Оманов Беҳрузжон Шуҳрат ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ацетилендан винилацетатнинг каталитик синтези ва технологияси», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2020.4.PhD/Т1527.
Илмий раҳбар: Файзуллаев Нормурот Ибодуллаевич, техника фанлари доктори.
Диссертация бажарилган муассаса номи: Тошкент кимё-технология илмий-тадқиқот институти.
ИК фаолият кўрсатаётган муассаса номи, ИК рақами: Тошкент кимё-технология илмий-тадқиқот институти, DSc.16/30.12.2019.Т.87.01.
Расмий оппонентлар: Махсумов Абдухамид Гофурович, кимё фанлари доктори, профессор; Бекназаров Хасан Сойибназарович, техника фанлари доктори, профессор. 
Етакчи ташкилот: «Навоийазот» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: янги нанокатализатор иштирокида ацетилендан винилацетатни каталитик синтез қилиш ва унинг технологиясини ишлаб чиқишдан иборат.
III. Тадқиқотнинг илмий янгилиги: 
ацетиленни сирка кислотаси билан ацетиллаш жараёни учун қўлланилувчи юқори унумдорлик ва селективликка эга бўлган янги (ZnO)x∙(CdO)y∙(ZrO2)z/керамзит таркибли катализатор “золь-гель” усули ёрдамида яратилган; 
ацетиллаш жараёни учун яратилган юқори каталитик фаолликка эга бўлган, янги таркибли нанокатализаторнинг текстура ҳамда физик-кимёвий хоссалари аниқланган; 
янги таркибли катализатор иштирокидаги ацетиллаш жараёнининг кинетикаси асосида реакциянинг кинетик моделлари ва бориш механизми аниқланган ҳамда кинетик моделлар таҳлили асосида мақбул реактор тури танланган;
дифференциал реактор шароитида яратилган нанокатализатор иштирокида, реакциянинг кинетик қонуниятлари ва жараён боришининг мақбул шароити аниқланиб, жараённи ифодалайдиган кинетик тенгламалар танланган ва уларнинг адекватлиги баҳоланган;
ацетиленни каталитик ацетиллаб винилацетат олишнинг такомиллаштирилган ҳамда кам чиқиндили, энергия ва ресурс тежамкор технологияси ишлаб чиқилган.
IV. Тадқиқот натижаларининг жорий қилиниши. 
Ацетилендан винилацетатнинг каталитик синтези ва технологиясини ишлаб чиқиш бўйича олинган илмий натижалар асосида:
ацетиленни сирка кислотаси билан ацетиллаш жараёни учун юқори каталитик фаолликка эга бўлган янги таркибли нанокатализаторларни ишлаб чиқиш технологияси «Навоиазот» АЖда амалиётга жорий қилинган («Навоиазот» АЖнинг 2020 йил 26 августдаги 5949-сон маълумотномаси). Натижада, ацетилен ва сирка кислотадан винил ацетат олишнинг такомиллаштирилган технологиясини ишлаб чиқиш имконини берган;
янги (ZnO)x∙(CdO)y∙(ZrO2)z/керамзит таркибли юқори каталитик фаолликка эга бўлган нанокатализатор «Muborak gazni qayta ishlash zavodi»да амалиётга жорий қилинган («O’zbekneftgaz» AJ «Muborak gazni qayta ishlash zavodi»нинг 2020 йил 30 августдаги 933/GK-08-сон маълумотномаси). Натижада, (ZnO)x∙(CdO)y∙(ZrO2)z/керамзит таркибли нанокатализаторидан винилацетат синтезида импорт ўрнини босувчи махаллий катализатор сифатида қўллаш имконини берган.