Sharipov Xurshid Fazliddinovichning
falsafa doktori (PhD) dissertatsiya himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri: «Submesiyalarning akslantirishlar gruppasiga nisbatan differensial invariantlari», 01.01.04 – Geometriya va topologiya (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM227.
Dissertatsiya bajarilgan muassasa nomi: O‘zbekiston milliy universiteti
IK faoliyat ko‘rsatayotgan muassasa nomi, IK raqami: O‘zbekiston milliy universiteti huzuridagi DSc.03/30.12.2019.FM.01.01 raqamli Ilmiy kengash.
Ilmiy rahbar: Narmanov Abdigappar Yakubovich, fizika-matematika fanlari doktori, professor.
Rasmiy opponentlar: fizika-matematika fanlari doktori, professor Mishhenko Aleksandr Sergeevich (Moskva Davlat universiteti); fizika-matematika fanlari doktori, professor Raximov Abdug‘ofur Abdumajidovich (O‘zbekiston Milliy universiteti). 
Yetakchi tashkilot: “MIFI” milliy tadqiqot yadro universiteti Toshkent shahridagi filiali.
Dissertatsiya yo‘nalishi: nazariy ahamiyatga molik.
II. Tadqiqotning maqsadi submersiyalarning bir parametrli akslantirishlar gruppasiga nisbatan va konform vektor maydon oqimi hosil qilgan akslantirishlar gruppasiga nisbatan differensial invariantlarini o‘rganishdan iborat.   
III. Tadqiqotning ilmiy yangiligi:
ixtiyoriy bir parametrli gruppaning nolinchi tartibli invariantlarini bilgan holda yuqori tartibli differensial invariantini topish usuli topilgan;
seksion egrilii nolga teng ko‘pxillikda riman submersiyasi hosil qilgan qatlamaning qatlamlari o‘zaro  izometrik bo‘lgan to‘la geodezik riman qatlamasi bo‘lishi  isbotlangan; 
agar metrik funksiyaning har bir kritik satx to‘plamlari nuqta yoki regulyar sirt va ular o‘zaro ajralgan bo‘lsa, u holda bu metrik funksiyaning satx to‘plamlari o‘zaro konform ekvivalent ekanligi  isbotlangan; 
konform vektor maydon oqimi hosil qilgan akslantirishlar gruppasiga nisbatan, submersiyaning sath to‘plami bosh egriliklari nisbati submersiyaning ikkinchi tartibli differensial invarianti bo‘lishi isbotlangan. 
IV. Tadqiqot natijalarining joriy qilinishi: Dissertatsiya tadqiqoti jarayonida olingan ilmiy natijalar quyidagi yo‘nalishlarda amaliyotga joriy qilingan:
Submersiyalarning akslantirishlar gruppasiga nisbatan differensial invariantlari F-4-42 raqamli “Yarimadditiv  uzluksiz Radon funksionallari fazosi kardinal va topologik xossalari” mavzusidagi fundamental loyihada topologik fazolarning topologik, algebraik va funksional invariantlari orasidagi bog‘lanishni aniqlashda foydalanilgan (Mirzo Ulug‘bek nomidagi O‘zbekiston Milliy universitetining 2021 yil 19 apreldagi № 04/11-2126 sonli ma’lumotnomasi). Ilmiy natijaning qo‘llanilishi topologik fazolarning topologik, algebraik va funksional invariantlari orasidagi bog‘lanishni aniqlash, xususan sirtlar va ulardagi differensial operatorlarining differensial invariantlarini topish imkonini bergan;
Bir parametrli akslantirishlar gruppasining yuqori tartibli differensial invarainlarini topishga doir ilmiy natijalar R.J130000.7854. 5F235 raqamli ilmiy tadqiqot loyihasida xususiy hosilali differensial tenglamalarning invariant echimlarini topishda foydalanilgan (Malayziya Texnologiyalar Universitetining 2021 yil 29 martadagi ma`lumotnomasi). Ilmiy natijalarnining qo‘llanilishi xususiy hosilali tenglamalar bilan aniqlanuvchi dinamik sistemalarning echimlar fazolarini o‘rganish imkonini bergan, xususan, differensial invariantlarni topish usullari xususiy hosilali tenglamalarni oddiy differensial tenglamalarga keltirish imkonini bergan.