Норбоева Сарвиноз Менгалиевнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Талабаларда маънавий компетентликни ривожлантиришнинг назарий-педагогик асосларини такомиллаштириш)”. 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: В2019.3.PhD/Ped1080.
Диссертация бажарилган муассаса номи: Термиз давлат университети.
Илмий раҳбар: Ходжаев Бегзод Худойбердиевич, педагогика фанлари доктори, профессор.
ИК фаолият кўрсатаётган муассаса, ИК рақами: Термиз давлат университети, PhD.03/30.12.2019.Ped.78.03. 
Расмий оппонентлар: Олимов Ширинбой Шарофович, педагогика фанлари доктори, профессор; Қуронов Муҳаммаджон, педагогика фанлари доктори, профессор. 
Етакчи ташкилот: Фарғона давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади талабаларнинг маънавий компетентлигини ривожлантиришнинг назарий-педагогик асосларини такомиллаштиришга доир таклиф ва тавсиялар ишлаб чиқишдан иборат. 
III. Тадқиқотнинг илмий янгилиги:
контекстли ёндашувга асосланган ҳолда шахс ривожининг субъективлиги, ўқув-билиш фаолиятининг индивидуаллиги, педагогик-психологик фанларнинг потенциал имкониятлари билан боғлиқ омилларга устуворлик бериш асосида талабаларнинг маънавий компетентлигини ривожлантиришнинг компенсатив тавсифга эга ўз-ўзини ривожлантириш, ўз-ўзини коррекциялаш, ҳаётий мақсадларини идентификациялаш каби психологик-педагогик хусусиятлари аниқлаштирилган;
интеграллашган, мини курслар мазмунини горизонтал ва вертикал кўринишда бойитиш асосида ўқув материалларини концентрлаш тажрибасининг эмпириклик даражасини кенгайтириш орқали педагогик-психологик фанларнинг талабаларда маънавий компетентликни ривожлантиришга доир конструктив гносеологик, прагматик, социоцентрик каби аксиопедагогик имкониятлари такомиллаштирилган;
талабаларда маънавий компетентликни ривожлантиришнинг объект ва субъектга доир, ижтимоий мақсадга мувофиқликни қатъий белгилаш орқали мулоқотнинг ижтимоий-перцептив услубини фаоллаштирувчи ўз-ўзини англаш ва индивидуал ривожланиш траекториясини белгилаб беришга имкон берувчи муаммоли, жадал таъсир кўрсатувчи, ўз-ўзини баҳолаш бўйича педагогик вазиятлар тизими ишлаб чиқилган;
таянч компетенцияларни прагматик-структур таҳлил этиш орқали маънавий компетентлик шахс интегратив хусусияти сифатида ўзида маънавий билимдонлик, маънавий қадриятлар тизимида ўз ўрнини аниқлаш имконияти ва ҳаётий вазиятларнинг кенг доирасида маънавий етукликни намоён қилиш қобилиятини акс эттирувчи субкомпетентлик эканлиги асосланган.
IV. Тадқиқот натижаларининг жорий қилиниши. Талабаларнинг маънавий компетентлигини ривожлантиришнинг назарий-педагогик асосларини такомиллаштириш бўйича илмий натижалари: 
таянч компетенцияларнинг прагматик-структур таҳлил этиш орқали асосланган маънавий компетентликнинг шахс интегратив хусусияти сифатида ўзида маънавий билимдонлик, маънавий қадриятлар тизимида ўз ўрнини аниқлаш имконияти ва ҳаётий вазиятларнинг кенг доирасида маънавий етукликни намоён қилиш қобилиятини акс эттирувчи субкомпетентлик эканлигига доир таклиф ва тавсиялардан “Узлуксиз маънавий тарбия” концепциясини ишлаб чиқишда фойдаланилган (Олий ва ўрта махсус таълим вазирлигининг 2020 йил 6 февралдаги 89-03-529-сон маълумотномаси). Натижада, маънавий компетентликка устуворлик бериш асосида талабаларнинг умуммаданий ва касбий компетенциялар тизимини ишлаб чиқишга хизмат қилган;
контекстли ёндашув асосида шахс ривожининг субъективлиги, ўқув-билиш фаолиятининг индивидуаллиги, педагогик-психологик фанларнинг потенциал имкониятлари билан боғлиқ омилларга устуворлик бериш асосида талабаларнинг маънавий компетентлигини ривожлантиришнинг педагогик-психологик хусусиятлари аниқлаштириш, интеграллашган ва мини курслар мазмунини горизонтал ва вертикал структуралаш асосида ўқув материалларини бойитиб бориш тажрибасини эмпириклик даражасини кенгайтириш орқали педагогик-психологик фанларнинг талабаларда маънавий компетентликни ривожлантиришга доир аксиологик имкониятларини такомиллаштириш бўйича амалий таклиф ва тавсиялардан 5А110901 – Педагогика назарияси ва тарихи магистратура мутахассислиги учун “Педагогик тадқиқотларни моделлаштириш” номли ўқув қўлланмани ишлаб чиқишда фойдаланилган (Олий ва ўрта махсус таълим вазирлигининг 2021 йил 31 майдаги 237-сон буйруғи, 531-008 рақамли гувоҳнома). Натижада, магистрантларнинг педагогик фанларнинг аксиологик имкониятларини баҳолаш, талабаларнинг маънавий компетентлигини ривожлантиришнинг назарий-методологик асосларига доир билимларини кенгайтиришга хизмат қилган;
талабаларнинг маънавий компетентлигини ривожлантиришга доир объектив ва субъектив жиҳатларни аниқлаштириш, ижтимоий мақсадга мувофиқликни қатъий белгилаш орқали мулоқотнинг ижтимоий-перцептив услубини фаоллаштирувчи педагогик вазиятлар тизимидан ОТ-Ф1-36. “Талабалар маънавиятини диагностика қилиш механизмларини такомиллаштириш” (2017-2020 йй.) лойиҳасини ишлаб чиқишда фойдаланилган (Олий ва ўрта махсус таълим вазирлигининг 2020 йил 6 февралдаги 89-03-529-сон маълумотномаси). Натижада, талабалар маънавиятини диагностика қилишда мулоқотнинг ижтимоий-перцептив услубини фаоллаштирувчи педагогик вазиятлардан фойдаланиш самарадорлигини оширишга эришилган.