Усмонова Нодирахон Акрамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сув омборлари қувурларидаги пульсация ва кавитациянинг шаклланиши динамикасини моделлаштириш», 05.09.07 – “Гидравлика ва муҳандислик гидрологияси (техника фанлари).
Диссертация мавзуси рўйхатга олинган рақам: B.2020.2.PhD/T1757
Илмий раҳбар: Худайкулов Совет Ишанкулович, техника фанлари доктори, профессор.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSc.03/30.12.2019.Т.10.02.
Расмий оппонентлар: Эшев Собир Саматович, техника фанлари доктори, профессор; Шаазизов Фаррух Шоакбарович, техника фанлари номзоди, доцент.
Етакчи ташкилот номи: Ўзбекистон Фанлар Академияси Механика ва иншоотлар сейсмик мустаҳкамлиги институти
Диссертация йўналиши: назарий ва амалий аҳамиятга молик.
II. Тадқиқотнинг мақсади Каркидон сув омбори сув ўтказиш қувурлари ҳамда сув ташлаш иншоотларининг турли конструкцияли қисмларида  кавитация ва пульсациянинг шаклланишини математик моделлаштириш орқали такомиллаштиришдан иборат.
III. Тадқиқотнинг илмий янгилиги:
Навье-Стокс тенгламаси орқали сув омбори сув ўтказувчи иншоотлар затворидаги резина зичлагичлардан катта тезликда чиқувчи  оқимлар таъсирида кавитацион жараённинг пайдо бўлишини аниқлаш усули ишлаб чиқилган;
сув омбори ва муҳандислик коммуникацияси қувурларидаги босим ва тезликни мос келиш чегараларини аниқлашнинг такомиллаштирилган усули Рейнольдс ва Фруд критерийлари асосида ишлаб чиқилган;
сув омборлари сув ўтказувчи қувурларидаги критик параметрларни ҳисобга олган ҳолда кавитация бошланишини башоратлаш усули ишлаб чиқилган;
сув ўтказувчи қувур конуссимон затворидаги оқим тезлигининг ўзгариши  ўрганилиб, гидравлик параметрларни топиш учун аналитик ечим олинган. 
IV. Тадқиқот натижаларининг жорий қилиниши. 
Сув омборлари қувурларидаги пульсация ва кавитациянинг шаклланиши динамикасини моделлаштириш бўйича олинган натижалар асосида:
сув омбори затворларидаги резина зичлагичлардан сизиб турувчи оқимлардан кавитациялар пайдо бўлишини аниқлаш усули Каркидон сув омборида жорий этилган (Сув хўжалиги Вазирлигининг 2021 йил 28 январь № 04/20-326 сонли маълумотнома). Натижада, сув омбори сув ўтказгич қувурларида ҳосил бўладиган кавитация жараёнларини 1,2 мартага камайтириш имконияти яратилган;
сув омбори ва муҳандислик коммуникацияси қувурларидаги босим ва тезликнинг мос келиш чегараларини аниқлашнинг такомиллаштирилган усули Каркидон сув омборида жорий этилган (Сув хўжалиги Вазирлигининг 2021 йил 28 январь № 04/20-326 сонли маълумотнома). Натижада, сув омбори сув ўтказгич қувурларидан ишончли фойдаланиш имкони яратилган;
сув омборлари сув ўтказгич қувурларидаги критик параметрларни ҳисобга олган ҳолда кавитация бошланишини башоратлаш усули Каркидон сув омборида жорий этилган (Сув хўжалиги Вазирлигининг 2021 йил 28 январь № 04/20-326 сонли маълумотнома). Натижада, сув омбори сув ўтказгич қувурларида ҳосил бўладиган кавитация жараёнларини эрта аниқлаш ва уларнинг олдини олиш имконияти яратилган.