Куранбаева Сатима Раззаковнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «ОИВ инфекциясида эрта кузатилувчи неврологик синдромлар, патогенези ва ташхисоти», 14.00.13 –Неврология (тиббиёт фанлари).
Диссертация мавзуси рўйхатга олинган рақам: В2017.3.DSc/Tib230.
Илмий раҳбар: Рахимбаева Гулнора Саттаровна, тиббиёт фанлари доктори, профессор. 
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Тиббиёт ходимларининг касбий малакасини ривожлантириш маркази, DSc. 04/30.12.2019.Tib.31.01.
Расмий оппонентлар: Гафуров Бахтияр Гафурович, тиббиёт фанлари доктори, профессор; Касимов Илхамджан Асамович, тиббиёт фанлари доктори, профессор; Туреспекова Сауле Тлеубергеновна, тиббиёт фанлари доктори, профессор. 
Етакчи ташкилот: Самарқанд давлат тиббиёт институти.
Диссертациянинг йўналиши: амалий аҳамиятга молик.
II. Тадқиқотнинг мақсади ОИВ инфекцияси билан оғриган беморларда эрта кузатилувчи неврологик синдромларни аниқлаш ва нейровизуализацион, нейроиммунологик бузилишларнинг касаллик патогенезидаги аҳамиятини асослаш, олинган маълумотлар негизида комплекс терапияга патогенетик асосланган даволаш тамойилларини татбиқ қилишдан иборат.
III. Тадқиқотнинг илмий янгилиги: 
ОИВ инфекциясида клиник-неврологик симптомлар ва нейроспецефик оксилларга нисбатан аутоантитаначалар даражаси орасида корреляцион боғлиқлик аниқланган;
ОИВли беморларда неврологик синдромларнинг кучайиб бориши ва узоқ сақланиши нейроспецифик оқсилларга нисбатан аутоантитаначалар миқдорининг ошиши билан боғлиқлиги аниқланган; 
ОИВ инфекциясининг эрта даврида морфологик-структур ўзгаришларни мониторинг қилишнинг клиник-прогностик афзаллиги аниқланган;
ОИВ инфекциясида церебрал гемодинамика бузилиши ва бош мия қон томирлари реактивлиги хамда СД4 лимфацитларнинг пасайиши ОИВ-энцефалопатиянинг шаклланиши огирлик даражасига богликлиги аниқланган;
ОИВ инфекциясида нейротроп оқсилларга нисбатан аутоантитаначалар кўрсаткичи ва вирус юкламанинг ошиши хамда СД4 лимфацитларнинг камайиши касаллик кечиши прогностик мезонлари бўлиши аниқланган;
ОИВ инфекциясида эрта кузатилувчи неврологик синдромларни даволаш чора-тадбирлари ноотроп воситалар қўллаш орқали оптималлаштирилган.
IV. Тадқиқот натижаларининг жорий қилиниши. 
ОИВ инфекциясида неврологик синдромларни эрта ташхислаш ва даволашни такомиллаштириш бўйича олинган илмий натижалар асосида:
ОИВ инфекциясида эрта кузатилувчи неврологик синдромларни эрта ташхислаш бўйича олинган илмий натижалар асосида ишлаб чиқилган «Оппортунистик инфекциялар ва иммунтанқислик ҳолатларида эрта босқичларда асосий неврологик синдромларни комплекс ташхислаш» номли услубий тавсиянома тасдиқланган (Соғлиқни сақлаш вазирлигининг 2020 йил 19 августдаги 8н-д/114-сон маълумотномаси). Мазкур услубий тавсиянома ОИВ инфекцияси билан оғриган беморларни эрта ташхислаш ва прогнозлаш технологиясини оптималлаштириш имконини берган;
Оппортунистик инфекциялар ва иммунтанқисликларда неврологик син¬дромларни даволашни оптималлаштириш бўйича олинган илмий натижалар асосида ишлаб чиқилган «Оппортунистик инфекциялар ва иммунтанқисликларда неврологик синдромларни даволашни оптималлаштириш усули» номли услубий тавсиянома тасдиқланган (Соғлиқни сақлаш вазирлигининг 2020 йил 19 августдаги 8н-д/114-сон маълумотномаси). Мазкур услубий тавсиянома неврологик синдромлар ривожланишининг эрта босқичларида ОИВ инфекцияси билан оғриган беморларни кузатиш тактикасини ишлаб чиқиш, шунингдек, неврологик синдромлар кучайиши ва беморлар эрта ногирон бўлиб қолишининг олдини олиш чораларини кўриш ҳамда замонавий даволаш усулларини яхшилаш имконини берган;
ОИВ инфекцияси билан оғриган беморларни эрта ташхислаш мезонла¬рини қўллаш ва замонавий даволаш тамойилларини такомиллаштиришга қаратилган тадқиқотнинг тизимли таҳлили бўйича олинган илмий натижалар соғлиқни сақлаш амалиётига, жумладан, Сирдарё, Андижон, Самарқанд ва Тошкент вилоятлари ОИТСга қарши курашиш марказларида жорий этилган (Соғлиқни сақлаш вазирлигининг 2021 йил 20 августдаги 08-09|10671-сон маълумотномаси). Тадқиқот натижалари ОИВ инфекцияси билан оғриган беморларни даволаш тамойилларини такомиллаштиришга, клиник синдромларнинг регрессия давомийлигини ва оғирлик даражасини камайтириш, беморларнинг клиник холати хамда хаёт сифатини яхшилаш, асоратларини олдини олиш имконини берган.