Айни кунларда юртимиз бўйлаб Ватанимиз мустақиллигининг 30 йиллик шодиёнасини нишонлашга тайёргарлик кўрилмоқда. Ушбу сана арафасида жуда кўплаб жамоа ва хонадонларга фахр-ифтихор ва хурсандчилик нашидаси кириб борди. Гап шундаки,  Президентимизнинг “Ўзбекистон Республикаси мустақиллигининг 30 йиллиги” эсдалик нишони билан мукофотлаш тўғрисида”ги фармонига биноан жамиятимиз  ҳаётида кечаётган кенг кўламли ўзгаришлар ва эришилаётган натижаларга фидокорона меҳнати билан муносиб ҳисса қўшаётган кўплаб юртдошларимиз “Ўзбекистон Республикаси мустақиллигининг 30 йиллиги” эсдалик нишони билан тақдирланмоқда.

Ўзбекистон Республикаси Вазирлар Маҳкамаси ҳузуридаги Олий аттестация комиссиясининг бир гуруҳ ходимлари ҳам ушбу Эсдалик нишон билан мукофотландилар.
Бугун ОАКда мукофотлар ўз эгаларига тантанали равишда топширилди.

Тадбир якунида мукофотга лойиқ кўрилганларни ҳамкаcблари самимий қутладилар.

ОАК Ахборот хизмати