Айтмуратова Улбике Жалгасовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Корхоналарда инвестицион фаолият самарадорлигини ошириш йўналишлари», 08.00.07 – Молия, пул муомаласи ва кредит  (иқтисодиёт фанлари). 
Диссертация мавзуси рўйхатга олинган рақам: В2021.1.PhD/Iqt801.
Илмий раҳбар: Ташмурадова Бувсара Эгамовна, иқтисодиёт фанлари доктори, профессор.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Абдуллаева Шарбат Зулфиқаровна, иқтисодиёт фанлари доктори, профессор; Холиков Улуғбек Рустамович, иқтисодиёт фанлари бўйича фалсафа доктори (PhD), доцент.
Етакчи ташкилот: Самарқанд  иқтисодиёт ва сервис институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади корхоналарда инвестицион фаолият самарадорлигини ошириш йўналишлари бўйича таклиф ва тавсиялар ишлаб чиқишдан иборат. 
III. Тадқиқотнинг илмий янгилиги:
инвестицияларга йўналтирилган пул оқимларини дисконтлаш асосида инвестицияларни қоплаш муддатини аниқлилик даражасини 90 фоизгача етказиш асосланган; 
прогноз қилишнинг иқтисодий қўшилган қиймат усулини қўллаш орқали инвестицион лойихалар миқдорини 30 фоизга ошириш ҳамда  инвестицион стратегиянинг муддати ва талаб этиладиган инвестиция миқдори ўртасидаги боғлиқликни аниқлаш асосланган;
фоиз ставкалар, инфляция даражаси ва валюта айирбошлаш курсларини инобатга олган узоқ муддатли инвестиция лойиҳалари муддатини 8 йилдан 5 йилга қискартириш асосида инвестицион фаолият самарадорлигини 1,2 баробарга ошириш асосланган;
инвестиция киритиладиган лойихага шериклик хуқуқини берувчи сукук қимматли қоғозини эмиссия қилиш таклиф этилган.
IV. Тадқиқот натижаларининг жорий қилиниши:
Корхоналарда инвестицион фаолият самарадорлигини ошириш йўналишлари бўйича олинган илмий натижалар асосида:
инвестицияларга йўналтирилган пул оқимларини дисконтлаш асосида инвестицияларни қоплаш муддатини аниқлилик даражасини 90 фоизгача етказиш бўйича таклифи Қорақалпоғистон Республикаси Инвестициялар ва ташқи савдо вазирлиги томонидан инвестициялар таҳлилида фойдаланилган (Қорақалпоғистон Республикаси Инвестициялар ва ташқи савдо вазирлигининг 2021 йил 1 февралдаги ВЖ-22/01-258-сон маълумотномаси). Натижада, инвесторлар томонидан лойиҳа бўйича VaR (рискнинг миқдорий даражаси)ни корхона фойдадаги улушини алоҳида коэффициентлар бўйича прогноз қилиш имконияти вужудга келган ва инвестицион лойиҳалар бўйича инвестицияларни қоплаш муддатини белгилашда эҳтимоллик даражасини 90 %гача аниқлашга эришилган;
прогноз қилишнинг иқтисодий қўшилган қиймат усулини қўллаш орқали инвестицион лойихалар миқдорини 30 фоизга ошириш ҳамда  инвестицион стратегиянинг муддати ва талаб этиладиган инвестиция миқдори ўртасидаги боғлиқликни аниқлаш бўйича таклифи Тахиатош дон маҳсулотлари акциядорлик жамиятида инвестицион лойиҳаларни таҳлил қилишда фойдаланилган («Тахиатош дон маҳсулотлари» акциядорлик жамиятининг 2021 йил 2 февральдаги 01-2/83-сон маълумотномаси). Натижада, акциядорлик жамияти томонидан амалга ошириладиган инвестицион лойиҳалар миқдорини 30% оширишга ҳамда 2018-2019 йиллар мобайнида соф фойда хажмини ўртача 14% фоизга оширишга эришилган;
фоиз ставкалари, инфляция даражаси ва валюта айирбошлаш курсларини инобатга олган узоқ муддатли инвестиция лойиҳалари муддатини 8 йилдан 5 йилга қисқартириш асосида инвестицион фаолият самарадорлигини 1,2 баробарга ошириш бўйича таклифи Тахиатош дон маҳсулотлари акциядорлик жамиятида инвестицион лойиҳаларни таҳлил қилишда фойдаланилган («Тахиатош дон маҳсулотлари» акциядорлик жамиятининг 2021 йил 2 февральдаги 01-2/83-сон маълумотномаси). Натижада, акциядорлик жамияти инфляция даражаси ва валюта айирбошлаш курсларини инобатга олган ҳолда инвестиция лойиҳаларини муддатини 5 йил этиб белгилаш асосида инвестицион фаолият самарадорлигини 1,2 баробарга оширишга ҳамда инвестицион ресурслар миқдорини 655 млн.сўмгача тежаб қолишга эришилган; 
инвестиция киритиладиган лойихага шериклик хуқуқини берувчи сукук қимматли қоғозини эмиссия қилиш бўйича таклифи Қорақалпоғистон Республикаси Инвестициялар ва ташқи савдо вазирлиги томонидан инвестициялар таҳлилида фойдаланилган (Қорақалпоғистон Республикаси Инвестициялар ва ташқи савдо вазирлигининг 2021 йил 1 февральдаги ВЖ-22/01-258-сон маълумотномаси). Мазкур таклифнинг амалиётга жорий этилиши натижасида қимматли қоғознинг анъанавий облигацияга нисбатан рисклилик даражаси паст бўлиши ва  фонд бозоридаги интрументлар турларининг диверсификация қилинишига  хизмат қилган.