Исламов Шавкат Эржигитовичнинг

 фан доктори (DSc) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Тиббий ёрдамни талаб даражасида кўрсатмасликнинг суд-тиббий жиҳатлари», 14.00.24–Суд тиббиёти (тиббиёт фанлари).

Диссертация мавзуси рўйхатга олинган рақам: B2017.1.DSc/Tib14.

Илмий маслаҳатчи: Гиясов Зайнитдин Асамутдинович, тиббиёт фанлари доктори, профессор.

Диссертация бажарилган муассаса номи: Тошкент тиббиёт академияси.

ИК фаолият кўрсатаётган муассаса номи, ИК рақами: Тошкент тиббиёт академияси, DSc.27.06.2017.Tib.30.03.

Расмий оппонентлар: Искандаров Алишер Искандарович, тиббиёт фанлари доктори, профессор;  Хван Олег Иннокентиевич, тиббиёт фанлари доктори; Рустамова Хамида Елимесовна, тиббиёт фанлари доктори, профессор.

Етакчи ташкилот: Тошкент педиатрия тиббиёт институти.

Диссертация йўналиши: амалий аҳамиятга молик.

II. Тадқиқотнингмақсади: тиббий хизмат нуқсонларини объектив мезонлар бўйича баҳолаш, тиббий ходимларнинг касбий ҳуқуқбузарликлари бўйича бажарилган комиссион суд-тиббий экспертизаларни такомиллаштиришга қаратилган таклиф ва тавсиялар ишлаб чиқишдан иборат.

III. Тадқиқотнинг илмий янгилиги:

турли соҳа мутахассислари фаолиятидаги тиббий хизмат нуқсонларнинг моҳияти, вужудга келиш сабаблари, йўл қўйилган камчиликлар ва уларнинг оқибат натижага таъсири инобатга олинган янги таснифи ишлаб чиқилган;

комиссион суд-тиббий экспертизаларда шифокорнинг хатти-ҳаракатларини баҳолашнинг уч босқичли механизми, текширилаётган ҳолатда патологик жараён моҳияти, шифокор томонидан реал содир этилган хатти-ҳаракатлар позициялар бўйича таққосланган, шифокорнинг нотўғри ҳаракати ва келиб чиққан оқибат ўртасида сабаб-оқибат боғлиқлигининг мавжудлиги аниқланган;

тиббий ходимларининг касбий хуқуқбузарликлари бўйича бажарилган комиссион суд-тиббий экспертизаларда, тиббий хизмат нуқсонлари туфайли саломатликка етказилган зарарнинг оғирлик даражасини баҳолашда, меҳнат қобилиятининг йўқолиши, соғлиқни узоқ муддатга бузилиши  каби суд-тиббий мезонлари ишлаб чиқилган;

тиббий хизмат нуқсонларининг ва юзага келган салбий ҳолатлар орасидаги сабаб ва оқибат боғлиқликнинг аниқлаш муаммоси ечимига қаратилган нуқсонлар сони ва келиб чиқиш сабабларини инобатга олган ҳолда суд-тиббий мезонлари исботланган;

фуқароларга тиббий ёрдам кўрсатиш жараёнида нуқсонларга йўл қўймаслик ва уларнинг олдини олиш орқали аҳолига тиббий хизмат кўрсатиш сифатини яхшилашга йўналтирилган тавсиялар ишлаб чиқилган.

IV. Тадқиқот натижаларининг жорий қилиниши:

Тиббий хизматнинг талаб даражасида кўрсатмаслик ҳолатларини олдини олишга қаратилган  илмий натижалар асосида:

тиббий ёрдамни талаб даражасида кўрсатмаслик ҳолатлари бўйича суд-тиббий текширувларни такомиллаштириш бўйича олинган илмий  натижалар асосида ишлаб чиқилган «Тиббиёт ходимларнинг ўз касбий мажбуриятларини талаб даражасида бажармаслик ҳолатларини суд-тиббий экспертизаси» услубий қўлланмаси тасдиқланган (Соғлиқни сақлаш вазирлигининг 2015 йил 20 ноябрдаги 83/14-сон маълумотномаси). Мазкур услубий қўлланма тиббий ходимларнинг касбий ҳуқуқбузарликлари бўйича ўтказилаётган комиссион суд-тиббий экспертизаларнинг сифатини ошириш ва такомиллаштиришга хизмат қилган;

хасталарга оилавий шифохона ва клиникаларда кўрсатилаётган тиббий хизматларнинг нуқсонларини олдини олиш бўйича олинган илмий натижалар асосида ишлаб чиқилган «Тиббий хизмат кўрсатишдаги нуқсонлар» услубий қўлланмаси тасдиқланган (Соғлиқни сақлаш вазирлигининг 2015 йил 20 ноябрдаги 83/14-сон маълумотномаси). Мазкур услубий қўлланма тиббий хизмат нуқсонлари моҳиятининг келиб чиқиш сабаблари, йўл қўйиш жойи ва оқибатга таъсирини фарқлашни такомиллаштириш имконини берган;

аҳоли ва хасталарга шифокорлар томонидан кўрсатилаётган тиббий хизматни яхшилаш ва самардорлигини ошириш бўйича киритилган таклиф ва тавсиялар соғлиқни сақлаш амалиётига, жумладан Республика Бош суд-тиббий экспертиза бюроси тизимидаги қайта-комиссион экспертизалар бўлимлари амалиётига жорий қилинган (Соғлиқни сақлаш вазирлигининг 2015 йил 20 ноябрдаги 83/14-сон маълумотномаси). Олинган илмий натижаларнинг  амалиётга жорий қилиниши тиббиёт ходимларининг касбий ҳуқуқбузар-ликлари бўйича коммисион суд-тиббий экспертизаларнинг сифатини ошириш,  уларни такомиллаштириш, тиббий хизмат нуқсонлари моҳияти, келиб чиқиш сабаблари, йўл қўйиш жойи, оқибатларни аниқлаш механизмлари ҳамда экспертизаларнинг бажариш муддатини 10–11% қисқартириш имконини берган.