Назаров Улугбек Кахрамоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Экологик ноқулай худудларда яшовчи одамларда кобалт-хром қотишмали металл асосли конструкциялар билан протезлашда самарадорликни ошириш», 14.00.21 – Стоматология (тиббиёт фанлари).
Диссертация мавзуси рўйхатга олинган рақам: В2020.4.PhD/Tib.1557.
Илмий раҳбар: Ғаффоров Сунатулло Амруллаевич, тиббиёт фанлар доктори, профессор.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc/PhD.04/30.12.2019.Tib.93.01.
Расмий оппонентлар: Мандра Юлия Андреевна, тиббиёт фанлари доктори, профессор; Муртазаев Саидмуродхон Саидалоевич, тиббиёт фанлари доктори.
Етакчи ташкилот: «Тошкент тиббиёт академияси»
Диссертация йўналиши: амалий аҳамиятга молик.
II. Тадқиқотнинг мақсади: экологик ноқулай ҳудудларда яшовчи одамларда кобалт-хром қотишмали метал асосли конструкциялар билан протезлаш 
самарадорлигини оширишдан иборат.
III. Тадқиқотнинг илмий янгилиги:
илк бор турли географик худуд ва иқлим шароитидаги кон-металлургия саноати корхоналари ишчиларининг оғиз бўшлиғи аъзо ва тўқималаридаги клиник-функционал ҳолатига ишлаб чиқариш зарарли омилларининг патоморфологик таъсири аниқланган;
оғиз суюқлиги ва биосубстратлардаги клиник-функционал параметрларга салбий таъсир қилиши мумкин бўлган ишлаб чиқариш мухитидаги зарарли омиллар хамда сунъий тиш протезларини тайёрлашда ишлатиладиган металл қотишмаларнинг биргаликдаги салбий таъсирлари асосланган;
экологик ноқулай ишлаб чиқариш шароити мавжуд корхоналарда ишловчи ва худларда яшовчиларда сунъий тиш протезларини қўллаб ортопедик ёрдам кўрсатишда қўлланилаётган хом-ашёларни электромагнит хусусиятлари, беморнинг биоэлектромагнит реактивлик индекси хамда худуд хавосида мавжуд инсон танасига салбий таъсир этувчи омилларни инобатга олиб ёндошиш асосланган;
ортопедик ёрдам кўрсатишда, одамнинг сунъий тиш протезлари хом-ашёларининг ва экологик муҳит параметрларини электромагнит, биоэлектромагнит реактивлик омиллари келтириб чиқарувчи патологияларни даволаш, ташҳислаш, башоратлаш, кобальт-хром ва никел-хром металл қотишмаларини қўллашга индивидуал ёндошув асосланган.
IV. Тадқиқот натижаларининг жорий қилиниши. 
Ишчиларда оғиз бўшлиғи шиллиқ қавати касалликларининг ривожланиши, эрта ташҳислаш ва олдини олиш учун хавф омилларини аниқлашга комплекс ёндашиш асосида: 
металлни қайта ишлаш корхоналари ишчилари оғиз бўшлиғи аъзолари холати бўйича илмий тадқиқотнинг натижалари асосида ишлаб чиқилган «Металлни қайта ишлаш корхоналари ишчилари оғиз бўшлиғи аъзолари ва тўқималари функционал-таркибий холати» номли услубий тавсиянома ишлаб чиқилган (Соғлиқни сақлаш вазирлиги 18.06.2020-сонли 8н-р/171-сонли хулосаси). Ушбу услубий тавсиянома металлга ишлов бериш ишларида оғиз бўшлиғи тўқималарининг функционал-тизимли ҳолатини таҳлил қилиш имконини берган;
кобалт-хром қотишма тиш протезларидан фойдаланиш бўйича илмий тадқиқотнинг натижалари асосида ишлаб чиқилган «Тиш протезларида кобалт-хром қотишмани донадар кўринишда фойдаланишни асослаш» номли услубий тавсиянома ишлаб чиқилган (Соғлиқни сақлаш вазирлигининг 18.06.2020 йилдаги 8н-р/172 сонли хулосаси). Ушбу услубий тавсиянома кобалт-хром қотишмасидан тиш протезлари учун гранулалар шаклида фойдаланишни асослаш имконини берган;
Олинган илмий натижалар соғлиқни сақлаш амалиётида, шу жумладан, Бухоро вилоят болалар стоматология поликлиникаси, Вобкент туман стоматология поликлиникаси, Олмалиқ кон-металлургия комбинати поликлиникаси ва Нижний Тагил шаҳридаги 1-шаҳар шифохонаси қошидаги ЕВРАЗ НТМК поликлиникасида татбиқ этилган (Соғлиқни сақлаш вазирлигининг 23.12.2020 йилдаги 8н-д/271-сон хулосаси). Олинган натижаларни амалиётга жорий этиш ривожланиш хавфи омилларини аниқлаш, эрта ташҳис қўйиш ва олдини олиш бўйича комплекс ёндашувни таҳлил қилиш имконини берган.