Эркинов Зокиржон Эркинбой ўғлининг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Пишитилган ип ишлаб чиқариш технологиясини такомиллаштириш орқали ип сифатини яхшилаш», 05.06.02–Тўқимачилик материаллари технологияси ва хомашёга дастлабки ишлов бериш (техника фанлари).

Диссертация мавзуси рўйхатга олинган рақам: В2017.2.PhD/Т142.

Илмий раҳбар: Жуманиязов Кадам, техника фанлари доктори, профессор.

Диссертация бажарилган муассаса номи: Тошкент тўқимачилик ва енгил саноат институти.

ИК фаолият кўрсатаётган муассаса (муассасалар) номи, ИК рақами: Тошкент тўқимачилик ва енгил саноат институти, DSс.27.06.2017.Т.08.01.

Расмий оппонентлар: Муқимов Мирабзал Мираюбович, техника фанлари доктори, профессор; Юлдашев Жамшид Қамбаралиевич, техника фанлари номзоди.

Етакчи ташкилот: Жиззах политехника институти.

Диссертация йўналиши: амалий аҳамиятга молик.

II. Тадқиқотнинг мақсади: пишитилган иплар ишлаб чиқаришнинг такомиллашган технологиясини яратиш асосида ип сифатини яхшилаш ва экспортбоп тўқимачилик маҳсулотлари ассортиментини кўпайтиришдан иборат.

III. Тадқиқотнинг илмий янгилиги:

пахта толали тўқимачилик ипларидан пишитилган иплар ва ип буюмлари олиш бўйича тасниф такомиллаштирилган ҳамда пишитиш машиналари ва механизмларининг тузилиши бўйича янги тасниф ишлаб чиқилган;

бир босқичли усулда кўп қаватли пишитилган ип ишлаб чиқаришнинг такомиллаштирилган технологияси асосида янги пишитиш қурилмаси яратилган;

янги пишитиш қурилмасининг асосий ишчи қисмларининг математик моделларидан фойдаланган ҳолда унинг асосий технологик ҳамда кинематик кўрсаткичларини муқобиллаш катталиклари аниқланган;

қўшбурам пишитиш машинасида компакт иплардан тикув ипи олиш учун технологик параметрлар аниқланган ва тикув ипи олинган;

қўшбурам пишитиш машинасида турли ассортиментдаги пишитилган иплар олиш учун технологик параметрлар аниқланган;

янги технология асосида пишитилган ипга кам бурам бериб, бурамларни бир текис тақсимлаш орқали белгиланган хоссаларга эга турли структурадаги пишитилган иплар ишлаб чиқилган.

IV. Тадқиқот натижаларининг жорий қилиниши:

Пишитилган ип ишлаб чиқариш технологиясини такомиллаштириш орқали ип сифатини яхшилаш бўйича бажарилган илмий натижалар асосида:

бир босқичли, мураккаб структурали пишитилган иплар олиш учун ресурстежамкор янги пишитиш қурилмаси ва технологияси Наманган шаҳрининг «Косонсой Ал-Азиз» МЧЖда жорий этилган («Ўзбекчармпойабзал» уюшмасининг 2017 йил 29 августдаги ШШ-9/1081-сон маълумотномаси). Натижада пишитилган ип ассортиментининг сифат кўрсаткичини 7–12 % га яхшиланишини, бир босқичли усулда кўп қаватли иплар ишлаб чиқариш орқали технологик жараёнларни 2 баробар, чиқинди чиқишини 4,5% камайишига эришилган;

янги пишитиш қурилмасида тайёрланган пишитилган иплар «Дамбоғ пойабзал савдо» ишлаб чиқариш корхонасига жорий этилган («Ўзбекчармпойабзал» уюшмасининг 2017 йил 29 августдаги ШШ-9/1081-сон маълумотномаси). Натижада пишитилган ип ишлаб чиқариш машиналари ва пишитилган иплардан олинган маҳсулотларни хориждан валюта ҳисобига олиб киришни камайтириш ва маҳаллий корхоналарда ишлаб чиқариладиган маҳсулотлар турини кўпайтириш имконини берган.