Тоиров Муртоза Шавкидиновичнинг 
фалсафа доктори (PhD) диссертацияси ҳимояси ҳақида 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):«Инерт материалларни саралаб олишда ресурстежамкор тебранувчи элак конструкциясини яратиш ва татбиқ этиш», 05.02.02–“Механизмлар ва машиналар назарияси. Машинашунослик ва машина деталлари” (техника фанлари). 05.09.02–“Асослар, пойдевор ва ер ости иншоотлари. Кўприк ва транспорт тоннеллари. Йўллар, метрополитенлар” ихтисослиги. (техника фанлари).
Диссертация мавзуси рўйхатга олинган рақам: B2021.2.PhD/T1867.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.04
Илмий раҳбар: Мардонов Бахтиёр Тешаевич, техника фанлари доктори, доцент, Аскарходжаев Тулкун Ишанович техника фанлари доктори, профессор
Расмий оппонентлар: Иргашев Амирқул, техника фанлари доктори, профессор; Ахмедов Азамат, техника фанлари фалсафа доктори(PhD), доцент.
Етакчи ташкилот: Фарғона политехника институти
Диссертация йўналиши: назарий ва амалий аҳамиятга молик.
II. Тадқиқотнинг мақсади инерт материалларни, жумладан асфальт учун ишлаб чиқариш шлакларини саралашда ресурстежамкор тебранувчи элак конструкциясини яратишдан иборат.
III. Тадқиқотнинг илмий янгилиги:
силлиқ сиртли “Сито” элакларининг конструкцияси инерт маҳсулотларнинг ташқи куч таъсиридаги емирилиш динамикаси асосида ишлаб чиқилган; 
инерт маҳсулотларини саралаш учун горизонтал тебратувчи қурилма роторининг конструкцияси ротор ичида ҳосил бўлувчи зўриқиш кучларининг характери асосида ишлаб чиқилган; 
инерт маҳсулотларини саралаш учун қўлланиладиган тебратувчи қурилманинг сиқилган ҳаво билан ишлайдиган конструкцияси ҳосил қилиниши талаб этиладиган босим кўрсатгичларининг қийматлари асосида ишлаб чиқилган;
таъсир этувчи сиқилган ҳаво кучини ҳисоблаш ва тебранишлар частотасини оширишнинг математик ечимини аниқлаш методлари сиқилган ҳавонинг ҳароратга боғлиқ ҳолдаги хажмий кенгайиш коэффициенти ёрдамида ишлаб чиқилган;
рационал тебранувчан элак конструкцияси ишчи органлари ҳаракатининг математик модели инерт материалига таъсир атадиган куч катталигининг чегаравий қийматларига боғланган ҳолда ишлаб чиқилган;
инерт материаллари учун қўлланиладиган элакларнинг юза мустахкамлигини оширишга мўлжалланган термик ишлов бериш режимлари элак материалининг физик хоссаси асосида ишлаб чиқилган.
VI. Тадқиқот натижаларининг жорий қилиниши. 
Бошқариладиган тебранувчи элак конструкциясининг назарий асосларини ривожлантириш ва рационал конструкцияларини яратиш бўйича олинган натижалар асосида:
тирқиши Ø5; Ø10 ва Ø20 мм диаметрли силлиқ сиртли “Сито” элакларининг конструкцияси “Навоий вилояти автомобил йўллари худудий бошқармаси” УК га инерт маъданларни саралаш учун жорий этилган (ЎзР Транспорт Вазирлиги ҳузуридаги автомобил йўллари қўмитаси” нинг 31.03.2021 йилдаги №02-1272-сон маълумотномаси). Натижада сараланаётган инерт маҳсулотининг самарадорлиги 8-10% га орттириш имконини берган;
горизонтал тебратувчи қурилма роторининг конструкцияси “Навоий вилояти автомобил йўллари худудий бошқармаси” УК га элакларнинг хизмат муддатини ошириш учун жорий этилган (ЎзР Транспорт Вазирлиги ҳузуридаги автомобил йўллари қўмитаси” нинг 31.03.2021 йилдаги №02-1272-сон маълумотномаси). Натижада горизонтал элакларнинг хизмат муддати 10-12% га ошган;
тебратувчи қурилманинг сиқилган ҳаво билан ишлайдиган конструкцияси “Навоий вилояти автомобил йўллари худудий бошқармаси” УК га олинаётган инерт маҳсулотининг таннархини камайтириш учун жорий этилган (ЎзР Транспорт Вазирлиги ҳузуридаги автомобил йўллари қўмитаси” нинг 31.03.2021 йилдаги №02-1272-сон маълумотномаси). Натижада ишлаб чиқарилаётган инерт маҳсулотнинг таннархини 1,4-1,5 мартага камайтириш имконини берган.