). Натижада уруғлик сарфининг 1,1-1,4 мартага, бошқа харажатларнинг 1,1-1,3 мартага камайиши ва иш унумининг 1,2 мартагача ошиши таъминланган;
ишлаб чиқилган эккич ва кўмгичлар билан жиҳозланган сеялканинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (дастлабки талаблар ва техник топшириқ) “BMKB-Agromash” АЖ да лойиҳалаш жараёнига жорий этилган (Қишлоқ хўжалиги вазирлигининг 2021 йил 21 майдаги 02/023-2176-сон маълумотномаси). Натижада асосланган параметрларга эга ресурстежамкор эккич ва кўмгичлар билан жиҳозланган пиёз уруғларини кўп қаторлаб экадиган сеялканинг саноат нусхасини ишлаб чиқариш имконияти яратилган.