Tursunov Sherzod Axtamovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Siljishga qarshiligi hisobga olingan zamin va tasmasimon poydevor qurilmasining o‘zaro ta’sirlashuvi (Vzaimodeystvie osnovaniya s konstruksiey lentochnogo fundamenta s uchetom soprotivleniya grunta na sdvig)», 01.02.03 – Gruntlar va tog‘ jinslari mexanikasi  (texnika fanlari).
Dissertatsiya mavzusi ro‘yxatga olingan raqam: B2021.1.PhD/T378.
Ilmiy rahbar: Xasanov Askar Zabievich, Samarqand davlat arxitektura-qurilish instituti professori, texnika fanlari doktori.
Dissertatsiya bajarilgan muassasa nomi: Samarqand davlat arxitektura-qurilish instituti.
IK faoliyat ko‘rsatayotgan muassasalar nomi, IK raqami: Samarqand davlat universiteti, DSc.03/30.12.2019.FM/T.02.09
Rasmiy opponentlar: Ishanxodjaev Abduraxmon Asimovich texnika fanlari doktori, professor; Usmanxodjaev Ilxom Inomovich texnika fanlari nomzodi, katta ilmiy xodim
Yetakchi tashkilot nomi: Toshkent arxitektura-qurilish instituti
Dissertatsiya yo‘nalishi: Nazariy va amaliy ahamiyatga molik.
II. Tadqiqotning maqsadi gruntning fizik va mexanik xususiyatlarini hisobga olgan holda uning siljishga qarshilik koeffisientini eksperimental usul bilan aniqlash; balka bilan grunt kontakt hududidagi reaktiv bosimning tarqalish qonuniyatini va grunt qatlami o‘zgaruvchanligini hisobga olgan holda balkaning egilishi hamda uning kesimlaridagi zo‘riqishlarni tadqiq qilishdan iborat.  
III. Tadqiqotning ilmiy yangiligi:
egiluvchi balka bilan ta’sirlashuvchi gruntning siljishga qarshilik deformatsiyasini aniqlovchi yangi hisob modeli ishlab chiqilgan;
taklif etilgan model` asosida poydevor bilan gruntning kontakt hududida ta’sir kuchlarining turiga qarab hamda gruntda kuchlarning tarqalish qonunlarini inobatga olgan holda egilish, zo‘riqishlar va reaktiv bosim qonuniyatlari aniqlangan;
balka bilan gruntning yaxlit deformatsiyasi qonuniyatlarini aniqlashga imkon beruvchi maxsus eksperimental lotok qurilmasi yaratilgan;
bikrligi ma’lum balkaning turli tabiatli (tekis taqsimlangan, simmetrik va nosimmetrik to‘plangan kuchlar) statik kuchlar ta’sirida egilishini eksperimental aniqlash usuli ishlab chiqilgan; 
balkaga ta’sir etayotgan kuchlarning turiga (tekis taqsimlangan, to‘plangan va hokazo) bog‘liq holda, reaktiv bosimni transformatsiya qilish (bir shakldan boshqa shaklga o‘tish) imkonini beruvchi koeffisient   taklif qilingan. 
IV. Tadqiqot natijalarining joriy qilinishi. 
Siljishga qarshiligi hisobga olingan zamin va tasmasimon poydevor qurilmasining o‘zaro ta’sirini o‘rganish, hamda o‘tkazilgan eksperimental va nazariy tadqiqotlar bo‘yicha olingan natijalar asosida:
tasmasimon poydevor va zaminning siljishga qarshiligi inobatga olingan hisob ishlari “Geofundamentproekt” loyihalash institutida bino va inshootlarning tasmasimon poydevor va zaminlarini loyihalash jarayoniga joriy qilingan (O‘zbekiston Respublikasi Qurilish vazirligining 16.03.2021 yildagi №09-06/2816 – sonli ma’lumotnomasi). Natijada poydevorning faqat kuchsiz bo‘lgan qismlari kuchaytirilib, armaturalar sarfi kamaytirilishi hisobiga poydevor qurilishi uchun sarf-harajatlar 15% ga kamaytirilgan; 
tasmasimon poydevor asosidagi zichlangan gruntning bikrligi inobatga olingan hisobiy modeli “Me’morqurilishloyiha” MChJ loyihalash institutida turar joy binolarining poydevor va zaminlarini loyihalash jarayoniga joriy qilingan (O‘zbekiston Respublikasi Qurilish vazirligining 16.03.2021 yildagi №09-06/2816 – sonli ma’lumotnomasi). Natijada tasmasimon poydevor ostidagi zichlangan gruntning qalinligini kamaytirish hisobidan er ishlariga ketgan umumiy sarf-harajatlar17-20 % ga kamaygan;
tasmasimon poydevor va zaminning siljish deformatsiyasiga bikrligi inobatga olingan hisobiy modeli “Qishloqqurilishloyiha” MChJ da bino va inshootlarning tasmasimon poydevor va zaminlarini loyihalash jarayoniga joriy qilingan (O‘zbekiston Respublikasi Qurilish vazirligining 16.03.2021 yildagi №09-06/2816 – sonli ma’lumotnomasi). Natijada poydevorning bog‘lanish tugunlarida to‘plangan zo‘riqishlar ta’siri boshqa hisob usullari natijalariga nisbatan kamligi aniqlangan va poydevorga ketadigan armatura sarfi 15% tejalgan.