Холтураев Фарход Сафаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Кўнни валли машиналарда сиқиш жараёнини математик моделлаштириш ва такомиллаштириш”, 05.02.03–“Технологик машиналар. Роботлар, мехатроника ва роботатехника тизимлари” (техника фанлари).
Диссертация мавзуси рўйхатга олинган рақам: В2019.1.PhD/Т1010
Илмий раҳбар: Хуррамов Шавкат Рахматуллаевич, техника фанлари номзоди, доцент
Диссертация бажарилган муассаса номи: Тошкент архитектура қурилиш институти.
ИК фаолият кўрсатаётган муассаса номи, ИК рақами: Наманган мухандислик–технология институти, PhD.03/30.12.2019.T.66.01
Расмий оппонентлар: Қодиров Тўлқин Жумаевич техника фанлари доктори, профессор; Шарибаев Носир Юсупжанович, физика-математика фанлари доктори, профессор.
Етакчи ташкилот: Бухоро муҳандислик - технология институти.
Диссертация йўналиши: амалий аҳамиятга молик. 
II. Тадқиқотнинг мақсади чарм ярим маҳсулотини валокли сиқиш машиналарининг техник ва иқтисодий кўрсаткичларини уларнинг параметрларини ҳисоблашнинг илмий асосланган усулларини қўллаш орқали оширишдан иборат.
III. Тадқиқотнинг илмий янгилиги:
хромли ошлашдан кейинги чарм ярим маҳсулотининг ва валлар эластик қопламаларининг деформациявий хусусиятларини ҳисобга олган ҳолда валлар жуфтликларида контакт эгри чизиқларининг математик моделлари яратилган; 
нормал ва уринма кучланишларнинг контакт эгри чизиқлари бўйлаб тарқалиш қонуниятларининг тажрибавий эпюраларга мос келадиган математик моделлари яратилган ва чармни валокли сиқиш машиналарининг энергиявий ва куч параметрларини ҳисоблаш учун янги аналитик ифодалар ишлаб чиқилган; 
биринчи бўлиб хромли ошлашдан кейинги чарм ярим маҳсулотининг фильтрациявий хусусиятларини ҳисобга олган ҳолда чармни сиқиш соҳасида гидравлик кучланишларнинг ва сиқилаётган суюқлик ўзгариш қонуниятларининг математик моделлари яратилган;
чарм ярим маҳсулоти қолдиқ намлигининг чармни валокли сиқиш машиналарининг оптимал параметрларини аниқлаш имкониятини берувчи математик модели яратилган.
IV. Тадқиқот натижаларининг жорий қилиниши. 
Чармни валокли машиналар билан сиқиш жараёнини математик моделлаштириш ва такомиллаштириш бўйича олинган натижалар асосида:
чарм ярим маҳсулотини валокли сиқиш жараёнининг назарий натижалари, волокли сиқишнинг самарадорлигини аниқлашнинг ҳисоблаш формулалари ва чармни сиқишнинг валокли машиналари параметрларини аниқлаш методикаси «ЎЗЧАРМСАНОАТ» уюшмасининг  корхоналарида хусусан «QARSHI LEATHER» МЧЖ, «ULKAN-LAZIZ» МЧЖ, «OSIYO CHARM FAYZ» МЧЖ да ишлаб чиқаришга жорий қилинган («ЎЗЧАРМСАНОАТ» уюшмасининг 2021 йил 26 июндаги ФБ-7/1716-сон маълумотномаси). Натижада чарм корхоналарида табиий чарм ишлаб чиқаришнинг технологик жараёнларини такомиллаштириш имконияти яратилган.