Хакимов Абдулло Абдухалиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Муқобил гравитация назарияларида аксиал-симметрик объектлар атрофида релятивистик астрофизик жараёнлар», 01.03.01 – Астрономия (физика-математика фанлари).
Диссертация мавзуси рўйхатга олинган рақам: B2018.3.PhD/FM59.
Илмий раҳбар: Аҳмедов Бобомурат Жураевич, физика-математика фанлари доктори, профессор.
Диссертация бажарилган муассаса номи: Астрономия институти.
ИК фаолият кўрсатаётган муассаса номи, ИК рақами: Астрономия институти, DSc.02/30.12.2019.FM.15.01.
Расмий оппонентлар: Ахунов Талат Ахматович, физика-математика фанлари доктори; Турсунов Эргаш Махкамович, физика-математика фанлари доктори
Етакчи ташкилот номи: Ал-Фаробий номидаги Қозоқ Миллий университети.
Диссертация йўналиши: назарий аҳамиятга молик.
II. Тадқиқотнинг мақсади муқобил гравитация назариялари доирасида компакт объектлар яқинида релятивистик ва астрофизик жараёнларни назарий таҳлил қилиш ва асрономик кузатув натижалари билан таққослашдан иборат
III. Тадқиқотнинг илмий янгилиги:
илк бора Вейл гравитацион моделида ёруғлик оғишининг аналитик ифодаси топилган;
илк бора Вейл гравитацион моделида қора ўра атрофида жойлашган плазма ёруғликнинг оғишига таъсири кўрсатилган;
гравитацион линзаланишда юлдуз тасвирининг катталаштириш коэффициенти плазма мавжудлигида Вейл гравитацион моделида таъсири қарийб Шварцшилд моделида каби бўлиши кўрсатилган; 
илк бора бир жинсли плазмада жойлашган қора ўра сояси Вейл гравитацион моделида Шварцшилд моделидагига қараганда кичик бўлиши кўрсатилган;
илк бора Вейл гравитацион моделида фотон қора туйнук экваториал текислигидан унинг айланиш ўқига параллел тарқалаётганда чексизликда ёруғликнинг поляризация векторининг айланиши модел параметрига боғлиқлиги аниқланган;
илк бора  нейтрон интерферометрида заррачаларнинг фаза силжиши Вейл параметрига боғлиқлиги аниқланган.
IV. Тадқиқoт натижаларининг жорий қилиниши.
Диссертация тадқиқоти жараёнида олинган илмий натижалар қуйидаги йўналишларда амалиётга жорий қилинган:
компакт оъектлар атрофидаги электромагнит майдонларни ва релятивистик астрофизика жараёнларини ўрганиш  ҳамда гравитациянинг турли моделлари учун лимитлар олиш учун таклиф қилинган модели натижалари АҚШнинг Нью-Йорк шаҳридаги Манхэттен коллежи физика факультетининг тадқиқотчилари томонидан фойдаланилган;
диссертациянинг натижалари муқобил гравитация назариялари доирасида олинган магнит майдон тузилишига ва ички турғун айлана орбиталарига оид олинган натижалар бир қатор ҳалқаро журналларда  (Physical Review D 2017, Astrophysical Space Sciences 2017, International Journal of Modern Physics D 2017, General Relativity and Gravitation 2015) нашр этилди ва умумий нисбийлик назарияси ва муқобиил гравитация назариялари натижаларини таққослашда фойдаланилди.