Улуғхожаев Рўзихўжа Солиевичнинг 
фалсафа доктори (PhD) диссертацияси ҳимояси ҳақида 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):«Кесиш ва пластик деформациялаш билан механик ишлов беришнинг аниқлигини ташхислаш ва назорат қилиш», 05.02.05 – Механик ва физик-техник ишлов бериш технологиялари ва жараёнлари. Дастгоҳлар ва асбоб-ускуналар ихтисослиги. (техника фанлари).
Диссертация мавзуси рўйхатга олинган рақам: B2021.1.PhD/T2101. 
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.04
Илмий раҳбар: Файзиматов Шухрат Нуманович, техника фанлари доктори, профессор.
Расмий оппонентлар: Кенжабоев Шукуржон Шарипович, техника фанлари доктори, профессор; Пулатов Тохир Рустамбекович, техника фанлари бўйича фалсафа доктори (PhD).
Етакчи ташкилот: Навоий давлат кончилик институти. 
Диссертация йўналиши: назарий ва амалий аҳамиятга молик.
II. Тадқиқотнинг мақсади кесиш ва пластик деформациялаш жараёнидаги физик-механик ҳодисаларнинг ўзгариш механизми билан маҳсулотларнинг аниқлик ва сифат кўрсаткичлари ўртасидаги боғлиқликни бошқариш тизимини яратишдан иборат.
III. Тадқиқотнинг илмий янгилиги:
ишлов берилаётган юза қатламидаги нотекисликлар сабабли виброакустик сигналларда бўладиган ўзгаришлар асосида механик ишлов бериш жараёнининг кўрсаткичларини аниқлаб берувчи усул ишлаб чиқилган; 
деталларга кесиб ишлов бериш қуввати қийматларининг ўзгариш динамикаси асосида деталга ишлов бериш аниқлигини бошқариш дастури ишлаб чиқилган; 
сигналнинг сўниш амплитудаси кўрсатгичлари қийматларининг  ўзгариш интенсивлиги асосида кесувчи асбобнинг турғунлик даврини виброакустик сигнал ёрдамида аниқлаш усули яратилган;
виброакустик сигналлардаги ҳосил бўлган зўриқиш кучлари хақидаги маълумотларга боғланган графиклар асосида технологик тизимнинг хусусиятлари, модел қийматларининг динамикасини аниқлаш алгоритми ва кесиш маъромларини танлаш усули ишлаб чиқилган; 
деформацияланган қисмдаги қолдиқ кучларнинг характери асосида пластик деформациялашда детални аниқлигини диагностика қилишнинг ва бошқариш дастури ёрдамида узлуксиз технологик жараённи назорат қилишни таъминлайдиган технология яратилган. 
IV. Тадқиқот натижаларининг жорий қилиниши. 
Кесиш ва пластик деформациялаш билан механик ишлов беришнинг аниқлигини ташхислаш ва назорат қилиш бўйича олиб борилган илмий тадқиқотлар бўйича олинган илмий натижалар асосида:
виброакустик сигнал ёрдамида ишлов бериш жараёнининг сифат кўрсаткичларини аниқлаш усули Навоий кон-металлургия комбинати қошидаги Навоий машинасозлик заводи корхонасига ишлов бериш жараёнини назорат қилиш учун жорий килинган ("Навоий кон-металлургия комбинати" давлат корхонасининг 2019 йил 28октябрь 02-06-04/13689-сон маълумотномаси). Натижада ишлаб чиқариш унумдорлиги 1,2- 1,4 мартага ошган;
деталга токарлик ишлов беришда аниқлигини бошқариш дастури Навоий кон-металлургия комбинати қошидаги Навоий машинасозлик заводи корхонасига жорий қилинган ("Навоий кон-металлургия комбинати" давлат корхонасининг 2019 йил 28октябрь 02-06-04/13689-сон маълумотномаси). Натижада ишлаб чиқаришдаги брак махсулот чиқиши 40-50% га камайган;
виброакустик сигнал ёрдамида кесувчи асбобнинг турғунлик даврини топиш усули Навоий кон-металлургия комбинати қошидаги Навоий машинасозлик заводи корхонасига жорий килинган ("Навоий кон-металлургия комбинати" давлат корхонасининг 2019 йил 28октябрь 02-06-04/13689-сон маълумотномаси).