Ҳасанов Шарофиддин Шамшуровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Ижтимоий зидддиятлар табиати ва уларни ечиш йўллари», 09.00.04 – Ижтимоий фалсафа.
Диссертация мавзуси рўйхатга олинган рақам: B2018.1.PhD/Fal174.
Илмий раҳбар: Джавакова Каринэ Владимировна, фалсафа фанлари доктори, профессор.
Диссертация бажарилган муассаса номи: Ички ишлар вазирлиги академияси.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Агзамходжаева Саида Собитхоновна, фалсафа фанлари доктори, профессор; Раматов Жуманиёз Султонович, фалсафа фанлар доктори, профессор. 
Етакчи ташкилот: Тошкент давлат иқтисодиёт университети.
Диссертация йўналиши: назарий-амалий аҳамиятга молик.
II. Тадқиқотнинг мақсади ижтимоий зиддиятларнинг сабабларини аниқлаш ҳамда уларни бартараф этиш йўллари ва усулларини таклиф этишдан иборат. 
III. Тадқиқотнинг илмий янгилиги:
замонавий жамият ҳаётининг барча соҳаларида вужудга келиши мумкин бўлган коррупция, миграция кааби конфликтоген омилларнинг барқарорликка таъсири, ижтимоий зиддиятларнинг мавжуд глобал тенденциялари ва уларнинг яхлит дунё манзарасини шакллантиришдаги роли фалсафий нуқтаи назардан аниқланган; 
турли хил ижтимоий зиддиятларни олдини олишнинг методологик, технологик каби инновацион омиллари, уларнинг жамиятда тинчлик ва барқарорликни таъминлашдаги асосий вазифалари ва замонавий ҳаракат механизмлари, умумий ижтимоий ва минтақавий даражадаги муаммоларнинг авж олиши ва камайишига таъсир этувчи ислоҳотлар динамикаси фалсафий жиҳатдан очиб берилган;
ижтимоий зиддиятларни олдини олишни таъминловчи регулятив (назорат қилувчи, чегараловчи ва репрессив) ўзаро мулоқотнинг вербал ва новербал усуллари ва мулоқотнинг йўналиши, акс этиши, ахборот узатилиши билан боғлиқ воситалари ишлаб чиқилган; 
ижтимоий зиддиятларнинг ички динамикаси (юзага келиш сабаблари) ҳамда уларни бартараф қилишни ташкил этиш учун сиёсий ҳушёрлик, компетентлик, билим ва малакалардан фойдаланишнинг зарурати фалсафий жиҳатдан асосланган.
IV. Тадқиқот натижаларининг жорий қилиниши. Ижтимоий зиддиятларнинг табиати ва уларни ҳал қилиш йўллари бўйича олиб борилган тадқиқот натижалари асосида:
ижтимоий зиддиятларни олдини олишни таъминловчи регулятив (назорат қилувчи, чегараловчи ва репрессив) ўзаро мулоқотнинг вербал ва новербал усуллари ва мулоқатнинг йўналиши йўналиши,акс этиши, ахборот узатилиши билан боғлиқ воситаларига оид ғоялардан  “Миллий ғоя ва Ўзбекистоннинг тараққиёт стратегияси” дарслигини тайёрлашда фойдаланилган (Олий ва ўрта махсус таълим вазирлигининг 2020 йил 27 майдаги 89-03-1776-сон маълумотномаси). Натижалар дарсликнинг мазмунини такомиллаштириш орқали таълим сифатини оширишга ҳамда ИИВ Академияси тингловчи ва курсантларининг билим ва кўникмаларини мустаҳкамлашга хизмат қилган;
ижтимоий зиддиятларнинг ички динамикаси (юзага келиш сабаблари) ҳамда уларни бартараф қилишни ташкил этиш учун сиёсий ҳушёрлик, компетентлик, билим ва малакалардан фойдаланишнинг заруратига оид хулоса ва таклифлардан Ўзбекистон Республикаси Маданият вазирлиги тизими ташкилотларининг фаолиятида фойдаланилган (Ўзбекистон Республика Маданият вазирлигининг 2020 йил 6 майдаги 01/17-10-2175-сон маълумотномаси). Натижаларнинг амалиётга жорий этилиши мамлакатимизда шахслар, гуруҳлар, миллатлар, динлараро консенсус ривожланишига хизмат қилган;
замонавий жамият ҳаётининг барча соҳаларида вужудга келиши мумкин бўлган (коррупция, миграция) конфликтоген омилларнинг барқарорликка таъсири, ижтимоий зиддиятларнинг мавжуд глобал тенденциялари ва уларнинг яхлит дунёни манзарасини шакллантиришдаги ролига оид хулоса ва амалий тавсиялардан Ўзбекистон Республикаси ИИВ Ташкилий департаментининг 2020 йилга мўлжалланган фаолияти режасининг концепциясини ишлаб чиқишда фойдаланилган (Ўзбекистон Республикаси ИИВ Ташкилий департаментининг 2020 йил 8 апрелдаги 6/747-сон маълумотномаси). Натижалар ҳамда ижтимоий муносабатларни йўлга қўйишда шахснинг маъсулиятини ошириш, уюшмаган ёшлар онгида соғлом турмуш тарзи, оила ва никоҳ муносабатлари ҳақида тасаввур ҳосил қилиш ҳамда уларнинг маънавий-ахлоқий билимларини шакллантириш юзасидан билдирилган фикр-мулоҳазалар ташкилот дастурининг янада мазмунли бўлишига, аҳоли ўртасида ҳуқуқбузарлик ва жиноятларнинг олдини олиш учун кўрилаётган чораларнинг самарадорлигини оширишга хизмат қилган;
турли хил ижтимоий зиддиятларни олдини олишнинг методологик, технологик, инновацион омиллари, уларнинг жамиятда тинчлик ва барқарорликни таъминлашдаги асосий вазифалари ва замонавий ҳаракат механизмлари, шунингдек, умумий ижтимоий ва минтақавий даражадаги муаммоларнинг авж олиши ва камайишига таъсир этувчи ислоҳотлар динамикасига оид хулоса ва  таклифлардан Ўзбекистон Республикаси Вазирлар Маҳкамасининг Маҳалла, оила ва ёшларни қўллаб-қуватлаш, маданият, маънавият ва жамоат ташкилотлари масалалари  котибиятининг фаолиятида фойдаланилган (Ўзбекистон Республикаси Вазирлар Маҳкамасининг Маҳалла, оила ва ёшларни қўллаб-қуватлаш, маданият, маънавият ва жамоат ташкилотлари масалалари  котибиятининг 2020 йил 12 майдаги 07/1-9691-сон маълумотномаси). Натижалар жамоат ташкилотлари аъзоларини илмий тадқиқот ишларига жалб қилиш ҳамда ташкилотнинг тарғибот материалларини ишлаб чиқишда намоён бўлган.