Эргашев Илхом Олимжонович
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри “Кўп ишлатилиши мумкин бўлган аррали жин колоснигини ясашнинг самарали технологиясини ишлаб чиқиш”,
05.02.03–“Технологик машиналар. Роботлар, мехатроника ва робототехника тизимлари” 
Диссертация мавзуси рўйхатга олинган рақам: B2020.2PhD/T1606
Илмий раҳбар: Мухаммадиев Давлат Мустафаевич техника фанлари доктори, профессор
Диссертация бажарилган муассаса номи: Ўзбекистон Республикаси Фанлар академияси М.Т.Ўрозбоев номидаги Механика ва иншоотлар сейсмик мустаҳкамлиги институти
ИК фаолият кўрсатаётган муассаса номи, ИК рақами: Наманган мухандислик-технология институти, PhD.03/30.12.2019.T.66.01
Расмий оппонентлар: Джураев Анвар Джураевич техника фанлари доктори профессор, Шарипов Хайрулло Нуъмонжонович техника фанлари бўйича фалсафа доктори (PhD).
Етакчи ташкилот: Жиззах политехника институти
Диссертация йўналиши: амалий аҳамиятга молик. 
II. Тадқиқот мақсади пахтани дастлабки қайта ишлашнинг технологияси талабларига жавоб берувчи ресурстежамкор, янги ишлаб чиқариш принциплари асосида такомиллашган аррали жиннинг алмашинувчи элементли янги колосник конструкциясини яратиш ҳамда унинг конструктив ва технологик параметрларини илмий асослашдан иборат.
III. Тадқиқотнинг илмий янгилиги: қуйидагилардан иборат:
аррали жин машинаси учун янги конструкциядаги кўп ишлатилиши мумкин бўлган ҳамда минимал эгилувчан ва деформацияланувчи хусусиятларга  эга бўлган тўғри тўртбурчак шаклидаги колосник конструкцияси яратилган; 
янги конструкциядаги колосникнинг ишчи қисмига ўрнатиладиган алмашинувчи элементнинг рационал конструкцияси ва уни ясаш технологияси ишлаб чиқилган;
алмашинувчи элементни колосникка ўрнатишда колосникнинг эгилиши ва қолдиқ деформацияси минимал бўлган толани чигитдан ажратиш технологик жараёни такомиллаштирилган;
кўп ишлатиладиган, ресурс тежамкор колосник билан жиҳозланган аррали жиннинг энергетик ва физик- механик кўрсаткичлари аниқлаш учун боғланишлар ишлаб чиқилган.
IV. Тадқиқот натижаларининг жорий қилиниши Аррали жиннинг алмашинувчи элементли такомиллаштирилган колосник конструкциясини яратиш ҳамда унинг конструктив ва технологик параметрларига доир олинган илмий натижалар асосида:
95 аррали жиннинг бир аррага иш унумдорлиги 8ДП-90 аррали жинга нисбатан 0,8 кг/арра тола соатга ёки 12,8% га юқори, жиндан кейинги толадаги нуқсонлар ва ифлос аралашмалар миқдори 0,23 (абс) % га камайган, чигитнинг механик шикастланиши 11,0 % га ва энергия сарфи 9,9 % га камайганлиги аниқланган, келажакда иш унумдорлигининг ошишига ва энергия сарфининг камайишига олиб келувчи жинлашнинг самарали технологиясини яратиш имконини берган.
“Ўзпахтасаноат” акциядорлик жамияти Наманган вилояти “Мингбулоқ пахта тозалаш” акциядорлик жамияти ҳамда Ўзбекистон Республикаси Фанлар Академияси Механика ва иншоотлар сейсмик мустаҳкамлиги институти ходимлари иштирокида 2020 йил февраль – март ойларида ишлаб чиқариш синовларидан ўтказилди ва “Мингбулоқ” корхонасининг технологик жараёнига колосник панжараси такомиллаштирилган 95 аррали жин ишчи камераси жорий қилинган (10.03.2020 й. Далолатномаси).
Илмий натижалар кўп ишлатилиши мумкин бўлган аррали жин колоснигини ясашнинг самарали технологияси ишлаб чиқилиши, яъни унинг иш унумдорлигининг ошишига ва энергия сарфининг камайишига олиб келувчи жинлашнинг самарали технологиясини (“Ўзпахтасаноат” АЖ 30.07.2020 йилдаги №03-18/2053-сон маълумотномаси) яратиш имконини берган.