Раҳимов Санжар Абдулаҳадовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Инновацион иқтисодиётда банкларнинг депозит сиёсати самарадорлигини ошириш йўллари», 08.00.07 – Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2020.1.PhD/Iqt1224.
Илмий раҳбар: Омонов Акром Абдиназарович, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, 03/10.12.2019.I.16.01.
Расмий оппонентлар: Алимардонов Илхом Музрабшохович, иқтисодиёт фанлари доктори, доцент; Додиев Фозил Ўткирович, иқтисодиёт фанлари номзоди.
Етакчи ташкилот: ХАБ “Трастбанк”.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон тижорат банклари депозит сиёсати самарадорлигини ошириш йўллари ва уни такомиллаштириш юзасидан илмий асосланган таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
тижорат банклари депозитларининг муддати ва суммалари бўйича дифференциал фоиз ставкаларини жорий этиш асосида уларнинг барқарорлик даражаси ҳамда жозибадорлигини ошириш таклифи асосланган;
тижорат банклари депозит сиёсатининг қисқа ва узоқ муддат оралиғидаги самарадорлигини аниқлашнинг тизимли баҳолаш усули ва баҳолашнинг базавий мезонлари таклиф қилинган;
тижорат банклари депозит сиёсатининг иқтисодий самарадорлигини депозит хизматлари бозоридаги талаблар доирасида ҳар чоракда баҳолаш асосида унга қўшимча ва ўзгартиришлар киритиш таклиф этилган;
тижорат банклари депозит сиёсати самарадорлигини баллик тизим асосида баҳолаш орқали уларнинг депозит базаси мустаҳкамлигини таъминлаш таклифи асосланган.
IV. Тадқиқот натижаларининг жорий қилиниши. 
Инновацион иқтисодиётда банкларнинг депозит сиёсати самарадорлигини ошириш йўллари бщйича олинган илмий натижалар асосида: 
банкларнинг депозит сиёсатини ишлаб чиқишда фоиз ставкларининг турлари (қатъий белгилаб қўйилган ва сузиб юрувчи (барқарорлик даражасига боғлиқ ҳолда)), реал ва номинал, ижобий ва салбий (ресурслар ва фоизларнинг қадрсизланишидан ҳимояланганлик даражасига боғлиқ ҳолда), шартномавий фоиз ставкалари ва банклараро бозордаги фоиз ставкаси (депозит бозоридаги секторга боғлиқ ҳолда) ва уларни амал қилиш тартибини қаътий белгилаб қўйиш мақсадга мувофиқлиги таклифи АТИБ “Ипотека банк”нинг 2019 йилга мўлжалланган банк депозит сиёсатини ишлаб чиқишда фойдаланилган ва амалиётга жорий этилган (АТИБ “Ипотека банк”нинг 2020 йил 17 декабрдаги 14-3/5044-сон маълумотномаси). Ушбу таклифнинг амалиётга жорий этилиши натижасида банкнинг жами депозитлари йил бошига нисбатан 2020 йилнинг 1 январь ҳолатига 15,4 фоизга ошишига имкон яратган;
тижорат банклари депозит сиёсати самарадорлигини баллик тизимда баҳолаш модулини жорий этиш таклифи АТИБ “Ипотека банк” депозит сиёсатини ишлаб чиқишда инобатга олинган ва амалиётга жорий этилган (АТИБ “Ипотека банк”нинг 2020 йил 17 декабрдаги 14-3/5044-сон маълумотномаси). Мазкур таклифнинг амалиётга жорий этилиши банкнинг депозитлар баҳоси бозор талаби ва таклифи асосида дифференциялаш имкониятини бериш билан бирга талаб қилиб олингунча депозитлар бўйича қилинган фоиз тўловларига қилинган харажатларни 2020 йил 1 октябрь ҳолатига ўтган йилнинг шу даврига нисбатан 19 фоизга қисқартириш имкониятини берган;
тижорат банкларининг депозит сиёсатини маҳаллий ва хорижий молия бозорларидаги депозит хизматларига бўлган талаб ва таклифларни оптимистик, базавий ва пессимистик сценарийлар асосида ҳар чоракда камида бир марта банк кенгашида муҳокама қилиш асосида тегишли қўшимча ва ўзгаришлар билан қайта тасдиқлаш амалиётини жорий этиш таклифи АТИБ “Ипотека банк”нинг депозит сиёсатида жорий этилиши натижасида депозит хизматлари ассортиментини кенгайтиришга хизмат қилган (АТИБ “Ипотека банк”нинг 2020 йил 17 декабрдаги 14-3/5044-сон маълумотномаси). Мазкур таклиф банкнинг келгуси йиллардаги депозит сиёсатини ишлаб чиқишда қўллаш қабул қилиган ва 2021 йил бизнес режаси параметрларни ишлаб чиқишда жорий этилган;
тижорат банкларининг депозит сиёсати қисқа ва узоқ муддат оралиғидаги самарадорлигини комплекс-тизимли (вектор) баҳолаш мезонини амалиётга жорий килиш таклифи АТИБ “Ипотека банк”нинг 2019 йилга мўлжалланган банк умумий стратегиясини ишлаб чиқишда фойдаланилди ва амалиётга жорий этилди (АТИБ “Ипотека банк”нинг 2020 йил 17 декабрдаги 14-3/5044-сон маълумотномаси). Ушбу таклифнинг амалиётга жорий этилиши натижасида банкнинг муддатли депозитлар суммаси 2020 йил 1 январь ҳолатига ўтган йилнинг шу даврига нисбатан 45,4 фоизга ортган.