Xurramov Nosir Xamidovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar: 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Singulyar koeffisientli aralash turdagi tenglamalar uchun buzilish chizig‘ida umumiy ulanish shartli  nolokal masalalar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2019.3.PhD/FM398.
Ilmiy rahbar: Mirsaburov Miraxmat, fizika-matematika fanlari doktori, professor.
Dissertatsiya bajarilgan muassasa nomi: Termiz davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Islomov Bozor, fizika-matematika fanlari doktori, professor; Karimov Erkinjon To‘lqinovich, fizika-matematika fanlari doktori, katta ilmiy xodim.
Yetakchi tashkilot: Samarqand davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi singulyar koeffisientli aralash turdagi tenglamalar uchun korrekt qo‘yilgan chegaraviy masalalarni topish va ularning bir qiymatli echilishini isbotlashdan iborat.
III. Tadqiqotning ilmiy yangiligi: 
singulyar koeffisientli aralash turdagi tenglama uchun bir oilaga mansub xarakteristikalarda Gellerstedt sharti berilgan masalaning bir qiymatli echilishi isbotlangan;
singulyar koeffisientli Gellerstedt tenglamasi uchun parallel xarakteristikalarda Bisadze-Samarskiy sharti, buzilish chizig‘ida esa umumiy ulanish sharti berilgan masalaning korrektligi asoslab berilgan;
aralash turdagi singulyar koeffisientli tenglama parametrining chegaraviy qiymatida nolokal masalalar echimining mavjudligi va yagonaligi isbotlangan;
elliptik qismi tenglamaning normal chizig‘i va koordinata o‘qlarining kesmalaridan iborat nostandart sohada aralash turdagi tenglama uchun lokal va nolokal chegaraviy masalalarning bir qiymatli echilishi asoslangan.
IV. Tadqiqot natijalarining joriy qilinishi. Singulyar koeffisientli aralash turdagi tenglamalar uchun buzilish chizig‘ida umumiy ulanish shartili nolokal masalalariga oid olingan ilmiy natijalar asosida:
nostandart singulyar integral tenglamalarni regulyarlashtirish usuli №AP05132680 raqamli «Oqimlarning ko‘p o‘lchovli g‘ovakli muhitlardagi nolokal modellari» mavzusidagi xalqaro grant loyihasida singulyar koeffisientli Gellerstedt tenglamalari uchun nolokal chegaraviy masalalar echimlarini topishda foydalanilgan (Qozog‘iston Respublikasi axborot va hisoblash texnologiyalari institutining 2021 yil 18 maydagi   01-07/269-son ma’lumotnomasi). Natijada, ko‘p o‘lchovli g‘ovakli muhitning giperbolik qismi chegarasida oqimni tavsiflovchi echimlar qiymatlarining nolokal munosabatlarini hisobga olgan holda, qatlamlar holatini modellashtirishda hosil bo‘ladigan ayirmali masalani to‘g‘ri shakllantirishni imkonini bergan;
singulyar koeffisientli aralash turdagi tenglama uchun nolokal chegaraviy masalalarning korrektligini asoslovchi teoremalar 2017-2019 yillar uchun mo‘ljallangan №17-41-020516 raqamli «Suyuqlik va gazlar oqimining transtovushli matematik modellari va ularning tatbiqlari» mavzusidagi va №19-31-60016 raqamli xalqaro grant loyihalarida aralash turdagi tenglamalar uchun qo‘yilgan Bisadze-Samarskiy tipidagi masalalarini echishda foydalanilgan (Boshqirdiston Respublikasi strategik tadqiqotlar instituti Sterlitamak filialining 2021 yil 23 iyuldagi №42-son ma’lumotnoma). Natijada, Trikomi tipidagi nostandart singulyar integral tenglamalarning echimini oshkor ko‘rinishda yozish imkonini bergan.