Бикеева Луиза Равкатовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хоразм моноклинали ва унга ёндош геоструктура элементларини  космодешифровкалаш маълумотлари асосида геологик тузилиши ва  нефт-газга истиқболлиги», 04.00.07 – Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: B2019.2.PhD/GM62.
Илмий раҳбар: Долгополов Феликс Геннадьевич, геология-минералогия фанлари доктори.
Диссертация бажарилган муассаса номи: Нефть ва газ конлари геологияси ҳамда қидируви институти.
ИК фаолият кўрсатаётган муассаса номи, ИК рақами: Нефть ва газ конлари геологияси ҳамда қидируви институти, DSc.24/30.12.2019.GM.41.01.
Расмий оппонентлар: Нурходжаев Анварбек Кораходжаевич, геология-минералогия фанлари доктори; Зокиров Алимжон Абдурахимович, техника фанлари доктори. 
Етакчи ташкилот: “Ўзбекгеофизика” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: космодешифрлашнинг замонавий усулларидан фойдаланиб, Хоразм моноклинали ва унга ёндош бўлган геострктура элементларини геологик тузилишини аниқлаштириш ва нефтгазлилик истиқболларини асослашдан иборат.
III. Тадқиқотнинг илмий янгилиги:
ҳар хил иерархияга, морфологияга, кинематикага, давомийликка ва йўналишга эга бўлган тузилмавий-тектоник дислокациялар системаси ишлаб чиқилган;
космодешифрлашнинг чизиқли элементларининг дизъюнктив табиатлилиги, аниқ-тиниқ чегараларга ҳамда  тектоник блокларнинг геодинамик тавсифига эга тузилмавий-тектоник дарзланиш зоналари аниқланган; 
Тянь-Шань ҳамда Серох  йўналишларидаги зина ҳосил килувчи Амударё, Бухоро, Қизилқум олди параград ер ёриқлари зоналарининг I тартибдаги дизъюнктив элементлари сифатида узоқ муддатли эндоген фаолликнинг тектоник тугунининг мавжудлиги исботланган;
тектоник блокларни бир хил турдаги йўналиш ва ҳаракатлар жадаллиги билан чегараловчи чўкинди қопламини пликатив тахламлилигини назорат қилувчи синиқли-блок каркаснинг муфассал модели ишлаб чиқилган;
неотектоник фаолланиш характери аниқланди, белги, жадаллик, ҳаракатларни дифференциялашганлик даражаси ва аввал шаклланган тузилма шаклларнинг фаоллиги аниқланган;
II тартибдаги морфотузилма элементларини узун валсимон кўтарилмалари ва уларни  ажратиб турувчи ботиқликлар ва эгарларни ажратиш билан бирга чўкинди қопламнинг геотектоник районлаштириш схемаси ишлаб чиқилган.
IV. Тадқиқот натижаларининг жорий қилиниши. 
Хоразм моноклинали ва унга ёндош геоструктура элементларини геологик тузилишини аниқлаштириш бўйича олинган илмий натижалар асосида:
Бургутли-Шортакли эгилмаси ҳудудлари бўйича локал антиклиналларни қидириш мақсадида муфассал сейсмик разведка ишларини олиб бориш учун тавсиянома «Ўзбекнефтегаз» АЖ фаолиятига жорий қилинган («Ўзбекнефтегаз» АЖнинг 2020 йил 18 ноябрдаги 03-17-5-131-сон маълумотномаси). Натижада, Тўмарис майдонида излов-қидирув ишлари ўтказилиб газоконденсат кони очилиш имконини берган;
Янгиқазган кўтарилмаси ҳудудида юқори юра ва қуйи бўр терриген ётқизиқлардаги тузилмаларни қидириш мақсадида қидирув ва муфассал сейсмик разведка ишларини олиб бориш учун тавсиянома «Ўзбекнефтегаз» АЖ фаолиятига жорий қилинган («Ўзбекнефтегаз» АЖнинг 2020 йил 18 ноябрдаги 03-17-5-131-сон маълумотномаси). Натижада, нефть ва газга истиқболли Джигербент,Таширқудуқ, Каттаказан объектлари очиш имконини берган;
Дашкала эгилмаси ва Мешикли кўтарилмалари ҳудудларида МОГТ 2D геофизик ишларни ўтказиш тавсияси «Ўзбекнефтегаз» АЖ фаолиятига жорий қилинган («Ўзбекнефтегаз» АЖнинг 2020 йил 18 ноябрдаги 03-17-5-131-сон маълумотномаси). Натижада, олинган маълумотлар нефть ва газга истиқболли Джигербент, Джангелди ва Мангуберди объектлари очиш имконини берган.