Эл-Саид Абдел-Халек Моҳамеднинг (Elsayed Abdel-Xalek Mohamed) фан доктори (DSc) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Математик моделлаштиришга асосланган атом-майдон тизимининг чигаллаши ва статистик хоссалари бўйича квантли ахборот квантификаторлари», 05.01.07– Математик моделлаштириш. Сонли усуллар ва дастурлар мажмуи (физика-математика фанлари).
Диссертация мавзуси рўйхатга олинган рақам: ХХХ
Илмий маслаҳатчи: Расулова Мухайё Юнусовна, физика-математика фанлари доктори, профессор.
Диссертация бажарилган муассаса номи: Мисрнинг Соҳаг (Sohag) университети.
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.FM.01.02 рақамли Илмий кенгаш.
Расмий оппонентлар: Мухаммад Ридза Ваҳиддин, физика-математика фанлари доктори, профессор (Малайзия); Махмуд Абдул Ати, физика-математика фанлари доктори, профессор (Миср); Абдурахимов Бахтиёр Файзиевич, физика-математика фанлари доктори, профессор.
Етакчи ташкилот: Россия Фанлар Академияси В.А.Стеклова номидаги Математика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ёпиқ ва очиқ атом-майдон тизими ўзаро таъсирининг математик моделини қуриш, икки, уч, тўрт сатҳли ҳамда оптик нурланиш майдони каби квант схемалари учун турли квант квантификаторларининг динамик ҳусусиятларини аниқлашдан иборат. 
III. Тадқиқотнинг илмий янгилиги қуйидагилардан иборат:
радиация майдонларининг турли хил бошланғич ҳолатлари учун очиқ ва ёпиқ квант тизимларини тавсифловчи математик моделлар қурилган;
ёпиқ ва очиқ квант тизимларининг математик моделлари учун дифференциал тенгламалар ва математик операторларни ечиш усуллари ишлаб чиқилган;
фотон статистикаси ва майдоннинг классик бўлмаган ҳусусиятлари аниқланган; 
атом Vehrl энтропияси, атом Vehrl зичлиги ва атом Фишер маълумотларининг квант чалкашлик квантификаторлари аниқланган;
Фишер квант маълумотлари ва фон Нейман энтропияси ўртасида монотон боғлиқлик мавжудлиги аниқланган; 
Керр муҳити, сиқиш ва ажратиш каби параметрларнинг Vehrl энтропияси эволюциясига таъсири ва квант Фишер маълумотларига таъсири аниқланган;
квантли Раби моделларининг аниқ ечими топилган; 
атом-атом чигаллиги ва фон Нейман энтропиясини ўлчашда негативлик баҳолари олинган;
Керр муҳити ва бузилиш каби асосий параметрларининг квант Фишер ахборотига таъсири аниқланган.
IV. Тадқиқот натижаларининг жорий қилиниши:
Радиация майдонларининг турли хил бошланғич ҳолатлари учун очиқ ва ёпиқ квант тизимларини тавсифловчи математик моделларни қуриш ва атом-майдон тизимининг чигаллаши ҳамда статистик хоссалари асосланиб квантли ахборот квантификаторларини аниқлаш бўйича олинган натижалар асосида:
атом Vehrl энтропияси, атом Vehrl зичлиги ва атом Фишер маълумотларининг квант чалкашлик квантификаторларидан хорижий илмий журналларда (Expert Systems with Applications, Volume 94, 2018, Pages 1-10; IET Biometrics, Volume 6, Issue 2, 2017, Pages 97-107; Multimedia Tools and Applications volume 79, 2020, Pages 22497-22523) классик майдонда энтропиянинг сиқилиш эволюциясига таъсирини аниқлашда қўлланилган. Илмий натижаларнинг қўлланилиши кўз тўрлари орқали шахсни идентификация қилиш усулини такомиллаштириш имконини берган;
Фишер квант маълумотлари ва фон Нейман энтропияси ўртасида аниқланган монотон боғлиқликдан хорижий илмий журналларда (Physica A: Statistical Mechanics and its Applications Volume 466, 15 January 2017, Pages 521-536; Appl. Math. Inf. Sci. 7, No.5, 2013, Pages 1809-1817; Biocybernetics and Biomedical Engineering, Volume 37, Issue 1, 2017, Pages 143-158) Рени ва Цаллис энтропиялари параметрларининг тасвирларни сегментлаш сифатига таъсирини аниқлашда қўлланилган. Илмий натижаларнинг қўлланилиши тасвирларни сегментлашда Рени ва Цаллис энтропиялари параметрларининг оптимал қийматини топиш имконини берган.