Пайзиев Дилшат Юлдашбаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ярашилганлиги муносабати билан жавобгарликдан озод қилиш институтини такомиллаштириш”, 12.00.08 – Жиноят ҳуқуқи. Криминология. Жиноят-ижроия ҳуқуқи (юридик фанлар).
Диссертация мавзуси рўйхатга олинган рақам: В2018.1.PhD/Yu157.
Илмий раҳбар: Рустамбаев Мирзаюсуп Хакимович, юридик фанлар доктори, профессор.
Диссертация бажарилган муассаса номи: Ўзбекистон Республикаси Ички ишлар вазирлиги Академияси.
ИК фаолият кўрсатаётган муассаса номи, ИК рақами: Ўзбекистон Республикаси Ички ишлар вазирлиги Академияси, DSc.31/30.12.2019.Yu.25.02.
Расмий оппонентлар: Отажонов Аброржон Анварович, юридик фанлар доктори, профессор; Каримов Хуршид Акрамович, юридик фанлар бўйича фалсафа доктори, доцент.
Етакчи ташкилот: Тошкент давлат юридик университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ярашилганлиги муносабати билан жиноий жавобгарликдан озод қилиш институтини такомиллаштириш ҳамда ярашув қўлланиладиган жиноят турлари доирасини кенгайтириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ижтимоий хавфи катта бўлмаган шахсий ҳаёт дахлсизлигини бузиш жиноятини (ЖКнинг 1411-моддаси) ярашилганлиги муносабати билан жиноий жавобгарликдан озод қилиш институти қўлланиладиган жиноят турлари доирасига киритишнинг ижтимоий зарурати асослантирилган;
шахсга доир маълумотлар тўғрисидаги қонун ҳужжатларини бузиш жиноятини (ЖКнинг 1412 -моддаси) ярашилганлиги муносабати билан жиноий жавобгарликдан озод қилиш қўлланиладиган жиноят тури сифатида белгиланиши шахс манфаатларини жиноий-ҳуқуқий воситалар орқали ҳимоялаш даражасини оширишга хизмат қилиши исботланган;
ЖКнинг 66 ва 661-моддаларида назарда тутилган қилмишларга тўғри ва ҳаққоний баҳо беришда айбдорнинг ўз қилмишига амалда пушаймон бўлганлиги муносабати билан жиноий жавобгарликдан озод этишни ярашилганлиги муносабати билан жиноий жавобгарликдан озод қилишдан асос ва шартларига кўра фарқлаш лозимлиги исботланган;
ярашув учун етарлича асослар бўлмаган ёки жиноят иши умумий қоидалар асосида терговга қадар текширув, суриштирув ёхуд дастлабки терговга қайтарилган ҳолларда ҳам мазкур тоифадаги жиноятни содир этган шахсларни аниқлаш, ҳисобини юритиш ва бу борадаги зарур ахборотларни йиғиш ҳамда умумлаштириб бориш амалиётини йўлга қўйиш зарурлиги асослантирилган.
IV. Тадқиқот натижаларининг жорий қилиниши. 
Ярашилганлиги муносабати билан жиноий жавобгарликдан озод қилиш институтини такомиллаштириш бўйича олинган илмий натижалар асосида:
ижтимоий хавфи катта бўлмаган шахсий ҳаёт дахлсизлигини бузиш жиноятини (ЖКнинг 1411-моддаси) ярашилганлиги муносабати билан жиноий жавобгарликдан озод қилиш институти қўлланиладиган жиноят турлари доирасига киритишга доир таклифдан Ўзбекистон Республикасининг 2016 йил 23 сентябрдаги “Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги ЎРҚ-411-сон Қонуни 4-моддаси тўртинчи банди билан киритилган Ўзбекистон Республикаси Жиноят кодекси 661-моддасининг биринчи қисмини амалдаги таҳрирда баён этишда фойдаланилган (Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг 2020 йил 23 июндаги 06/1-05/1705 вх-сон маълумотномаси). Мазкур таклифнинг жорий қилиниши шахс манфаатларини жиноий-ҳуқуқий муҳофаза қилиш самарадорлигини оширишга хизмат қилган;
шахсга доир маълумотлар тўғрисидаги қонун ҳужжатларини бузиш  жиноятини (ЖКнинг 1412 -моддаси) ярашилганлиги муносабати билан жиноий жавобгарликдан озод қилиш қўлланиладиган жиноят тури сифатида белгиланиши шахс манфаатларини жиноий-ҳуқуқий воситалар орқали ҳимоялаш даражасини оширишга хизмат қилишига оид таклифдан Ўзбекистон Республикасининг 2019 йил 8 июлдаги “Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги ЎРҚ-548-сон Қонунининг 1-моддаси иккинчи банди билан киритилган Ўзбекистон Республикаси ЖКнинг 661-моддаси биринчи қисмини амалдаги таҳрирда баён этишда фойдаланилган (Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг 2020 йил 23 июндаги 06/1-05/1705 вх-сон маълумотномаси). Ушбу таклифнинг жорий этилиши шахснинг ҳуқуқ ва манфаатларини жиноий-ҳуқуқий воситалар ёрдамида кафолатлашни кучайтириш имконини яратган;
ЖКнинг 66 ва 661-моддаларида назарда тутилган қилмишларга тўғри ва ҳаққоний баҳо беришда айбдорнинг ўз қилмишига амалда пушаймон бўлганлиги муносабати билан жиноий жавобгарликдан озод этишни ярашилганлиги муносабати билан жиноий жавобгарликдан озод қилишдан ўзаро асос ва шартларига кўра фарқлаш лозимлигига доир тавсия ҳамда хулосалардан ИИВ Академияси ўқув жараёнида фойдаланиш учун тавсия этилган “Курс уголовного права Республики Узбекистан. Том II. Общая часть. Учение о наказании” номли дарсликни тайёрлашда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 2 майдаги 394-сон буйруғи,  394-255 рақамли гувоҳномаси). Илмий хулосаларнинг жорий этилиши олий таълим муассасалари курсант ва талабалари, изланувчилари ва амалиёт ходимларининг ярашув билан боғлиқ қилмишларни тўғри квалификация қилишга доир билим ҳамда кўникмаларини ривожлантиришга хизмат қилган;
ярашув учун етарлича асослар бўлмаган ёки жиноят иши умумий қоидалар асосида терговга қадар текширув, суриштирув ёхуд дастлабки терговга қайтарилган ҳолларда ҳам мазкур тоифадаги жиноят содир этган шахсларни аниқлаш, ҳисобини юритиш ва бу борадаги зарур ахборотларни йиғиш ҳамда умумлаштириб бориш амалиётини йўлга қўйишга доир таклифдан Ўзбекистон Республикаси Ички ишлар вазирлиги, Бош прокуратураси, Олий суди, Давлат хавфсизлик хизмати, Давлат божхона қўмитасининг 2018 йил 4 апрелдаги 3//20//11-121-18//2//01-02/22-29-сон қарорининг 1-иловаси билан тасдиқланган “Жиноятларни, уларни содир этган шахсларни, терговга қадар текширув, суриштирув ва дастлабки терговни амалга оширувчи органлар ҳамда суднинг процессуал қарорларини ҳисобга олиш тартиби тўгрисидаги йўриқнома”нинг 32-банди ва 54-банди тўртинчи хатбошисини ишлаб чиқишда фойдаланилган (Ўзбекистон Республикаси ИИВнинг 2021 йил 5 майдаги 33/02-05/1349-сон маълумотномаси). Ушбу таклифнинг инобатга олиниши терговга қадар текширув, суриштирув ва дастлабки терговни амалга оширувчи органлар ҳамда суднинг процессуал қарорларини ҳисобга олиш тартибини такомиллаштиришга хизмат қилган.