Сафаров Жаҳонгир Ориповичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кўз аллергик касалликларининг клиник-иммунологик хусусиятлари ва уларни даволаш», 14.00.36 - Аллергология ва иммунология; 14.00.08 – Офтальмология (тиббиёт фанлари).
Диссертация мавзуси рўйхатга олинган рақам: В2021.1.PhD/Tib1791.
Илмий раҳбар: Нуралиев Неккадам Абдуллаевич, тиббиёт фанлари доктори, профессор; Миррахимова Саидахон Шухратовна, тиббиёт фанлари доктори.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса номи, ИК рақами: Бухоро давлат тиббиёт институти, DSc/PhD.04/30.12.2019.Tib.93.01.
Расмий оппонентлар: Камалов Зайнутдин Сайфутдинович, тиббиёт фанлари доктори, профессор; Бузруков Ботир Тўлқинович, тиббиёт фанлари доктори, профессор.
Етакчи ташкилот номи: В.И.Вернадский номидаги Қрим федерал университети.
Диссертация йўналиши: Назарий ва амалий аҳамиятга молик.
II. Тадқиқотнинг мақсади организм иммун тизими кўрсаткичлари билан касалликнинг клиник намоён бўлишига боғлиқлигини баҳолаш асосида поллиноз этиологияли кўз аллергик касалликларини даволашни такомиллаштиришдан иборат.
III. Тадқиқотнинг илмий янгилиги:
аллергик кўз касалликларининг клиник намоён бўлиш хусусиятлари ва уларни ҳудудларда касаллик ривожланиши учун сабаб ва аллергик хавф омиллари билан боғлиқлигини асослашдан иборат; 
аллергик кўз касалликларининг клиник кўринишлари билан кўз ёши суюқлиги ва қоннинг иммунологик кўрсаткичлари ўртасида тўғридан-тўғри корреляцион боғлиқлиги ўрганилди  ва илмий жиҳатдан исботланди; 
поллиноз конъюнктивит ташхисланган беморларда кўз ёши комплекси ҳолатини  стандарт, шу жумладан визуал усуллар асосида баҳолаш   касалликнинг кечиши кўз ёши пленкаси стабиллигининг бузилиши билан асоратланади; 
кўз ёши комплекси ҳолатини сунъий кўз ёши дори воситаси ва янги маҳаллий кромовиз воситасини қўшиш билан кўзнинг аллергик касалликларини баҳолаш   касалликнинг объектив клиник намоён бўлиш динамикаси асосида ишлаб чиқилган ва илмий асосланган.  
IV. Тадқиқот натижаларининг жорий қилиниши. Кўз аллергик касалликларининг клиник-иммунологик хусусиятлари ва уларни даволаш бўйича олинган илмий натижалар асосида:
кўз аллергик касалликларни  даволаш бўйича илмий тадқиқотнинг натижалари асосида ишлаб чиқилган «Кўз аллергик касалликларни  даволаш самарадорлигини ошириш» номли услубий тавсиянома тасдиқланган (Соғлиқни сақлаш вазирлигининг 2021 йил 18 январдаги 8н–д/24-сон маълумотномаси). Натижада кўз аллергик касалликларни эрта ташхислаш даволаш самарадорлигини ошириш имконини берган;
аллергик конюктивитга эга беморларда қуруқ кўз синдромига ташхис қўйиш ва даволаш бўйича илмий тадқиқотнинг натижалари асосида ишлаб чиқилган «Аллергик конюктивитга эга беморларда қуруқ кўз синдромига ташхис қўйиш ва даволашни оптималлаштириш» номли услубий тавсиянома тасдиқланган (Соғлиқни сақлаш вазирлигининг 2021 йил 18 январдаги 8н–д/24-сон маълумотномаси). Натижада аллергик конюктивит билан хасталанган беморларда қуруқ кўз синдромини  эрта самарали ташхислаш ва касалликни  комплекс даволаш тактикасини оптималлаштириш имконини берган; 
Кўз аллергик касалликларининг клиник-иммунологик хусусиятлари ва уларни даволаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган кўз микрохирургияси илмий-амалий тиббиёт марказининг  Бухоро филиали ва Навоий  вилоят офтальмология шифохонасида клиник амалиётига жорий қилинган (Соғлиқни сақлаш вазирлигининг 2021 йил 7 январдаги 8н – з/6 – сон маълумотномаси). Олинган илмий натижаларнинг амалиётга жорий қилиниши, қуруқ кўз синдроми билан биргаликда поллиноз конъюнктивитни даволашда тавсия қилинган алгоритм  касалликнинг кучайиши бошланганда аллергияга қарши дори воситаларини босқичма-босқич қўллаш, кейинчалик унга кўз ёши ўрнини босувчи дори воситаларини қўшиш натижасида субъектив шикоятлар кучайишини 41,3%, объектив симптоматикани 43,4% га камайтириш ва беморларнинг ҳаёт сифатини яхшилаш ҳамда такомиллаштириш учун диссертацияда олинган илмий натижалар қўлланилган ва мавжуд тавсия қилинган.