Инсопов Абдуғаппор Абдусаматовичнинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистонда фуқаролик жамиятини барпо этишда давлат ва нодавлат ташкилотлар ижтимоий шериклиги (1991-2016 йй.)”, 07.00.01. – Ўзбекистон тарихи (тарих фанлари).
Диссертация мавзуси рўйхатга олинган рақам: В2017.2.PhD/Tar122.
Илмий раҳбар: Муртазаева Раҳбархон Хамидовна, тарих фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон миллий университети, DSc.03/30.12.2019.Tar.01.04.
Расмий оппонентлар: Обламуродов Наим Халимович, тарих фанлари доктори, профессор; Джураева Нилуфар Далибаевна, тарих фанлари номзоди, доцент.
Етакчи ташкилот номи: Тошкент давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда фуқаролик жамиятини барпо этишда нодавлат нотижорат ташкилотларининг иштироки, уларнинг давлат билан ижтимоий шериклигини очиб беришдан иборат. 
III. Тадқиқотнинг илмий янгилиги:
бозор муносабатларига ўтиш даврида вужудга келган нодавлат нотижорат ташкилотлар республика ҳаётида аҳолини ижтимоий ҳимояси, илм-фан, маданият ва санъат каби соҳаларни ривожлантиришда давлатга кўмакчи бўлганлиги асосланган;
мамлакатда нодавлат нотижорат ташкилотлари сони ва сифати ўзгариши жараёнида уларнинг давлат бошқарувидаги иштирокидаги функционал вазифаларининг кенгайиши демократияни қарор топтиришда асосий  механизм сифатидаги мавқейининг ортишига имкон яратганлиги исботланган;
нодавлат нотижорат ташкилотлар ижтимоий шериклигининг муваффақиятли амалга ошишига тўсқинлик қилган учта сектор (давлат, тижорат, нотижорат) ўртасида ҳуқуқий саводхонликнинг тўлиқ шаклланмаганлиги, ҳудудлардаги ижтимоий аҳамиятга молик муаммоларни тўғри баҳоламаслик кабилар нодавлат сектор фаолияти ривожига салбий таъсир кўрсатганлиги аниқланган; 
сўнгги йилларда нодавлат нотижорат ташкилотларнинг аҳолининг кам таъминланган ижтимоий қатламларини қўллаб-қувватлаш орқали ижтимоий соҳадаги давлат ҳаражатларини камайтириш ишларидаги, аҳоли бандлигини таъминлашдаги иштироки ортиб бораётганлиги далилланган. 
IV. Тадқиқот натижаларининг жорий қилиниши. Ўзбекистонда фуқаролик жамиятини барпо этишда давлат ва нодавлат ташкилотларни ижтимоий шериклигига оид ишлаб чиқилган илмий хулосалар ва таклифлар асосида:
давлат ва нодавлат нотижорат ташкилотлари қадимдан мавжуд бўлиб, мустақиллик йилларида ижтимоий шериклик умуммиллий даражага кўтарилганлиги ҳамда ижтимоий консенсус феноменига айланганлиги тарихий эволюциясига оид натижалардан “Ўзбекистон Республикаси Олий Мажлис ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди” томонидан нодавлат ташкилотларни фаолиятини такомиллаштириш билан боғлиқ ҳуқуқий механизмларни такомиллаштирида фойдаланилган (Ўзбекистон Республикаси Олий Мажлис ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг 2021 йил 12 январдаги 18/1-69-сон маълумотномаси). Натижаларнинг қўлланилиши нодавлат ташкилотлари бўйича ҳуқуқий-меъёрий ҳужжатларнинг тегишли қисмларини такомиллаштиришга хизмат қилган;
демократик ислоҳотларни амалга ошириш жараёнида нодавлат нотижорат ташкилотлари сони ва сифати ўзгариб, функционал вазифалар ортиши натижасида илм-фан, экология, аҳоли саломатлигини сақлаш, ёш авлодни тарбиялашда ижтимоий шериклик самара бераётганлиги билан боғлиқ илмий хулосалардан Ўзбекистон Миллий университети Тарих факультети 5120300 Тарих (жаҳон мамлакатлари бўйича) таълим йўналиши негизидаги 5А120303 - Давлат бошқаруви ва маҳаллий ўз-ўзини бошқарув мутахассислиги учун ДТС, малака талаблари ва фан дастурларини ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 17 ноябрдаги 89-03-4843-сон маълумотномаси). Натижада ўқув жараёнини такомиллаштириш ҳамда тегишли даврлар бўйича мавзуларни бирламчи манбалар асосида ёритиб беришга имкон яратган;
давлат ва нодавлат нотижорат ташкилотлари ижтимоий шериклиги суст ривожланганлиги, уларни молиялаштиришда асосан давлат субсидияси, давлат грантлари ва давлатнинг ижтимоий буюртмаларига таянилиб, фуқаролар ташаббуслари учун тегишли имтиёзлар механизми яратилмаганлиги билан боғлиқлигига оид илмий натижа ва хулосаларидан Ўзбекистон миллий телерадиокомпанияси «Oʻzbekiston» телерадиоканали» ДУК қошидаги «Oʻzbekiston tarixi» телеканали «Тақдимот» кўрсатуви сценарийсини тайёрлашда фойдаланилган (Ўзбекистон миллий телерадиокомпанияси «Oʻzbekiston» телерадиоканали» ДУК қошидаги «Oʻzbekiston tarixi» телеканалининг 2021 йил 16 февралдаги 02-10-226-сон маълумотномаси). Натижаларнинг қўлланилиши телетомошабинларда нодавлат нотижорат ташкилотларни тарихий илдизлари, ушбу ташкилотларнинг давлат билан ижтимоий шериклиги масаласида амалга оширган амалий ишлари билан боғлиқ тасаввурларининг кенгайишига хизмат қилган.